鐵人媽媽1湊3: 2016

2016年12月20日星期二

Kodi妹妹1歲喇!!

Kodi妹妹1歲喇!!!

時間過得真快, 眨o下眼Kodi就1歲喇, 呢一年老公繼續做空中飛人, 全職1湊3 o既生活真係令時間過得好快, 妹妹出世就好似尋日o既事咁!!!

回顧番呢一年, 屋企真係熱鬧o左好多, 每日嘈嘈吵吵就過o左, 不知不覺妹妹就變o左1歲咁呢!!!

Kodi妹妹~

1歲體重: 8.335kg (18.4磅, 30%)
1歲身高: 76cm (自己度可能有誤差, 大約50-75%之間啦!)

性格; 妹妹一出世就o係個咁多人氣o既家長大, 對比起哥哥同家姐, 佢真係特別大聲同惡死, 無辦法啦, 唔大聲唔惡死爭取注意其實自己蝕底, 第二時佢大o左, 真係唔怕佢生存唔到俾人hup!! 另外, Kodi唔太怕生保, 甚至尚算獨立!! 可能因為我未能陪伴太多, Kodi o係唔餓唔眼訓時, 好大部份時間都可以自己一個自娛, 只會間中行入廚房攬o下我腳, 之後又繼續周屋走o係不同地方探險!! 當然, 屋企人氣勁, 家姐哥哥就算唔係陪佢玩都仲會係附近, 所以Kodi唔似家姐細個咁黐身吧!!!

食: 自從妹妹6個月加固後, 我o既奶量亦直線下降, 所以妹妹6個月後明顯瘦過之前好多!!! 本來妹妹出世時, 我目標係想餵到好似Kobe咁2歲先停, 但觀乎而家狀態, 人奶之路能夠捱到而家1歲, 我已經覺得好難得!!! 另外, 唔知係咪細佬o個陣訓練有素, 妹妹而家半夜仲有醒1-2次食奶, 但我竟然一d都唔覺得辛苦, 為免奶量再降, 夜晚醒多幾次又有乜所謂?!

最近, 妹妹開始接觸更多大人食物, 開始俾佢黐少少大人飯餸內o既魚, 包, 飯等等, 佢一試愛上, 而家日日好似餓鬼咁乜都想食, 睇見佢呢排好似肥番少少唔再太瘦我都好開心, 希望佢再大d食o野好似哥哥咁又快又多咁叻啦!!

Potty Training: 同家姐哥哥一樣, Kodi由6個月開始我就同佢坐potty去便便, 近來成功率開始上升, 出街無再去大大, 會等到番屋企坐potty先去, 好叻!!! 希望佢快快識主動出聲示意啦, 咁就仲方便喇!!

體能發展: 呢樣都算係Kodi最令人驚喜o既一樣!! 一直覺得男孩子大隻d力量強d所以早d識行, 點知瘦瘦o既Kodi竟然比哥哥更強, 6個幾月就識扶住企, 7-8個開始間中唔使扶自己企起身, 未夠10個月識自己踏1-2步, 直到11個月多d真正識行, 而家妹妹o係屋企已經好少爬, 行得好穩喇, 有時見到呢個人仔細細粒咁行行o下真係好得意呢!!!

說話能力: 近呢個月Kodi又多o左幾個新發音!! '波波', ' bye bye', '擺(物件)', '爸爸' 呢幾個發音越o黎越準, 計埋之前識o既Wawa (所有動物或卡通/毛公仔, 花花草草都係呢個發音)同Mama (食物, 或有人蝦佢叫救命咁解!), 再加埋近日無乜意思o既Dada同Nana, 有時妹妹會一串咁講呢幾個音, 好似學大人講o野咁, 好搞笑!! 希望佢快d識叫我做'mama'啦, 佢基本上叫咩人都係叫'baba',真係等得我好心急呢!!!

智力發展: 坦白講, 媽咪我真係分配唔到太多時間去理/教Kodi, 感覺上好多玩具佢都似係'無啦啦'識咁!!! 穿圈圈, 疊高積木, 擺物件入盒, 擰頭up頭, 扮著鞋著襪, 學家姐哥哥拎筆畫畫畫, 玩小明同火車捐山lone...總算應識o既都自動識o左!!! 就好似哥哥Kobe咁, 當年我都係好少時間'教', 但而家一番學就自然學識, 所以我都唔太擔心, 更何況, Koey Kobe做榜樣, 佢第二時學o野應該都唔會太慢吧!

2016年11月18日星期五

台中親子遊2016: 後記

關於人奶:

雖然已經唔係第一次帶BB去旅行, 但帶6個月以下o既BB旅行就真係第一次!!!

