開席時原來d Centerpiece全部都收起晒!!!!!!!!幾時收埋o架???
...等我仲成日諗我間酒店offer o既紅玫瑰centerpiece唔match我紫+綠o既wedding theme,我可以點樣DIY centerpiece添!!!開席梗係食o野啦,要上菜o架嘛,仲放舊花係中間咪阻住晒囉...點解我咁都諗唔到...
既然centerpiece只係出現得o個一陣,咁我花咁多時間心機去諗去DIY,其實係好浪費自己時間同金錢喎!!講真,如果我唔係尋日睇番d片,我都唔會記得我珍妮結婚o個日o既centerpiece係咩啦...咁...點解仲係有咁多人去俾錢做decoration,DIY centerpiece呢???唔通只係為影o個一兩張相做紀念?如果係,咁整一兩個放主家席咪得囉?點解要圍圍整????我真係有d諗唔明喇,好迷惘...
我估唔少準新人都有上網搵centerpiece資料,仲會睇見唔少靚相,好想自己跟住整,但係...留意o下,Centerpiece始終係外國人玩意呀,人o地張台無轉盤o架,而且西餐唔使成碟上,一上菜已經係分好放o係每個人個位度嘛,所以Centerpiece放成晚都無所謂!!!
Src: http://www.cupidsarrowweddings.net/arrangements.php?cat=6
再細心睇珍妮的晚宴片段,睇見佢老公為o左佢填詞學琴自彈自唱,所有感動場面都仲深印我腦海...!!!!無錯,點解我一路都無為意??大日子o既意義,唔係在於我幾花時間心思係d 衫呀首飾呀decoration同食物度,而係兩個人之間o既承諾度呀!!!!!!!!!!
珍妮兩公婆俾o左我一個活生生o既好例子,任你個場地幾靚,d衫幾靚首飾幾名貴都好,都真係唔及雞泡呢位新郎哥為珍妮製造驚喜o黎得浪漫感人,同令人印像深刻呀!!!
為o左大日子o既DIY,我都花o左唔少時間去構思同上網搵資料,似乎真有點走火入魔,我真係應該小心點,將個重心放番係大日子o既真正意義之上!!
...當然,我亦唔係話咩都唔整咩都唔搞,成個晚宴一味得新人互訴有幾愛對方先係o岩先係好,始終一生人一次o既婚宴上,有適量o既DIY可以令賓客感覺到新人o既誠意同心思,但真係要記住,DIY o既同時唔好將重點放晒係靚唔靚,而要記住你想咁樣DIY o既真正目的,有番呢個重心,相信DIY就算幾簡單都好,俾賓賓o既感覺都一定係溫暖o既,自己亦可以留個紀念,有個美好回憶!!
我要好好記住呢一點先得!!!!
=====================================================
另外,由於我同仙廸婚期好近,而我同佢都有一班common好姊妹,經過珍妮幫忙搜集各人意願後,尋日終於都正式confirm到姊妹人選:
Athena,Betty,Clok,Karen&Jenny!
計埋我伴娘Natalie同埋我,剛好七個人...問題又o黎喇!!!!!!!
成日話要雙數雙數,咁係就咁計姊妹要雙數?定係姊妹+伴娘要雙數?定係姊妹+伴娘+我要雙數?
問一問媽咪,原來佢結婚時都無理呢d,其實我都唔多迷信,我都唔多想理喇...
總之兄弟姊妹同數量,咁所有人加埋咪一定係雙數囉...係咪???????????????
沒有留言:
張貼留言