竹戰連場

哈哈,中國人過年總比外國人熱鬧,細個o既時候總覺得過年最開心就係有新衫同糖果盒,當時見到d大人好鍾意拜年時打麻將,總係唔明點解佢o地打得咁開心,但而家大個o左,終於感覺到原來打麻將真係幾好玩,仲可以拉近家人關係添!!!!

今日年初二,我提議係屋企打麻將!!其實我同我細佬妹都係前幾年先開始學打,由於一年打得一兩次,所以到而家好多時都仲未識睇自己叫幾飛,可能走寶食唔到糊,哈哈,但就係因為咁,我o地笑料百出,都幾開心!!!想信今日係我o地有史以o黎打得最多圈o架喇,因為我o地打得好慢,由下午一點打到夜晚十一點(其實食o左頓美味o既開年飯!!)都係打得十圈,打完都係覺得好支力,成身散晒咁,原來打麻將都可以咁用體力,真係唔明點解d師奶可以日日打,仲要打通宵!!!!!

竹戰結果係我做o左大輸家,一個人輸晒,要俾百幾蚊零用我媽喇,哈哈!!!!!!雖然提議打牌o既係我,輸又係我,不過我覺得用輸o既錢買o左一日咁開心o既家庭樂,我覺得好值得呢!!!!!