話說小朋友o係日月潭由一早9點玩到3點半無停過, Kobe上船遊湖時已經開始跌watt, 結果上o左車出發去清境後唔使幾分鐘就...
訓o左喇!!!!
唔係咁易訓得著o既我雖然都攰, 但一如以往, 都係訓唔著! Agnes其實o係車訓到o架, 但難得有機會傾o下計, 所以佢都無訓, 至於後座o既Keoy 同靖靖, 兩位小妮子繼續好happy 咁玩佢o地d小玩意, 完全無意思要訓!!!
就係咁, 傾o下傾o下時間都好易過, 車都開始上山喇!!!
天色開始暗, 山上面又好似好大霧, 再加埋九曲十三彎o既山路, 開始有少少覺得頭暈又有少少刺激, 因為有d彎位望到出山谷, 好似開始好高呢!!
haha, 全車訓晒, 拍片時都要細細聲!!!
睇到嗎, d霧真係好大呀!!!
轉到頭暈暈, 大約5點鐘, 終於到達我o地o係清境住o既民宿喇: 清境雲頂渡假山莊!
由於我o地住o既民宿同夜晚食飯o既地方有段距離, 雖然包車時無要求接載埋呢程, 但我o地都估到司機上到山應該無其他o野做, 所以臨落車時就問司機可唔可以接載埋呢程同等埋我o地晚飯完落番民宿喇!!!
結果司機叔叔都好好人, 一口答應, 我o地當然要問佢要收多幾多車資啦, 但佢只係話'隨便'呢!!!
好喇, 落車!!! 清境雲頂渡假山莊位處海拔1800m, 加上天陰大霧, 一落車就一陣涼意!!! 小朋友們都係剛剛o係暖暖o既車內訓醒, 大人們都唔敢怠慢, 著小朋友快步走入民宿室內, 唔好o係戶外逗留!
睇o下o岩o岩訓醒o既小朋友!!! HAHA, 其實靖靖同Koey都唔知有無訓o左15min...個頭亂到呢...不過個個都精神抖擻, 似乎都訓飽晒咁呢, HAHA!!
我同Agnes係reception拎房同查詢之後一日去清境農場o既車出發時間同車資, 之後就各自番房Settle喇!!!!
呢間民宿係我出發前千挑萬選o架, 點解會揀中佢? 因為佢網頁d相真係好靚(http://www.top-cloud.com.tw/), 加上佢有部份房間設有觀星天窗, 諗起都吸引, 另外就係因為佢地點剛好o係成個清境農場範圍o既中間, 唔太低又唔太高, 心入面總覺得坐車出入會方便少少...而家去完當然知道無咩關係啦! :p
唔講咁多, 去片睇睇房啦!!!!
係咪好正呢? 所以貴少少都係揀o左有觀星天窗o既房住呢!!!
2樓Corridor, 乜都睇唔到, 好大霧呢!!!
沿住呢條路就可以行番出主要大馬路!
妹妹訓醒好精神咁!!!
Koey 去o左靖靖房參觀!!!
Settle完喇, 大家再坐車去附近o既小瑞士花園行o下!!!
呢度落住微微細雨, 其實都有少少涼, 但小朋友猛咁話唔凍, 唔肯著褸!!
我o地先入紙箱王參觀, 呢度位處海拔1750M!
呢度所有物品都係用紙皮造o架, 但觀乎小朋友反應, 似乎佢o地唔覺得好特別咋喎!!!
妹妹又表演食腳趾絕技!! 引來唔少旅客觀看, HAHA!!!
呢D木造音樂盒好靚呢, 不過都幾貴!!!
呢堆雕花紙皮手機托架我差D想買, 因為真係幾靚, 價錢都唔算太貴 (始終只係紙皮), 但老公猛話紙皮好易爛, 佢又雕得好幼, 真係唔太襟...之後我細心睇, 又真係有部份display出o黎已經有少少爛...算啦, 影張相當買o左, 放棄!!
全店最受歡迎應該就係呢兩隻紙造搖搖馬喇!!! 大o個隻連我老公咁重都可以坐到!!!
加埋店內o既紙燈, 好靚呀!!
除o左紙馬, 仲有Koey o既紙電單車!
三個一齊騎大馬!!
無抱妹妹坐馬仔, 見到門外有紙羊, 妹妹都係羊年呢, 就咁合照算!!
紙槍!
