對不起我愛你 미안하다 사랑한다

"對不起我愛你 미안하다 사랑한다"係報紙話韓國人最鍾意o既劇集,亦係香港'韓迷'最想睇o既韓劇,我終於睇完喇,的確幾好睇呢!!!套劇其實唔係太'催淚',但有好多場面都會令人有'o拿住o拿住'o既感覺,好多緊張同肉緊位,唔似'天國的階梯'o個種一味喊喊喊!!!!所以我覺得好值得推介!!!

故事講男主角武赫自小被父母拋棄,o係女友婚禮上為救女友而中槍,生命倒數o既同時,o係韓國遇番生活富足o既親生媽媽,為o左報仇,佢決定奪去親生媽媽o既明星愛子'允'o既一切,但偏偏就愛上自小單戀允o既恩彩,令恩彩於武赫的報仇計劃中受盡傷害...最後,正當武赫願意為恩彩放棄仇恨o既同時,武赫的生命也來到盡頭...

官方網頁: http://www.kbs.co.kr/drama/misa/

睇呢套劇前除o左知道佢係韓迷最想睇o既好劇外,仲因為聽聞'這該死的愛'有少少似呢套劇,結果唔係想像中咁似,除o左報仇同男主角o既打扮外,'對不起我愛你'o既故事複雜好多,人物亦較多,令內容更豐富同緊揍!!至於結局都幾出人意表...雖然男女主角都係要死...

睇完呢套劇我鍾意o左個女主角!!佢叫林秀貞,o係套劇入面楚楚可憐好惹人憐愛,上網搵佢d資料先知原來佢就係前排係香港上演o既鬼戲'姊魅情深'o既女主角,上緊o個套'真的愛你'都有佢演出,而前幾日報紙仲話南韓導演朴贊郁即將執導o既《改造人之戀》會用佢做女主角配阿Rain添呀,好期待呢!!!!