好喇, 呢頭訓著, o個頭6點多d又起身喇~~~
尋晚煲o左o既粥, 一朝早翻熱入壼!!!
將d濕衫放出露台掠先~~~
無落雨呢, 但天色似都唔算太好~~~
之後叫醒小朋友喇~~~
換好衫褲佢o地跟我出露台搞搞震, 有陽光喇~~
之後7點9左右落去食早餐~~~~
wow, 食早餐o既地方環境又幾靚喎~~~~
爸爸去拎o野食, 我就影o下相同餵妹妹食包~~~
自助早餐選擇都幾多, 味道仲唔錯呢~~~
呢碗河粉超好味~~~可惜第二日早餐唔係呢款粉喇~~
趕忙咁食完早餐, 準時按一早預訂o既單據指示, o係8點20分去到酒店大堂!!!!
一去到大堂就見到早一日同我o地check-in o既女接待員, 佢問候我o地後, 我o地就同佢反映番SPA o個度出o左問題...都o黎唔切講多幾句, 就有位小姐埋o黎問我個名~~~
原來呢位叫Jess o既小姐就係負責我o地今日local tour o既導遊呢, 果然準時呀, 不過如果佢o地可以早一晚send個msg o黎再confirm接待時間地點咁我就唔使白白緊張同膽心一晚呢!!! :p
上車, 出發!!! 要坐1個鐘頭車o架!!!
精神奕交, 出發喇!!!!
老公未訓醒, 妹妹都有D面目浮腫咁樣~
導遊間單介紹: 神山! 係馬來西亞境內最高o既山, 最高達4千多米!!!
雖然只係遠望, 但山型突出, 配埋"神山"呢個名, 的確幾列幾有氣勢!!!!
o係車上面小朋友剛訓醒都全無睡意, 所以我同小朋友就玩起"接龍", 由呢程車開始, 差唔多全程坐得耐o既車程家姐都不停叫我同佢玩呢!!!!
沙巴珊瑚灣浮潛獨木舟夜探螢火蟲全體驗
而家就等我介紹下今日呢個Local Tour行程先啦!!!!
呢個tour 係我出發前上網訂o既, 間香港代理公司叫Travel Fever 自遊狂熱, 佢o地網上面提供o既Local Tour選擇都唔少o架!!! 睇完一輪, 講救效率o既我當然大貪少少, 想一日內完成最多行程啦, 所以我就揀o左個由朝到晚近12小時o既一天遊行程:
沙巴珊瑚灣浮潛獨木舟夜探螢火蟲全體驗
由於Koey Kobe Kodi仲細, 出海浮潛o既可行性有幾多真係唔多清楚, 所以我決定book之前都有特登打上去Travel Fever問清楚, 最後得知沙巴當地有提供小朋友浮潛設備同埋上有小朋友救生衣, 佢o地仲表示只要小朋友敢落水都可以浮潛, 咁我就放心book喇!!!! 講真, 其實呢個local tour都幾貴o架, 我都有少少肉赤, 因為小朋友價錢只係平大人少少唔多抵, 但見酒店錢已經慳o左筆, 貴少少都唔怕啦, 去旅行就係想去體驗, 唔報就無得玩呢!!!
報o左團後滿心期待, 我仲一早買定浮潛用具俾Koey Kobe沖涼時練習定點用, 等真係浮潛時就可以好好欣賞海底世界...
點知...應該話大家都知啦, 最後出發唔成, 咁團費點算?
原本我係o係我未能出發之後o個日Join Local Tour, 咁遲通知我都好膽心團費會凍過水, 點知佢o地接到我通知, 再同沙巴當地聯絡後, 好快就Whatsapp 回覆我, 話可以只扣起百幾蚊手續費全數退回, 而只要我o係2個月內重新報團, 咁我被扣o個百幾蚊仲可以用番!!! Wow, 咁o既安排簡直係Perfect呢, 真係即時對呢間代理加o左唔少分!!!
好喇, 搞好Koey旅遊證件後我重新報團, 今次我先睇到, 原來報團張確認單據上面有細字寫明: 旅客應確保旅遊證件有效期至少6個月以上!!!!
噢, 原來代理都一早提o左我, 只係我無留意, 而家錯明顯在我但佢o地都安排咁周到唔罰我扣款, 真係好唔話得呢!!!