紙箱王外面!! 呢個時候天氣好似好番少少, 無再雨粉粉喇!!
之後我o地就買飛入去小瑞士花園度行o下~~
一入到去都幾靚呢, 好多花呀!!!
呢架鹿車好有XMas Feel, 小朋友們都好合作影相呢!!!
震o左~
yeah, 又同Agnes合照先!!!
我同老公就自拍啦!!!
行o左一陣就到湖邊, 見到有幾個小朋友圍住D鴨鴨餵佢o地呢!!!
Koey Kobe 靖靖當然都唔執輸, 去睇鴨鴨啦!!!
去片!
原來湖邊就有部機, 入錢賣餅餵鴨!!
呢兩隻白色比其他都大隻, 我一度以為係鵝, 但始乎鵝頭頂應該有突起同應該再大隻d!!
餵鴨期間, 我同老公就坐o係後面o既椅度休息等睇噴水池表演!!! 其實呢個小瑞士花園仲有一半我o地都無行到, 但由於玩o左成日真係攰, 郁都唔想郁呢...好彩Agnes睇住小朋友, 我難得可以休息一下!!! 休息期間, 我仲撞番同機坐我o地後面o黎台中玩o既一家4口, 傾o左幾句!!!
怱然間, 一陣陣霧氣升上o黎~~
跟住周圍就矇查查喇! 大家都置身於霧中, 濕氣重重咁呢!!!
原來後面寫住'吃貨', 唔係講我吧!! 但點解會有呢個牌咁搞笑o既, 我仲要而家睇相先知!!
噴泉表演開始喇, 開頭好大霧, 真係睇得唔太清楚!!!
好彩之後d霧開始散~~~~重見光明咁呢!!
講真, 噴泉表演普通啦, 餵鴨仔應該好玩d!!!
唔知係咪習慣o左噴泉表演開始後無人餵鴨, 連D鴨鴨都坐定定睇表演, 好得意!!!
快閃!!!! 小朋友訓練有數, 醒目!!
睇完噴泉表演差唔多7點, 係時候走喇!!! 我o地先去小瑞士外面間7-11買飲品俾小朋友同大人今晚o既宵夜!!! 小朋友揀o左'藍色'類似多多o既飲品, 當Koey 靖靖一邊飲一邊落樓梯o既時候, Kobe未落樓梯已經話飲晒, 真係男女大不同!!
今晚食晚飯o既地方o係清境較高o既山上面, 位處博望新村附近!! 其實出發前想book另一間叫'好雞婆土雞城' o既, 但睇完d comment似乎服務麻麻, 於是就改為食而家呢間 "魯媽媽雲南擺夷料理"!!!
點解清境係食雲南菜呢? 原來因為...清境農場wikipedia!!
好喇, 架車上到食飯o既地方天已黑喇, 一落車已有陣陣涼意, 其實都幾凍o架!!! 但見到唔少人企o左係停車場影相睇風景, 我又忍唔住去睇, 小朋友們就跟其他大人先入餐廳!!!
月亮!! 見到下面d光影嗎? 係其他影相遊客o既相機或手機燈o黎!!!
雲上o既夜色, 一級級依山而建o既田同屋~~~好靚呀!!!!
月光光, 照地堂~~~
影呢幾張相o既同時, 其實我完全聽到細佬呢個大聲公o係餐廳傳出o黎o既扭計聲, 於是我就入番去, 叫Kobe出o黎睇o下風景影o下相!!! Koey就繼續掛住同靖靖玩, 唔願出去!!!
搞搞震~
2044米高!!
影o左一陣, 天氣真係好涼, Kobe同爸爸都係入番去先, 而我就繼續留戀可以一個人周圍影o下相o既時間, o係附近周圍睇o下仲有無第二個角度o既靚景可攝!!!
魯媽媽外觀~~其都好靚呢!!
影完, 入番去食o野喇!!!
好好味o既煎蛋!!! 用當歸葉煎, 有種好特別o既香味, 番去google 下先知當歸葉都算係清境特產, 唔怪得咁美味!!!
呢晚我唔知做咩餓鬼上身, 連我老公都話飽我都仲唔夠喉, 最尾掃晒所有食物!!! HAHA!!!
食飽, 回程喇!!! 因為山路都幾黑, 坐係車入面望唔到車頭d路, 其實都幾無安全感!!!
去片!!!