帶咁細個BB旅行得唔得o架?? 我開頭都真係有d擔心, 不過Kodi台中之旅時都接近6個月大, 未至於太細個, 加上全埋身餵人奶真係乜工具都唔使帶, 又似乎真係好方便!!

最後, 我唯一為o左Kodi 三餐所準備o既, 就只有1樣:

炒好o既黑豆、大米同通草: 比例都無乜研究, 每樣少少咁啦! 旅行其間每朝焗一大杯飲, 之後再翻沖熱水帶出街飲, 結果去旅行期間所見, Kodi o既片片都幾濕幾重, 證明我呢幾日奶水都好充足, 應該同每日呢兩杯焗炒米茶有關呢!!!

炒黑豆同大米

我連餵奶巾都無帶, 不過今次去旅行想著靚衫就唔得喇, 因為為o左餵奶方便, 我全程著o既衫都係又闊又大, 餵奶就將Kodi成個用衫笠住餵, 連走光都唔使怕呢!!! (個人覺得, 餵奶巾都易走光o架!!!)

結果我全程都係咁餵奶, 唯一壞處就係熱d啦!!!

成個旅程我試過o係食肆、車、飛機、農場、博物館、文化村餵奶, 去到邊餵到邊其實都真係幾方便, 當中最難忘就係去完高美濕地去機場程車度餵o個次, 因為當刻我真係熱到周身臭汗, 仲要埋身其實都幾難為Kodi呢!!!

關於手信:

出發前我除o左預先上網訂定博客來o既書到民宿附近o既便利店外, 其實仲預先上網訂o左台灣手信叫住我o地附近o既朋友代收!!!

其實上網訂手信到當地民宿代收已好常見, 既可慳運費, 仲免卻續間名店選購拌手禮o既時間, 不過由於我o地行程係先到台中巿, 最後係o係清境走, 如果一早將手信送到台中巿民宿, 咁我o地就要拎住手信好多日, 又重又怕手信會唔新鮮!! 如果送清境, 又怕偏遠地區送貨唔準時亦怕有附加費, 最後我同老公都決定貴少少, 直接運埋番香港算!!! 係就係貴d, 但唔使台住咁多食物咁多日, 貴d都值o既!!! (無錯, 即係話, 其實唔介意運費o既話, 隨時上呢d台灣水信網購店買台灣拌手禮食都可以呢!!!)

番到香港第二朝, 老公即刻去拎手信!!!

好多盒鳳梨酥同太陽餅, 仲要一次買齊不同名店o既出品, 可以比較一下, 其實都真係仲方便過續間店親身去買呢!!

試o左幾隻牌子, 阿黙同微熱山丘最好味, 但王媽媽就有鳯凰酥同綠茶酥味道多d變化, 都幾值得買o黎做手信o架!!

呢盒綠豆榚o係機場買, 不過大人們一至話唔好味, 難得Koey Kobe竟然賞面!!

最後比較特別o既手信就係呢包o係日月潭買o既達旦娜!!! 買佢o既原因就係因為o係台中打邊爐飲o個碗好好味o既飯後糖水!!!

入面黑色一粒粒就係呢d達旦娜!!!

沖完一粒粒脆脆咁幾有咬口, 但可惜始終都沖唔番o係台灣飲o個種味道呢!!!

關於與好友同遊:

今次5日旅程中, 有3日同Agnes一家同遊, 其實我o地2家人都係第一次同朋友旅行!!!

旅程中小朋友們成日自成一角一齊玩, 大人們都比想像中輕鬆, 再加上我o地2家人性格都算隨和, 旅程中都無出現任何意見不合o既情況!!! 其實, 我仲要多謝Agnes, 旅程中我發覺Agnes 時間控制得好好, 不論去踩單車、去九族民化村再加遊湖, 甚至去清境農場睇羊咩show同馬術, 全部都跟得到Schedule, 真係好勁!!! 而且, o係我正頭痛點mark得番一齊o既使費時, 佢己經好有條理咁計好2家人幾日o既使費再send出o黎, 真係好彩有佢咋, 俾我一定計漏, 甚至要拖到番香港先清到條數呢!!!!

如果將來有機會, 我諗我o地2家真係可以再一齊去旅行呢!!! 希望Agnes都係咁諗啦, HAHA!!!

關於台中:

5日台中之旅完結喇, 雖然台中巿未算太吸引, 但巿郊如日月潭同清境都真係一去愛上!!!

特別係清境, 或者深谷雲海星空同草原都係香港所沒有啦, 如果無時間限制, 我諗每個地方住上一星期都絕對唔嫌耐呢!!!

最後, 再一次多謝大家耐性, 等足半年睇我呢5日台中遊記!!!

下一個1家5口之旅即將展開, 希望到時大家繼續支持啦, YEAH!!!

