聖誕大排檔大餐

一朝訓醒就要番香港喇,因為我o地訂o左飛要去油麻地電影中心睇'King Kong'呢!!!本來我o地原本想尋日睇戲之後先上深圳o架,但d戲院實在太爆滿喇,所以唯有今日先睇!!套'King Kong'比我想像中好睇,我好少睇戲可以成程都'練'到我Honey咁大力,仲要'練'痛我honey添,因為實在太緊張剌激喇,戲入面個森林好得人驚呢!!!!!!!!!!其實我完本想睇'無極'多d,但而家覺得'King Kong'都好值得睇,唔怪得我honey猛叫我去睇,不過我Honey話都係覺得舊o個d King Kong 好睇d喎!!!

夜晚我o地去o左禾輋食大排檔,因為我屋企人近排都食過o個度d黃金蝦同乳鴿,真係好抵食又好味,所以我特登帶我honey去食!!!我o地食o左黃金大蝦,籠仔蟹飯,乳鴿同拼盤,其實個拼盤可以唔叫o左,但最衰honey,佢以為自己唔夠飽,點知唔係囉,好彩最後都無浪費,食得晒!!!嘩,呢兩日真係食得勁豐富,我已經肥o左好多喇...而家仲肥...雖然係開心o既肥,但始終唔太好啦...

今日聖誕,但我同我honey一向都無送聖誕禮物o既習慣,不過...我今日係先達買o天個靚靚ipod case俾honey,而honey就尋日出o左錢幫我買o個本曰文書,嘻,呢份就係我o既聖誕禮物喇!!!!!