係咪好黑呢? 留意埋d小朋友, 佢o地就覺得好剌激, 仲話有恐龍追緊佢o地, HAHA!!
最黑最黑就係入我o地民宿o既一小段小路, 條路又窄, 司機都要好慢好慢咁駛入去!!!!
落車, 最後我o地俾多NTD500司機叔叔, 真係麻煩晒佢接載埋我o地呢幾程呢!!!
番到民宿, 細佬已經好攰好攰, 阿妹亦都涼都未沖就好快訓o左!! 幫Koey Kobe沖完涼後我又試為o左影相唔去梳洗住, 決定捉Koey Kobe出o黎影多兩張相先!!!
房外走廊對出望住另一間民宿, 燈光閃閃都好靚!!!
走廊盡頭望向另一邊山谷位置, 雖然燈光唔多, 但o係黑暗中已經覺得好靚, 力上有月光照住, 山形若隱若現, 唔錯唔錯!!!
捉Koey Kobe出o黎影相, 不過都幾凍, Kobe影o左一張就入番室內唔肯再影!!!
好彩仲有Koey 俾面我, 仲好幫得手幫我搬椅子set機!!!
影得唔錯呢!!!
之後我o地仲落去叫靖靖Agnes出o黎影~~~
影到最尾佢o地玩鬼影, 睇番相笑到咭咭聲~~
好喇, 影夠, 細佬o係房入面等o左我入去tum訓覺好耐喇!!! 同佢o地刷牙再上2樓, 雖然好眼訓,但小朋友都要堅持我講新買o既繪本!!!
講完故事喇~~~~
仲未訓得!!!!
因為仲要觀星呀!!!!
不過真係好可惜呀, 呢晚月圓, 基本上打開觀星天窗只係見到月亮光, 好多星星都見唔到, 而且被窗口局限, 實際上望得到o既天空只有好少部份, 有如井底之蛙o既效果, 對於真正想觀星o既, 似乎未必太吸引, 即使對於小朋友o黎講都係好新鮮, 但始終望一陣就會覺得無咩特別, 所以小朋友都係睇o左一陣就訓喇!!!
小朋友訓晒, 我就更自次由喇, 雖然仲未梳洗, 但靜靜o既夜色實在太吸引, 我又忍唔住再獨自o係民宿附近行o下, 睇o下有無咩靚景!!!
民宿樓下, 人影都無 (有先驚!), 連本來有o既昆蟲聲都無埋, 睇o黎昆蟲都要去訓喇!!
山谷中o既夜色~ 望遠少少, 完來有少少雲海呢~~
行去民宿正門側o既小花舖~
月光月光, 你雖然好靚, 但o係想觀星o既時候, 你未免太耀眼喇!!!
(月亮左面係天蠍座!)
天蠍座o既我當然要同天蠍座合照啦!!
睇完一陣星空, 只係認得天蠍座, 北斗七星, 北極星...!! 都係番房算啦!!!
點知番到房, 老公仲紹我佢同事之前show 過佢睇o既觀星apps, 嘩, 正呀, 睇完之後我雙眼發光呢, 小朋友訓晒, 捉老公陪我出走廊用觀星apps玩o左一陣, 似乎定位都幾準呢, 正!!! 老公無興趣, 所以番房先, 而我就拎住apps又再出外玩過!!!
射手座
玩完一輪, 著住件簿褸o係戶外都開始凍喇, 月亮太光, 再睇都無咩變化 (如果無月光, 可能我可以睇多個幾鐘繼個星座睇同影!!!), 都係番番去梳洗休息喇!!!
妹妹諗住訓天光, 天氣咁涼又訓到半夜, 污漕d唔沖涼一日啦, 無計!!!
7仔消夜!! 味道都OK啦, 份量都幾大 (其中一碗叫双饗炮, HAHA!), 不過都無閒情去嘆, 因為我玩得太夜, 又要趕沖涼同執行李預備第二日番香港呢!!!
最後, 搞呢樣o個樣老公睇波, 呢晚我同老公好似成3點先訓, 臨訓o係2樓窗望出去, 月光依然好光, 遠處有點橙光, 係天光嗎??? 都係快快訓啦, 我仲想第二朝早起睇雲海呢!!!
望住呢個景, 真係有d唔捨得, 但忙錄完成日真係太攰, 再唔捨得都要上床訓喇, 再見喇, 美麗o既星空, Goodnight!!! 期待不久o既將來可以再同你見面呢!!!!