好喇好喇...交代完喇, 不如入番正題, 睇o下我o地呢個tour o既行程啦:
7:00-8:00 (視乎酒店位置)
K市內酒店(7:30am) /Kota Belud附近的市郊酒店(8:15am) 空調專車來回接送，沿途欣賞稻田和村莊的景色，更可從不同的角度欣賞神山景色
9:30am
抵達珊瑚灣 行程及安全指引簡介(小食供應)
12:45pm
在海灘對出浮潛, 1小時獨木舟及自費水底漫步(Bubble Maker)
4:00pm
抵達KawaKawa河碼頭。行程及安全指引簡介 (小食供應)
4:30pm
乘小船去搜索婆羅洲 - 觀賞長鼻猴及日落景致
8:10pm
到達Kota Belud附近的市郊酒店
9:00pm
到達KK市內酒店, 留住美好旅程回憶
行程好豐富呀!!! (而家睇番個行程表, 原來大至上都跟得足呢!)
好喇, 坐完1個鐘車, 去到一間屋仔, 入面已有另外5-6位香港年青人o係度!!! Jess叫我o地坐低Settle down飲o下水同小食~~~ o個D係當地特色榚點, 但老公睇見就話唔好食, 加上剛食完早餐唔太耐, 所以我o地都無試到呢!!!
唔知係咪Jess expect我o地知道陣間o既行程, 之後佢就行開o左, 我同老公小朋友坐o係度都唔係好知要做d咩~~~
呢度有好幾隻貓周圍走, 妹妹不停er er er 睇~~
屋企仲有羊仔~~~
見到出面有動物~~
好喇, 終於再捉住Jess問清楚, 原來而家檢查緊船, 未出發得住, 我o地可以換定出海o既永衣同執一執行裝, 因為我o地只帶輕便o既山去, 玩完番番o黎呢度lunch!!
OKOK, 早d講嘛, 咁我o地唔使坐o係度發緊夢咁!!!
好喇, 換晒出海裝束同執好行裝, 因為Kodi無得落水同未去過沙灘, 所以我帶晒Tent同蓆, 仲有生果番薯等等, 行裝都唔少, 我仲要著救生衣揹住Kodi,所以都幾論盡o架, 好彩Jess話幫手拎咋!!!...
臨出發, Jess問: o個d係咪唔使拎呀?
我心諗: BB車o個D?
我: 唔使喇~~~~
搞掂, 10點準時出發!!!! Koey Kobe坐駕駛位隔離~~~
出發!!!
妹妹好似好多o野睇咁, 幾enjoy坐船~~~
大約15分鐘船程, 到喇!!! (相入面個小島仔就係喇!!)
落船上島仔!!!
天氣唔錯, 有太陽, 仲幾曬添呀!!! 諗起尋晚落大雨, 今日咁好天真係好開心!!!
小朋友戴晒潛水面具預備~~
放低妹妹俾老公抱住先, 諗住拎蓆同Tent出o黎Settle, 點知...
原來乜都無拎到!!!!!!
Jess出發前問我唔使拎o既, 原來係我要拎o個D行裝!!!!!!!!!!!!!
乜都無唔得掂喎~~~就算小朋友大人去晒浮潛, 咁妹妹係度做咩? 乾煎同食西北風??
好彩Jess同開船o既工作人員講完後佢o地都明白BB唔可以無o野食同用品, 所以佢o地都肯再開船幫我拎番...
不過, o係未有用品前, 我就只能抱住妹妹坐o係無咁曬o既位置 (其實都無乜遮陰位置, 真係超曬~~), 爸爸就同小朋友無所事事咁...!!!!
其實老公可以帶小朋友出去浮潛先, 不過老公唔識遊水, 小朋友又無信心, 所以無人夠擔出海, 但想玩沙咩? 我o地連玩沙工具都漏低o左, 所以小朋友都只能曬住挖挖o下, 唔係好知點算咁~~~
睇見另一班香港人已經出o左海浮潛, 我都唔想浪費時間, 所以我就叫老公湊阿妹, 我先帶Koey出海吧!!!!
於是, 我就同Koey同埋Jess, 跟住其中一個浮潛教練出海~~~
Koey攬實個水泡由我同教練一齊拖住出海!!! 游呀游, 游呀游, 好似游o左好耐咁, 點知望番轉頭, 原來沙灘仲o係好近位置咋, 我仲以為自己游o左好遠, HAHA!!!
Action Cam又大派用場喇, 去片~~~
魚仔唔算太多, 唔知係咪我副潛鏡太朦查查, 我睇番相先知我d水都算清, 我現場用眼睇仲以為D 水有d混濁呢!!!!
不過, 可能曾經o係長灘島潛水睇過大少少o既魚, 所以今次感覺唔算新鮮亦無驚嘆o既感覺, 反而我好想Koey可以放膽浸個頭落水體驗o下...可惜一開始就俾o左佢用水泡, 隔住個水泡想浸個頭落水耐d都難呢~~~
Koey個頭長期o係水面~~ 叫極佢浸落水都係1秒咁多, 影張相扮o下o野都唔肯~~
教練執起d沙一撒, d魚以為有食物, 成群游晒埋o黎~~~
家姐終於肯浸一下頭, 但我影唔清楚自己添~~
好喇, 睇o左一陣魚Koey就已經猛問幾時番得去沙灘, 我問佢咁快?? 佢答我佢覺得好悶...
