看,皮膚像中毒似!!
晚上向賣家MSN投訴,討論間發現我create o既jpg file可能有問題!!!因為賣家說噴繪簽名布是用CMYK mode,而我o既jpg file是由RGB mode create o既!!!好,就當我自己無問明檔案mode,我問賣家,如果我用CMYK mode create多次jpg,再造多一張簽名布,造出來o既會唔會同先前用RGB mode建立,係電腦上睇o既效果一樣,結果對方只不斷建議我唔好用藍色做background,改用白/粉紅就偏色都唔覺...!!!!!!!!!!
雖然我明白少許偏色好正常,但而家偏成咁,我真係唔信我用白/粉紅就無事,我依然覺得係color mode問題,但對方又因為設計師唔係度問唔到而答唔到我,你叫我可以點??要我放棄自己o既設計嗎?no way!!!但而家對方都唔可以肯定咁答我用番CMYK mode係咪就可以出番我要o既效果,咁我當然無信心再幫襯佢做多一張啦!!!
唉...原本仲以為自己好叻,自己設計再上大陸網訂簽名布save o左好多錢(張簽名布大概百一港元〉,而家都唔知係咪要再造多一張...得不償失...好唔開心呀...
其實...我問過我爸媽,佢o地唔覺有問題,仲以為係我整到張圖偏綠偏藍...但係我同我妹就一睇就覺...嗚...俾著係大家,你會唔會造多一張???如果造,咁再唔再幫襯番同一間??
見係post出黎既圖就好暗啦. 如果到時 reception 位夠光猛可能都ok
回覆刪除係唔係全張都係咁既tone ?? 咁樣簽名唔係好起眼喎.
[SkyBlue回覆10/29/2008 08:57:00]我影得係暗o左少少啦,佢話印出o黎比原圖會淡色D,但turn out係深色o左囉...
係呀,成張圖大部份位都係藍色底o架,不過睇實物覺得都應該睇到簽名o既...
希望...
你張簽名布睇來都幾大張, 四四方的, 係咪唔係放reception枱? 你不如用呢張試試簽名既效果, 睇下用呢類色出來係點樣! 反而經你呢個經歷, 我都會考慮用香港公司, 同搵我朋友們 (做design) 介紹一d用過既俾我, 有信心d, 有問題都可以商量!
回覆刪除^.^
[SkyBlue回覆10/29/2008 09:50:00]張布20"X46"囉,唔算太大又唔太細... 嗚...你有識人做簽名布??咁有無識人做相簿呀???經過今次,本來我想搵大陸造相簿o架,而家搞到我無晒信心...
偏色呢d 真係要小心d, 真咁轉cmyk唔知得唔得. 以前公司logo都試過由藍色變左紫色.好似要一開始create個file就揀埋cmyk? 唔知可唔可以print out一張俾佢對色?
回覆刪除[SkyBlue回覆10/29/2008 21:42:00]係呀,一create個file要轉呀我估,不過就算我轉o左,間o野都俾唔到信心我下次會無事,真係唔敢再整...
唔知現場效果同你attach 戈張差別大唔大呢... 如果差唔多... 好似麻麻地vo... 比我一定會靜靜雞做多張~~ heheh~~ 但應該唔會揀同一間lu...
回覆刪除我朋友係珠海做油畫 同 簽名布... 個outcome 好好呢~~ 所以大陸野有時都有驚喜~~ 但係係拱北... 同埋一定要in personal 咁去lor~~
好彩waste 一百呢個amount都唔算好大... 唔好咁down la...
[SkyBlue回覆10/29/2008 21:46:00]咁又係,一百蚊真係唔算多,但我本來係想save money,但如果整多張,到頭o黎係waste money囉...仲有,你知我自己design相簿,我本來都係打算大陸整,仲因為平而design o左十六版呀!!!香港o個d通常造十誇頁,每加一誇頁要最少八九十蚊o架,即成本係要千幾囉,但大陸只要五百蚊唔使...
但而家咁,真係咩信心都無,但要我由頭再source過相簿公司格價又好煩...嗚...
有無可能叫佢免費改？真係唔可以用？
回覆刪除如果無可能，如果係香港做都係差一百蚊度, 咁係hk整啦﹗
其實無乜人會好留意ga，如果唔想再整，你又接受到的，算啦~ 況且以過來人來說，簽名布番左屋企後，係絕少打開睇的﹗
[SkyBlue回覆10/29/2008 21:48:00]唔得呀,隔空對話無得當面對侍好難迫佢免費...我問佢我造多張有無得平D都話無...:(
你又講得o岩,我都知簽名布無咩人留意,而且我屋企人都唔覺有問題...等我再問多D人意見睇o下而家張o野係咪真係咁差先...
個色又真係麻麻地喎，我感受到你自己設計d野出o黎之後既失望呀~
回覆刪除如果係我，我會要求呢一間公司免費幫我做多一次，如果再做都真係唔得就會搵過另一間香港公司囉~~
[SkyBlue回覆10/29/2008 21:50:00]唔得呀,隔空對話無得當面對侍好難迫佢免費...我問佢我造多張有無得平D都話無,唉...網上購物就有呢個唔好處,而且我個file唔係CMYK都係出自我問題...:(
hello呀第一次留言。我覺得個大陸印刷真係好無heart，講真佢地做咁多呢類野，一見到你個format唔係RGB又或用了藍tone, 我覺得佢地有責任要通知你，第日製成品可能會變色之類，但佢地無lor。其實你不如係香港搵印刷格下價la，觀塘有好多都唔差，同埋你可以親身去follow排版等，我諗會易control d。
回覆刪除[SkyBlue回覆10/30/2008 21:40:00]係呀,你講得o岩,我都覺佢地係要提我,而且普通人唔自己design,都係俾RGB相佢地,理論上佢地pass俾designer一定識執番o岩個format先出,但好明顯佢今次見我自己design就俾都無俾designer轉番o岩我個file就直接拎去印囉...
唉,一百蚊,唯有當吸收經驗,下次學精d!!!