我又有壯舉!!

今日繼續豪食,去o左Times Square食任食沙律bar,沙律bar + 餐湯$58,同事們就叫有埋main course o既set,$85, 結果大家出去沙律bar時先發現原來沙律bar係有pizza任食o架,結果大家都好泵心,個個讚我精明,不過就講笑話lunch錢平均除,搞到我只識傻笑唔識應...哈哈!!!不過呢間o野的確幾抵食,因為沙律bar好多選擇,仲有甜品,我o地個個食到捧住個肚番公司!!!

===============================================

夜晚...洗衫,換水,煮o野食...本來都好有條理,點知食完洗碗時又出事...

我預備倒煲完o野o既湯時忽然想飲一啖,於是倒o左一啖落碗,之後就一大啖飲落口,點知...點解d味咁怪o既???? o係我醒覺發生咩事o既時候,啖湯已經'good'一聲吞o左喇...

原來...原來我頭先預備洗碗時,已經手快快將洗潔精倒倒o左入碗,而我飲o既正正係湯+洗潔精!!!!!!!!!!!!!!!!!!

而家,我硬係覺得個肚有d o野,都唔知係咪心理作用...似乎我近排真係有d失常...