成袋油!!

今日honey要番工,我就等到佢放工先一齊上深圳,其實咁夜我都唔多想上o架,聽日仲要去珍妮屋企玩嘛,好趕!但honey又好似好想帶我去食佢口中好好味o既'豬肚雞',所以最後都上o左去!!

去食'豬肚雞',其實係一大煲o既胡椒豬肚湯同雞,d雞麻麻啦,煮到好鞋,但大至上個湯係幾好味o既,至少佢平,又唔使次次同honey都係食小肥羊!!

埋單,意外就此發生!!執台位姐姐竟然將我打邊爐'畀'出o黎o個碟雞油倒o左落我個靚靚紫色袋度!!個姐姐不斷道謙不斷用濕布幫我抺袋,抺呀抺,當時我都有諗好唔好投訴,但最後都係無咁做,仲同佢講o左句'唔該'!

離開食店,我同honey都話個侍應姐姐一定好慶幸遇到我同honey,比著其他人一定投訴...之後我同honey再討論番件事,回想當時情境,其實我o地未埋單,真係可以屈佢free我o地,但侍應姐姐亦可能要因此扣人工...所以,結論都係一樣,如果再發生多次,我諗我同honey都係唔會出聲!!

最後,個袋都係洗唔番,要掉o左佢...唯有當自己唔好彩!!