由於我honey放大假,所以我o地尋日lunch係大埔食完o野之後就上o左深圳自製一個三日兩夜o既煲碟之旅,哈哈!! 尋日我o地上到深圳己經四點喇,所以之後只係o係吉之島附近行街,我諗住過年應該好多平o野賣,所以我目標係要買一對boot!!!!係吉之島入面一間o野入面見到有對boot都幾靚,三百幾蚊,真係好想買o架,但我又唔鍾意佢外面d馬毛同埋對boot其實太窄,整到我小腿好緊...最後都無買到,而其他boot唔係太'mk'就係貴到千千聲,所以都係無收獲得!!
之後我o地去o左一間影碟舖買碟,本來我想買비o既碟收藏,但佢Rainy Day個concert同'浪漫滿屋'都賣晒,不過都好彩,買到'這該死的愛',好開心!!另外,我o地仲買o左'哈爾移動城堡'同'魔幻王國:獅子,女巫,魔衣櫥'諗住呢兩晚睇!!!買完後我o地就去o左小肥羊食,好美味,不過夜晚開始我就有少少喉嚨痛,其實上次食完我都有牙肉痛,似乎小肥羊實在太熱氣,雖然好味,但都係少食為妙呢!!!!!
夜晚睇'魔幻王國:獅子,女巫,魔衣櫥',普普通通啦,好似d影評所講咁,係一部好正經好有教育意義o既魔幻童話故事,不過成套戲d過場位有時怪怪o地,好似俾人cut o左咁呢!!!睇晚間新聞時得知'斷背山'有八項奧斯卡提名,好勁呢,於是我同honey決定今日要買埋呢套戲煲埋佢!!!!
今日我o地去o左揼骨呀,其實上o左o黎咁多次今日都係第一次揼咋,不過可能第一次啦,我覺得唔係想像中咁舒服,佢仲襟到我有d位置好痛添!!!!由於想夜晚早d睇戲,所以我o地無做腳部按摸,留番下次次啦!!!夜晚我Honey帶o左我去一間食廣東菜o既地方,不過我就覺得比較貴呢,都係今日下午食o個個張烤鴨好味又抵食!!!夜晚睇o左'斷背山',可能係大陸碟啦,d字幕好怪,所以好多對白都唔太明,搞到有d悶,我Honey仲訓著咁滯呢!!!我覺得如果唔係d字幕問題,應該會好睇d,雖然我都覺得有d悶,但至少套戲真係有令我感受到同性戀之間o既愛原來同異性戀愛無分別!!無錯,世上最偉大o既愛唔應該有性別年齡地位o既界別o既!!!!睇完'斷背山'之後我o地仲睇o左'哈爾移動城堡',呢套戲我等o左佢出VCD好耐,終於睇到喇,宮崎駿o既作品當然無令我失望啦,不過睇完都兩點喇,真係好眼訓呢!!!!!
沒有留言:
張貼留言