忙

今日好眼訓呀,為o左個final project,今日終於send o左email去我細佬公司,希望快d做埋個interview啦...真係好唔想做功課!!!呢個幾星期係度狂煲韓劇,睇到我金睛火眼,搞到無時間做其他o野,我決定睇埋呢兩套後要暫時戒追韓劇先得!!!就算再追,都要追日劇,順道可以學日文嘛!!!!

夜晚上堂個lecturer今日又講o左d勁好笑o既o野,笑到我眼淚都出埋!!!!!佢話香港呢個商業社會效率真係超快,東京紐約都無得比,佢以大家樂食lunch為例,話香港人食個飯都好似軍隊咁,排隊時諗定食乜,拎定錢,之後就會熟練咁行去水吧,俾飛後就自動跟隨托盤快速移步向前,動作快之餘又能認到那個托盤係自己o既,勁!!!食飯喇,一個口可以邊食o野邊食煙邊傾電話!!!!食個飯都可以咁高效率,香港人都幾勁!!!!諗諗o下都o岩,我自己刷牙都唔會乖乖o地企係度,成日邊刷邊係屋企行o黎行去做其他o野...,呢種咁繁忙o既生活真係唔係個個受到,我阿姨就試過由美國番o黎一個月已經頂唔順...好彩我係香港出世,已經習慣晒咁急o既生活,唔係o既話都幾易發癲呢!!!!

夜晚收到Agnes個email,原來我有個師兄(亦係我yr 1時o既tutor)做o左第一對係HKU辦婚禮o既新人呢!!!   http://hk.news.yahoo.com/060213/12/1l72i.html