五點就in完,但之後約o左舊同事七點半係旺角,由於太多時間,所以最終都係用錢買番d時間,番o左屋企...點知俾我撞到...
夜晚同Vivian,Alvin同Yolanda去o左食西餐,都幾好味,好飽呢!!!之後我o地即興陪o左好想問姻緣o既Yolanda去廟街睇相,咁大個女我都未見過人睇相o架,雖然今次唔係我睇,不過我都有留心佢講咩,睇o下自己d手掌紋點點點,面相點點點...我發覺佢講o既o野其實都幾概括,唔太具體,而且佢講o個d掌相面相其實好多八卦雜誌同玄學節目都有講,所以唔怕麻煩,買本風水命理書都可能會估到自己大約咩相呢!!!!!睇完相,原來個師父會俾個符你,之後叫你隨心用誠意同善心俾呢個符o既錢(個符佢話送o既,即係唔俾錢都拎得走,不過唔知師父會唔會黑面...)...結果當事人俾o左$50,而睇相錢就$200,佢都幾滿意睇相結果呢!!!
其實我都覺得二百幾聽一次(成十五分鐘都有)都值o既,特別係我未俾人睇過,我都唔知自己咩命...不過我覺得我睇前要預備個錄音機,咁我唔會聽完唔記得,亦唔使再聽第二次,哈哈哈!!!
IN 成點啊？ 我聽日終於有工見啦！ ｙｅａｈ！！ 妳班姊妹去左睇相啊， 我前日同朋友去左玩塔羅牌啊， 係呢個朋友玩過覺得好準， 其實我都唔係咁大興趣， 因為之前玩過， 唔係好準， 但係呢個朋友見我搵工咁煩， 想同我去聽聽有咩意見比到， 咁又唔駛幾多錢咪去囉， 當我心裛問嘅問題， 嚇左我一跳啊， 佢完全知道我想問嘅方向啊， 係講得好詳細同細微， 因為係講三個月嘅事， 準唔準再話妳知， 不過佢話我一個月內會搵到工， 隔左兩日真係有工見喎！
回覆刪除嘩,果然係好消息呢,恭喜呀!!!你聽日一定要加油喇,好好把握機會,不用太緊張但要盡力而能呢!!!!!!!!努力!!!順順利利!!!! 我都未玩過塔羅牌呀,其實所有風水命理占卜,我都未玩過呢,有機會都想試,但當然唔好太貴啦,因為本身唔多信,太貴會覺得唔值,哈哈!!!!不過...我都想知自己咩命,辛苦命定富貴命...
回覆刪除塔羅牌都唔貴，問一樣嘢成為＄６０， 可以問到三個月嘅事， 因為塔羅牌唔同睇相個Ｄ， 當迷網嘅時候當比個提示自己， 或者參考囉！ 如果妳想玩我可以介紹比妳傢， 我睇嗰個要ＢＯＯＫ嘅！ 今日見工嘅情況我已經ｐｏｓｔ左上呢啦， 得閒上去睇下啦！
回覆刪除$60又唔太貴喎,係邊o架??不過我而家有兩件事不幸混埋一齊,都唔知問得邊樣呢!!!
回覆刪除係廟街, 我比個電話妳去BOOK啊, 妳可以問左一件事先啊, 然後再帯落去問囉, 因為同一個問題可以再抽牌問落寺囉, 如果妳唔識問佢可以帯妳點問囉, 我去玩之前我個FD都同我講, 問問題要清楚(自己心裛問, 唔駛講出呢比佢知, 等妳抽左牌先會問妳問咩嘢), 如果唔係就唔準, 個占卜師唔知妳問咩囉, 我有一題問得唔係咁好, 佢睇住張牌真係有D疑惑, 好彩都答到我, 好勁啊, 我唔駛講佢都知我問咩啊!! TEL : 6280 5880 Mr. Jackal Leung ， 佢有個女助手的， 逢星期日休息 記住要早Ｄ到， 就算約左有人到先都要排隊， 早１５分鐘啦！
回覆刪除