Karen畢業相

今日係Boxing Day,亦係Karen影畢業相o既日子!我lunch好快咁同我屋企人食完和民就趕出去沙田,因為我book o左時間做個free o既eye mask,點知間o野都唔係做生意o既,乜價錢都無同我講就'又'我走喎,哈哈!!之後我又'趕'出去旺角先達諗住拎番部手機,點知仲未整好,運o左場吉,可惡!!!

大約三點,我終於到達HKU喇,我自從一年前影畢業相後都無番過去喇!!今日天氣唔太凍又唔太熱,而且仲有陽光,好好天 ,好適合影相!我一到HKU就撞到我d中學同學,我當然同o左佢o地影番張相啦,我仲俾o左我前日買o個本日本書書俾natalie,希望佢鍾意呢份聖誕禮物!!今年得Karen一個影,Emily同Jenny有事o黎唔到,不過我o地八個女仔加埋九樓幾個男仔行動都好快,大約六點就影完相喇!!!係main buid影相時我o地勁搞笑,扮disney大滙演同佛地魔,哈哈,又勁似喎!!

夜晚我o地出o左洞鑼灣食新疆o野,不過我o地太多人坐o左係吸煙區,我仲食o左唔少二手雪茄...好難頂!!!我o地食o左鹿肉同駝峰肉,雖然好似無我係新彊食足八日o個d食送菜,但d味道都令我諗起新彊,忽然有d想再去過呢!!!

Yeah!又到o左大姐會一年一度大function~交換聖誕禮物環節喇!!今年我o地o既budget加o左碼一倍,前年用畫鬼腳,舊年用hello kitty磁石配對,今年就跟年齡大小抽號碼,我抽中Betty由日本買番o黎o既化妝袋,好靚靚呀!!!!

食完飯,我,Cindy,Betty, Bess同Clok去o左唱K,其實得我一個好'恨'唱咋,其他人前幾日都唱過,早知我唔出聲話唱K啦,可能多d人玩熱鬧d!!!!!今晚唱o左好多新歌,嘻,都算俾我過o左少少K癮,今個Boxing Day就係我班好姊妹o既笑聲中渡過!!!!! ^.^