今日終於'的'起心肝跑步喇,無跑三日,真係吃力O左少少!!!今日好開心呀,因為我收到電話叫我下星期三番TEMP O個份工呀,雖然我而家仲有功課要做,下星期full-time番工後仲要番屋企做最少三個鐘part-time,我已經想像到我會好忙,但temp o者,唔使困身同太上心,我諗我應該handle到,加油加油Fighting!!!!!下午六點半我出O左沙田陪我HONEY,我本來諗住帶佢去禾輋食好好味O既大排檔,但HONEY太支力喇,又拎住好多O野,所以最終無去到!!不過都好,我O地去O左睇
套戲開頭我覺得有D悶,劇情太慢,歌舞場面亦唔係我想像中咁多,但無論係戲入面O既真實世界定係戲中戲O既結局都好好,特別係戲中戲O個段,俾到我'唯美'O既感覺!!四位主角我覺得周迅做得最好,佢隻眼幾精靈,雖然皮膚差D,但有時都幾清幾得人鍾意,尾場流漏O既場面演得好好!!金城武就好怪,成套戲成日著住睡袍游水,有少少鬼片feel!!張學友唱歌當然最好聽啦,我番到屋企都成日諗起佢唱O個D歌,但我覺得佢眼神有時太'狠',好似過O左火!!池珍熙呢??噢,如果唔係我之前睇過報紙話佢係個'天使'我真係唔知佢個角色係乜,點解套戲無交代O既??至於歌舞,我就最鍾意周迅由鄰家女孩變做明星O個段,一定要上網搵番首歌叫咩名先得!!!
沒有留言:
張貼留言