2016年11月17日星期四

台中親子遊2016 - Day5 Part 2: 高美濕地 >> 香港

上回講到, 離開清境後坐o左個半鐘頭車, 終於駛入小路, 差唔多到高美濕地喇, 唔知呢個臨時加插o既景點究竟係點o既呢?

開頭見到好多田, 差d以為呢度係睇呢d, 仲拍醒小朋友睇呢, HAHA!!!

後來, 司機兜o左我o地去一條好熱鬧o既街, 車o既一面就望到海, 應該呢度先至係高美濕地呢!!!

落車前先向司機查詢一下高尾濕地o既路適唔適合推BB車, 司機形容有條木棧道通向濕地, 木棧道推BB車應該無問題, 但落濕地就當然唔得...由於唔太知實際環境, 我同老公最後都決定辛苦少少, 揹住Kodi算數!!!

落車, wow, 雖然已經近4點, 但太陽依然猛烈!!! 我同老公得2個縮骨遮唔夠用, 司機好好人借o左佢把大遮俾我o地, 咁小朋友就可以遮下, 唔使乾煎!!!

準備好, o係車上幫小朋友們同自己換番濕得o既涼鞋, 出發!!!

我o地先過o左o個條好熱鬧o既小食大街, 行上海堤, WAH, 終於望到濕地o既景貌同遠處o既風力發電風車!!!!

由於實在太熱太曬, 我o地先行到一個大涼亭度休息一下!!!

高美濕地!! 相中我頭頂對上少少打橫o個條直線, 就係由海堤通往海邊濕地o既木棧道, 只見木棧道上面好多人向海中心走去, 好似好遠, 力上全無遮擋, 天氣咁熱, 我同老公子都有少少想打退堂鼓, 想就咁係涼亭度hea下之後食下小食算!!!

其實我件披都幾厚, 咁熱天氣真係好唔想著, 但條揹帶又qoo實o左, 除又麻煩...最後熱係熱d, 不過可能就係有佢擋一擋令我無被曬傷!!! 阿妹亦都一樣, 長袖衫反而保護o左佢d baby skin!!!

另一角度睇到風車!!!

o係度猶疑行唔行出去木棧道同影相時, 有對台灣本地遊客好nice, 讚妹妹好可愛, 又幫我o地影合照!!!

zoom出去, 見到唔少人落o左濕地~~~

影完相, 一場o黎度, 行到木棧道再睇環境決定啦, GO!!!

多得呢把大遮, 總算遮o下小朋友無咁曬!!!

離開涼亭, 風景更開揚, 極速又影幾張相~~~

左邊就係大涼亭!!!

咦!!!

小朋友觀察力總係比大人強, 好多時留意到大人所忽略o既, 原來呢度有幾個顏色鮮艷o既牙簽人公仔o係度踩單車呢!!!

同老公見到對"疑似"香港人(純以衣著打扮猜測!), 為o左求證, 我就索性叫佢o地幫我o地影合照....結果, 猜錯了!!! HAHAHA!!!

上木棧道前先經過一個類似'閘口'o既地方, 有個巨型彈塗魚石像, 小朋友主動話要影, 好彩喝得住Kobe無摸到落去, 咁熱天氣曬住舊石, 我諗上面可以煎蛋呢!!

臨行到出木棧道, 因為天氣太曬太熱, 由涼亭行到木棧道路程都已經唔算近, 我同老公就問清楚小朋友意願!! o係再三強調行出濕地仲有一段好長o既路要曬要熱下, 小朋友都係好堅定咁話要去濕地睇, 好, 既然係咁, 大人都無謂退縮, 熱就熱啦, GOGOGO!!!

行出木機道已經見唔少遊人停埋木棧道邊睇蟹仔!!!

d蟹仔好細隻, 有d係全白色(圖上方), 有d就紅色單臂一隻巨鉗!!

木棧道~

蟹仔真係好多, 濕地上仲有好多蟹洞, 真係有少少密集恐懼, HAHA!!!

曬到傻!!!

o係木棧道上面影風車更清楚呢!!!

相中間白色一舊o個d係黑白色o既雀鳥~

行行o下見到呢灘水有'物體'o係上面移動...

原來係另一種蟹仔(圖中水tum上一粒粒一點點o個d就係!!), 佢o地移動得實在太特別, 引起唔少遊人注意!!!

想睇佢o地點移動? 去片!!!

天空出面飛機發過o既痕跡~~

行o左25分鐘, 終於到木棧道盡頭喇!!! 只見遊人們都o係木棧道盡頭前o既兩邊除鞋同放低個人物品, 我o地都有樣學樣, 搵個位置除低鞋同放低遮, 準備行落濕地!!!!

行落濕地前有幾大級要落, 仲要踩落一個水坑, 我揹住阿妹, 又著住長裙, 真係極之論盡, 萬一失平衡跌落泥水般o既濕地都唔知可以點算...如果一早計劃定, 我一定唔會咁著!!!!

