A貨Rain

今日天氣轉冷o左喇,但我都有同我爸爸朝早起身跑步!!

本來今日無乜特別事發生,但我今日見到'RAIN'呀!!!!!

事緣我同爸媽食完味千之後,我就要出去黃埔做project,我竟然就係途中見到'RAIN'!!!...不過呢個'RAIN'唔係正版,而係'

A貨RAIN'呢!!!

由於我企係車門邊,係埋大圍站時,我就已經望到一個著黑色褸白色shirt衫o既男仔,由於佢只扣O左一粒鈕,所以佢其實係開胸,露出佢D胸肌,由於佢仲要set埋頭,所以都幾搶眼,我忍唔住梗係望多兩眼啦!!望落之後我真係覺得佢好似之前雜誌話有得上網bid同佢出街o既香港版'Rain'呢,由於我只係企佢側邊,雖然佢全程只係低頭睇漫畫,但我都幾肯定我無認錯,本來我心入面勁想出聲問O架,但認錯又好瘀,而且我又真係無呢個膽量呢!!結果我唯有利用我個手機偷偷拍o左佢個側面,不過唔太睇得出佢似'Rain'呢(佢其實唔高,而且唔知係咪大隻啦,我覺得佢有少少似方力申咁肥肥矮矮!!)!!

大家又睇睇似唔似呢?!