14/6/2016 星期二 晴
妹妹Kodi出o左世唔係太耐, 本來我無打算今年外遊, 但老公又好想去, 聽朋友講完又真係覺得襯妹妹未加固體去都幾方便, 再加上復活節假時得知好朋友Agnes一家將會6月到台中...10萬個理由技持下, 我就開始心思思留意機票行情, 好想join埋兩家人一齊玩!!!
終於4月左右book o左機票, 之後同Agnes研究行程同book民宿, 臨出發前一星期開始留意天氣, 見到台中成個星期都係雷雨天氣, 再加埋電視報道台南暴雨, 真係一度擔心天氣唔好想退房唔去清境...
好彩, 臨出發前1-2日開始見到天氣預報清境一帶紫外線指數極高, 終於安心D, 不過為免掃興都唔敢抱太大期望, 呢日一早就執好晒雨具, 準備出發!!!
老公今日番半日, 同小朋友梳洗好, 2點45分就call的去機場!!
呢張自拍係拍俾o係台中機場接送我o地去民宿個司機o既, 佢話咁就認到我o地喎!!!HAHA!!
T2 check-in, 之前買o左優先check-in, 我o地都未埋到去排隊, 職員見我o地咁多小朋友就已經主動帶o左我o地去另一邊無人o既櫃位辨登機手續...早知優先check-in o個少少錢可以慳番啦??!! haha!!
Check-in完仲未知幾號閘口, 但因為之前試過太多次早2個鐘到機場都要趕頭趕命, 今次唔敢食完o野先入閘, 改為一早入閘去到閘口附近先食!!!
過完金屬探測器見到飛機喇, 小朋友好開心呢!!!
出o左閘口number, 係207號, 我o地一路睇飛機一路行過去!!!
飛機並唔係細佬target, 飛機側邊D細小工程車先係最愛, 不停問係咩o黎, 可惜我都唔係太識!!!
途中有D特色港式假景俾人影o下相, 都幾得意!!!
"奶茶10蚊呀唔該"!!
一舊飯o既妹妹基本上全程都唔知發生咩事, 最叻食臭腳!!!
dl o左'我的航班' app 拎o左呢個app 今個月推廣o個$20 coupon後就坐無人駕駛!!
小朋友對無人駕駛好好奇!!!!
終於上機前一個鐘(5pm)到達207號閘, 去o左附近美心食個早'晚飯'!!! haha, 今次終於感覺時間鬆動D, 唔使再趕頭趕命喇!!!!
妹妹條裙好靚好sharp!!!
老公叫o野食, 我就玩o下自拍~~~
邊餵奶邊開餐, 我諗o黎緊呢幾日旅行都會出現唔少呢個場面!!!!
食飽迷暈o左!!!
咁睇妹妹仲係好細粒咁!!!
食完先知原來唔記得用o個$20coupon...可惡!!!
食完剛好差唔多登機!!!!
去埋toilet搞一輪仲有時間俾我影呢張登機相!!! 唔係小氣, 但我仲好記得上年去日本東京登機時真係趕到影呢張相o既時間都無, 我到今時今日都仲覺得好失敗, HAHA!!!
妹妹眨o下眼醒左!!!
睇o下, 幾多時間影下無聊相!! 妹妹訓晒好開心!!!
yeah, 見到要坐o個架飛機喇!!!!
我o地一家5口d位隔開o左, 空姐主動幫我o地問其他乘客調位, 唔該晒!!!
可以一齊坐喇!!! 好觸目嗎? 應該唔係我會錯意, 我的確覺得唔少同機旅客都有眼望望!!! :p
飛機準時郁, 但排起飛都排o左20-30min, Koey Kobe呢朝太興奮7點幾就起身, 細佬未等到飛機起飛就太攰無o左電!!!!
起飛喇!!!!
又自拍!! 妹妹心情靚靚!!
因為機程短, 我都無預備咩俾小朋友o係機上食/玩, 家姐無聊搵紙筆寫o下o野!!!
我得閒又餵o下奶!!!! BTW, 為o左方便餵奶, 我今次旅行都無得揀靚衫, 件件都長身款, 餵奶巾都慳番!!!
又K.O. 多個!!
差唔多到喇, 見到台中夜景, 好靚呀!!
有請Koey 為大家介紹o下我o地去o左邊:
落機喇, Kobe 同Kodi都訓醒喇!!! 妹妹幾精靈開心!!
鍚o下先!!
台中清泉崗機場唔係太大, 加上我o地有手抱BB, 職員安排o左無人排隊o既一邊俾我o地辨入境手續, 好快就搞掂!! 之後就見到櫃員機提埋款, 好快o係接機處就見到一早約好o既司機Hogan喇!!
見到的士係黃色, 小朋友都好有新鮮感!!
由機場去民宿大約1個鐘多d!!
出機場無耐就見到呢條橋, 又幾靚呢!!!
司機Hogan好健談, 佢介紹o左d景點, 仲俾o左d意見, 好nice!! 老公同佢傾o下傾o下, 好快就去到民宿喇!!!
一入民宿, 小朋友就好興奮!!!!!! 本來好攰好眼訓, 但都9秒9洗手除鞋!!!!
嘩!!! 大人睇見都想玩呢!!!!
