尚道上學去 상두야학교가자

睇完"尚道上學去 상두야학교가자"喇,終於睇晒阿Rain o既所有劇集,Yeah!!!呢套都幾好睇,因為係以喜劇形式,悲劇結局,所以印像好難唔深刻!!!Rain係套劇入面又做學生又做保安,仲做埋'鴨'同爸爸,夠晒過癮!!

http://www.kbs.co.kr/end_program/drama/sangdoo/

     

睇o左好幾套韓劇(對不起我愛你,這該死的愛,尚道上學去,浪漫滿屋,我的名字叫金三順),其中我都係最鍾意喜劇o既金三順!!!!幾套劇有悲亦有喜,拍攝手法當然各有不同,但我都唔多唔少發現到d共通點:

頭一兩集一定講男女主角點結緣或結怨;

第四集開始男女主角就要有d曖昧,例如是但一方開始發現自己愛上對方,接吻戲亦多係呢集出現;

到第七八集就有事發生,令男女主角無奈分離,由最開心變最失落,通常呢幾集最好睇,之後o既幾集就會慢慢將一d誤會一件一件揭開真相,而男女主角亦同時被命運玩弄,矛盾掙扎,男避開女,女又避開男,如是者來回 好幾次直到最後一集...;

最後一集喜劇o既話當然係大團圓啦,悲劇o既話通常呢集頭半個鐘都會係男女主角最幸福o既時候,係埋一齊,其實好多時係呢個時候結局就會大團圓,但編劇之後就好鍾意係'一年後'加d意外,令男女主角雙雙死去,留番o既就係'無奈'...

除o左相似o既故事結構,我仲留意到除o左三順外,其他幾套o既女主角都比男主角勇敢,套套都係男避開女o既先,女o既好勇敢為愛咩都唔要,只要同男主角一齊就得,但個男o既就一次又一次傷個女o既,最後女o既唯有走,到男o既後悔喇,但好多時已經去到不可收拾o既地步...點解韓劇入面d男人無女人咁勇敢o既?係咪反映韓國大男人主義,男人唔似女人咁'愛情萬歲'??

短期內我決定唔再睇韓劇住喇,要做功課,哈!!!!!