今日除o左睇劇外我仲做o左少少功課...當然係做得勁慢啦,話時話,點解劇集入面個個都好似唔使讀書唔使工作,但就有錢談情說愛呢,如果現實係咁就真係好囉!!!!
做完功課上網搵到,見到有份工又係usability planning o既o野,其實我之前做o左一個月份工就係呢d o野,亦即係我而家讀緊o既o野,但因為之前份工實在做得太唔開心太痛苦喇(詳情可以去我Homepage http://hk.geocities.com/feon_ko o既'f live'度睇),所以我勁有陰影,不過話晒第二間公司,忙就應該走唔甩o架喇,但可能氣氛會唔同都未定...唔知apply唔apply好,唉...不過我諗我都會再試,如果我再一次頂唔順呢種'忙'法,咁就證明我真係唔適合呢個工種,而我讀呢個part-time course都係白費喇...
我都讚成妳去再試一次, 睇下自己適唔適合妳做, 其實忙唔係問題, 我做左咁耐嘢, 發覺公司人事及工作氣氛, 仲有d同事合唔合作, 定鍾意玩嘢, 呢d先係令人覺得辛苦同唔開心嘅來源啊, 我之前份工就係咁啦, 好多朋友都勸我搵到先走啦, 但係我真係頂唔順啦, 直到宜家雖然仲未搵到工, 但我絕對係後悔到要走, 因為我當時走得好決絕, 老闆用任何方法留我, 我都唔肯留低, 直情阿姐叫我幫佢做多個月, 我都唔肯, 只係想快d離開呢個鬼地方. 努力啊!
回覆刪除原來妳仲有第二個homepage, 張相好得意啊, 嘻嘻! 我得閒會上去睇下啦!
回覆刪除無錯呢,我當時決定走後個心真係好似放低舊大石咁舒服,雖然呢份工搞到我拎唔到再上一份工o既Bonus同雙糧,但係我無後悔囉,因為至少我知道自己可能唔適合呢一行...雖然呢一行同我個profile勁match,而且係我一直希望可以從事o既行業...自己都係剛畢業唔太耐,及早知道就可以盡快搵過自己o既新路向,咁都係好事...
回覆刪除係呀,其實我個Homepage好耐o架喇,開o左都有四年囉我諗,不過我好少update d內容,而以前我d日記都係html file咋,無yahoo呢個咁靚,而且只限知我Homepage o既人先睇到呢!!而家有呢度,除o左令我d日記靚d外,仲可以識到你呢d 好blog友,好開心呢!!! ^.^
回覆刪除試下先啦~ 間間公司都唔同。好難得有呢類工呢~
回覆刪除呢個係我第一個網上日誌, 以前工作忙根本就無時間去整一個同睇其他人嘅日誌, 直到最近失業先成日上網, 去睇下其他人的生活, 工作上嘅趣事, 煩惱事, 開心事, 亦都想舒發下自己嘅開心唔開心, 其實一直對網上聊天啊, icq 那種有d反感, 可能我思想比較古板同out啦, 總係覺得有d人係想識人先上呢, 起初對blog呢種嘢都覺得同icq那種感覺一樣, 所以我一直都無放自己嘅相係blog, 後來先知我誤解左 , 啊~~仲有一個原因點解開呢個blog, 係因為想識多d唔同生活圈子嘅人, 不過我發覺好似妳呢種blog友比較少, 好多都只係間唔中留幾句言, 能識到妳呢d傾得頃嘅blog友真係好開心, 妳係我blog友最傾得頃第一位!
回覆刪除