好彩, 最後有驚無險, 順利行落濕地喇!!!

Koey Kobe都好好奇, 周圍行去感覺一下濕地o既感覺!!

太陽依然猛烈, 但背光影又有另一番味道!!!

企定定影平平無奇~

手拖手影o既剪影靚好多呢!!

(當時完全無諗到可以試影天空之鏡, 可惜...不過我當時一手拎遮一手執住條長裙怕整污漕, 仲要揹住阿妹, 睇怕都未能趴低影天空之鏡效果!!!)

周圍搵蟹仔~

叫老公影...永遠都唔滿意... :(

唉, 都係自拍啦~~~

閃爆!!!

想扮2人世界~~~但原來Koey Kobe都入o左鏡, HAHA!!!

小朋友要求摸沙泥, 當然無問題啦!!! 其實o係濕地上行o左陣, 都發覺d沙泥好軟滑好幼細, 仲一d都唔黏腳, 感覺都幾乾淨舒服, 一場o黎到, 即管放擔摸o下啦!!!

HAHA, 成手黑文文!!!

影臭腳~~~細佬係都要加隻手仔埋去~~~

繼續玩泥沙~~

大小腳印~~

唔知係咪濕地太多人定係海水較多, 其實蟹仔比起o係木棧道旁所見少, Koey Kobe玩o左一陣泥沙後, 要回程喇, 因為回程都仲有一大段路要走, 仲要預時間坐低食少少o野先去機場呢!!!

上番木棧道, o係梯級o既水坑沖一沖腳, 泥沙都沖走9成, 太好喇, 比想像中乾淨呢!! 我o地行番去搵番d鞋, 只係行o左一陣, o係日照下腳都好快乾晒, 拍兩拍雙腳都無乜沙, 乾淨晒, so good!!!

由於我揹住阿妹唔方便坐低著鞋, 老公子代勞...HAHA!!

咁浪漫o既一刻, 當然要影低做私人珍藏!!!

好喇, 回程又行o左20分鐘, 由於接近日落, 行出木棧道o既遊人比之前更多更迫, 我o地仲認得o係海堤涼亭度幫我o地拍照o既台灣本地情侶, 估唔到佢o地等o左咁耐先出動呢!!!

差唔多番到去木棧道出口, 我望一望拖住細佬o既老公背影!!!!

噢!!!! 2個做乜曬到紅晒???

噢!!!!!! 大件事, 原來我o地唔記得拎番放低o左o既紅色遮!!!!!!!!!!!

如果係自己遮, 我o地一定唔會番轉頭拎, 偏偏把遮, 係司機借俾我o地, 唔拎唔得...

大家想像得到嗎? 我o地曬住行o左20min回程, 大熱天時, 老公又要行番去木棧道另一邊盡頭真係諗下都想暈, 當刻, 我敢肯定老公心入面早就爆晒粗, 只係無奈唔番轉頭唔得呢!!!

為免小朋友們辛苦, 我就先帶小朋友去陣間會合司機上車o既地方側邊間食肆坐住先~~~

其實當時都有少少不安, 因為我手機無漫游又無得上網, 身上面更加係無錢o架, 萬一有乜事都唔知可以點算~~ 唯一好彩就係呢度只有一條大街, 認路都唔係太難!!!

曬燶o左o既妹妹回程終於支持唔住訓o左!!! 當時都有諗, 希望佢唔係熱暈啦!!!

同老公分頭行事後, 我同小朋友o係海堤望向木棧道, 因為老公子著紅衫好易睇, 小朋友都見到爸爸正飛快咁衝向濕地!!!!

(Photo Hunt 時間, 大家見到我老公嗎?)

之後, 我同小朋友就去o左食店入面坐住等老公番o黎喇!!!

入到食店搵位坐, 唔知係咪其他人都見我一個拖3個又熱到出晒汗好辛苦咁樣, 佢o地都示意我坐向較通風o既位置!!! 坐低後, 我先問o左洗水間位置, 然後著Koey Kobe乖乖坐定, 等我濕紙巾出去幫佢o地洗面抹汗!!! o係toilet門口就撞到余司機, 佢奇怪我點解一個人o係度, 我就話佢知我o地漏低o左佢把遮...

HAHA, 佢無客套咁話: 沒關係, 不回去拿都沒關係~~~

咁即係我o地有番去拎係應該啦, 原來真係唔可以唔見呢!! :p

Settle好後, 我先叫o野食, 叫o野食o個下都有d擔心o架, 因為我身上面真係無錢o架, HAHA!!

叫完o野食同最重要o既橙汁冰, 我就同小朋友睇貼係台上面, 介紹濕地常見螃蟹o既poster~~~