玩到忘晒形!!!
嘩!!!!
呢個波波池滑梯一入民宿就見, 民宿主人真係好了解小朋友心理呢!!!
嘩嘩嘩!!!
可惜, 因為時間比較夜, 民宿職員都快要休息, 為免嘈到其他主客, 小朋友sir 得一陣就要上房喇!!
房間係5樓, 無電梯, 要辛苦老公拎行李!!!
好, 小朋友都去到房門口喇, 等我直撃一下佢o地一開門o既反應先...唔記得講, 為o左有驚喜, 我事前完全無同小朋友提過房間會有滑梯o架!!!!
睇完片, 去相!!!
房間窄窄長長, 走廊空間雖然唔多, 但床舖好大, 係兩張King Size床放係地台, o岩晒一家大細, 又唔怕小朋友跌落地, 細心!!!
門口一角放o左水同杯!!! 呢個位有D難access, 不過總算一應俱全, 杯同廁紙都係卡通公仔, Koey Kobe自動波分配邊個用邊隻杯, HAHA!!
間房叫城巿軌跡, 牆上都有交通功具圖案, 又有男孩最愛o既thomas 同McQueen Cushion!!
全房重點: 滑梯!!!!
Toilet外仲有呢張牆畫, 有Koey 最愛o既青蛙, 即刻拎住青蛙公仔影相先!!!
唔知係咪無得伸展o左大半日, Kodi一放落大床碌, 都開心到腳踼踼呢!!!!
開心得佢呢!!!
因為去到民宿都9點, 小朋友都有d餓, 老公就出去睇o下有咩買o黎食!!!!
半個鐘後, 老公番o黎, 佢話附近真係無乜o野食買, 所以即刻用o左D Mos Burger早餐卷買包算數!!
呢個時候, 我終於都忍唔住喇!!!!!
無錯, 我入房後一直都無去過洗手間...由於妹妹剛剛識爬, 放低佢係大床好快就碌o左去, 所以我寸步唔敢離開, 直到老公番o黎先敢去toilet!!!! 因為老公太餓, 掛住同小朋友食包, 我去toilet前己經千叮萬囑...自己都嫌煩...
...點知...我VV都未去完, 我就聽到'砰'一聲巨響...
...我...心知不秒...
...果然, 幾秒後就傳o黎妹妹爆喊o既聲音!!!! 我快手衝出toilet, 見到老公已經抱起o左妹妹, 我即刻責問發生咩事...
大家估唔估到我當時有幾嬲, 我真係為o左小朋友安全, 再急都一步都唔敢行開, 而家只係去個toilet老公就跌o左個女...雖然只係由床肉跌落一級到地台, 但都夠晒我肉赤, 真係嬲到我噴火!!!!
陰公豬跌親, 好彩無乜事!!!!
之後老公就抱住妹妹單手食, 唔敢再掉以輕心!!!
食完, 爸爸都忍唔住Sir下個滑梯!!!
呢d叫童心未泯, HAHA!!
妹妹都sir下先!!!
好, 食完Sir完, 三催四請小朋友終於肯去沖涼同刷牙喇!!!!
又有貼心: 小朋友牙膏牙刷!!!
仲有BB浴盤同BB沖涼液, 小朋友腳踏提供, 讚!!!
梳洗完, 老公試o下行去一中夜巿睇o下有咩宵夜買!!! 其實都係碰運氣, 因為一早知道一中街d舖大約11點就收檔!!)
臨訓, 小朋友又Sir過...終於終於, 小朋友都上床喇!! 但可能係有Sir滑梯係房太興奮, 特別係細佬佢o係機上面訓飽o左, 佢不停咁講o野發問, 我出盡9牛2虎之力 (當然有鬧o下, 但已經好忍讓, 我都唔想開開心心Sir 滑梯變o左唔開心咁俾媽咪鬧!!), 終於係11點半左右小朋友開始靜落o黎喇!!
Koey: 媽咪, 我好想再去台灣旅行呀!!
我: 點解呀?
Koey; 因為呢度(有Sir滑梯)好好玩呀!!
haha, 小朋友就係咁簡單直接!!!
終於, 12點前小朋友都訓晒喇!!明明今日都無乜行程, 唔知點解都可以搞到咁夜咁攰...
老公未番, 小朋友又訓晒, 我偷偷o地上o左Sir滑梯!!!
唔記得講添, 架飛機燈同Koey Kobe睡房o個個飛機燈係一模一樣o架, 好有親切感呢!!!
:p 上得滑梯, 當然要sir番轉, 原來衝得都幾快o架, '砰'一聲Sir到Koey側邊, 幾驚嘈醒佢!!! HAHA!!!
老公番o黎, 佢話一中街真係收得七七八八, 不過佢都買到少少!!!
YEAH, 又到宵夜時間!!! 有餃啦, 牛肉麵同炭燒雞排, 好味!!
最後, 呢晚1點幾我先訓...
不過...雖然間房好有'屋企feel', 但我生保床訓唔到(成日覺得鼻乾乾冷氣吹住!!!), 眼光光o左成晚到4-5點先訓得著呢!!! 訓咁少, o黎緊仲有幾日捱呢, 希望第二日有精神啦!!!!
主宿資料: At Home Like Home
包車接送資料: Hogan
