去尖吵咀食魚蛋

今日lunch同屋企出o左沙田食王家沙,o個度d牛肉餅同薰魚都好好味呢!!!之後行o左陣街,不過唔太開心,因為同我爸鬥o左陣咀...我之前唔記得係睇報紙定係d psycho書講,話男人年紀越大就越鍾意'分享'自己o既人生閱歷,我覺得呢個說話好o岩,佢真係越o黎越長氣...雖然我唔否認佢說話內容,但說教都應該'適可而止',太長氣真係令人好煩嘛!!!不過好彩,我爸不嬲都唔小氣,行完街我大聲叫番聲'爸'就已經乜事都無,我個心又安落番喇!!!!

下午四點幾同我honey出尖沙咀,我o地尋晚已經諗定出去睇戲同去沙嗲王食飯(用埋D coupon),點知出到去見好似無乜戲好睇,'Monich'又好似太沉重認真,我o地都唔太想睇呢!!!唔睇戲,咁唯有諗食咩啦,我就一心諗住用埋d coupon,但我Honey又想試o下'有骨氣',去到'有骨氣'門口睇佢d價錢,嘩...我諗我'無骨氣'去食喎...就係呢個時候我o地聽到兩公婆同樣見到個價錢就'無骨氣'咁提議去蹈香,我honey一聽都覺得係好提議呢!!!!最後我o地決定差包剪泵決定食咩,我羸就去沙嗲王,Honey羸就'有骨氣',和就番大埔去蹈香打邊爐,結果...哈哈,'和'呢,我Honey好滿意賽果,於是我o地就折返屋企!!!!

哈哈,山長水遠出o左尖沙咀,結果街又無行,戲又無睇,o野又無食,只係期間食o左一串魚蛋,好荒唐哦!!!!!