聚

今日無乜特別呀,都係狂清星期六日無清O既公司O野,不過我係邊睇'棋魂'邊做,因為我爸借O左同事D老翻碟,我用電腦開個細screen係側邊邊做O野邊睇,都幾方便!!!

夜晚七點半出到旺角,因為今晚約O左舊同事食飯聚O下,雖然係星期一,但周圍都好多人咁,我O地最終去o左食一間日本o野!!我o地邊食邊傾計,我忽然間變o左做'少lai',因為我而家生活好'寫意',唔使番工又朝朝跑步做運動,得閒就陪我媽媽出o下大埔中心,沙田,又一城行街,生活真係幾似'少lai',哈!!不過呢d生活星期三就要暫時結束喇!!!!

我o地講o左好多公司o野,知道番d舊公司近況,原來有兩位同事請飲呀!!另外就係前排佢o地annual dinner d搞笑o野、接我手o個個同事走o既時候o既情況,同埋一單'驚'人拍拖消息!!!!!今晚可以笑得咁開心同埋聽番咁多關於舊公司o既o野,我覺得真係好有親切感呢!!!