大姐會大鬧珍妮家

大姐會是日殺入屯門,大鬧珍妮雞泡之家,為壽星女Emily慶祝牛一!!!

我,Bess同Rebec兩點先入到屯門,再join埋珍妮去商場食下午茶同去超巿買零食!!大約三點幾四點上到珍妮雞泡之家,哈哈,大家第一時間當然係叫珍妮介紹佢兩隻寶貝兔兔俾大家識啦!!

家姐Sasa同細老Jobe比我想像中大隻少少,不過佢o地白雪雪真係好可愛!!雖然主人話佢o地唔鍾意人抱,不過都唔怕人,會行o黎行去聞人o地,仲見'lone'就捐,好得意!!

之後仙廸都到喇,而主人家就要離家一個鐘,哈哈,佢o地又會咁放心俾我o地呢班大家就咁留係屋企o既,唔怕我o地拆o左佢屋企呢!!!主人家唔係度時我o地玩Wii fit,我第一次玩咋,原來真係會玩到好支力,我同Bess同仙廸又玩比賽又玩合作o既遊戲,好搞笑,影o左唔少好有動感o既相!!

之後Athena都到喇,原來我o地自珍妮結婚後到而家都未見過喇,成大半年,哈哈,去完旅行番o黎o既佢黑o左好多呀!!!

Bilibala bilibala,Athena把聲好快就拆o左,好誇張!!!珍妮番o黎後就播番佢同雞泡大日子o既片段俾我o地睇,估唔到咁快就過o左半年有多喇,仲好似尋日o既事咁!!!睇片其間Emily同Clok仲有Hanki都到喇!!!大家一齊邊坐定定睇片邊等叫o左o既外賣KFC&pizzabox,當我睇到雞泡彈琴俾珍妮o個part時依然覺得好感動呀!!!

好喇,o野食齊晒,開餐!!!我食o左兩件pizza一件雞,仲飲o左兩碗羅宋湯,肚都突埋...真係好full...不過接住仲有美食,就係仙廸親手整o既靚靚蛋榚喇!!!

送禮物時間,由於時間關係,禮物已經一早收埋o左係珍妮屋企個CD櫃入面,哈哈!!Emily搵呀搵,連其他大姐都望到喇,emily都仲未搵到,哈哈!!...搵到喇,係一條頸鏈呀,希望壽星女鍾意啦!!!

最後,當然係估secret pic o既時間啦,本來大家都一至估係clok o架,點知峰迴路轉,阿Bess喝停後,大家唔知點解將目標轉移到我身上...哈哈...結果我都係走唔甩,俾大家估中...等我仲一路保持低調,大家估係clok時仲暗自得意奸計得逞tim!!!!

今晚玩得好開心呀,特別係一早就去玩,所以今次唔似之前食飯咁,成日有玩得唔夠喉o既感覺,真係打搞晒珍妮同雞泡喇!!!