唉...城巿長大o既小朋友難得可以親親大自然都唔肯, 有時都唔明, 點解我已經以身作則, 仲出盡力講得好精彩好好玩, 但小朋友都未被我感染到...
好喇, 游番上沙灘, d用品拎到喇...其實我仲有張Tent, 但可能d工作人員一睇就覺得無需要, 都係決定唔幫我拎!!!! 好彩, 呢個時候太陽收o左少少, 無剛上島時咁猛, 無tent都唔太大問題o既, 我最多用救生衣包住自己擋擋陽光啦!!!
舖番好塊蓆, 唔使再抱住妹妹咁攰喇, 妹妹唔使掂到沙都自在番, 一拎個蘋果出o黎就不停叫mum mum mum mum!!!!
Settle好, 換老公出去浮潛, 細佬叫極都唔肯跟去...
同阿妹爭食蘋果~~~
Ar...
我用救生衣遮陽光, 好似隻龜咁~~
小朋友唔出去浮潛, 工作人員唔使帶出海陪小朋友玩沙~~
老公浮潛完番o黎, 我嘗試再勸細佬出海睇魚, 又講o下我o地沖涼練習o左浮潛浸個頭落水咁耐, 唔去就浪費心機, 又講o下浮潛完可以話俾Grandpa Grandma聽有幾多魚...
勸o左5分鐘左右, Kobe有一刻終於鼓起勇氣喇! 我滿心歡喜即刻拎起水泡, 再拖住佢行去海邊...
點知...Kobe一見到海邊o既浪湧埋佢腳邊佢就好驚, 即刻後退, 之後就死都唔肯再行近海邊喇...
之後我再扭盡六壬...可惜都無功而還, 我都無謂再強人所難喇!!!
由於無人再願意出海, 我同老公就o係蓆度繼續湊最惡搞o既Kodi喇, Koey Kobe就繼續玩沙~~~
嘗試放Kodi落沙企...
發現寄居蟹~
堆沙城堡
另一班年青香港人佢o地坐5分鐘船去一個小浮台度再浮潛, 當時已經過o左妹妹lunch時間喇, 佢勁扭計!!!!
好彩有番薯俾妹妹頂下肚餓先~~~~~
之後另一班香港人浮潛完番o黎, 我o地都即刻收拾行裝, 上船會合佢o地回程喇!!!
(問佢o地浮台多魚嗎? 佢o地話差唔多, 只係水深少少~~)
出發時順風, 無被浪彈到成面水, 回程時逆風, Koey Kobe俾迎面o既浪花彈到濕晒, HAHA!!! 其實駕駛人員已嘗試用身幫小朋友擋, 但都係擋唔住呢!!!
雖然應該幾涼, 但小朋友覺得好刺激, 成面濕晒仲笑得出!!!
至於妹妹呢, 我就用背jet幫佢擋住, 佢應該唔算太濕, 不過始終都會彈到佢少少, 涼涼o地濕濕o地佢笑晒, 好似覺得好好玩咁!!!
15分鐘後, 番到出發o既地方喇~~~
番到去洗o下手食o野喇!!! 呢度o既自助午餐當然付合番當地特色啦, 雖然賣相似乎唔太吸引, 但味道出奇地唔錯, 特別係條煎魚, 好好味呢!!!!
餵阿妹食粥, 口水肩同匙羹呢?? 我記得我今朝明明有執出o黎o個喎, 點解無o既??? 我反轉晒d o野o黎搵都唔見...噢...點解會咁?? 唔通坐車時跌o左???
最後, 唯有借呢度o既細匙羹用住先...餵完阿妹食先到我開餐!!!
小朋友食完又睇貓, 不過Kobe其實好驚, 貓貓一行企佢就大叫驚同走~~
之後我問完Jess, 原來而家自由活動, 可以o係屋企對出再浮潛或玩獨木舟!! 本來我聽到另一班港人想出海釣魚, 但可惜Jess表示釣魚o既水惑比較大浪, 今日無得去釣!!
好, 3點先再坐車出發去下一站, 而家得番個幾鐘時間都唔太多, 我決定先去沖身換番衫方便照顧阿妹訓覺, 而老公就繼續陪o下小朋友玩獨木舟吧!!!
去沖身, 雖然有熱水, 但沖身隔離就係toilet, 有味道感覺唔係太舒服, 好彩熱水總算夠熱...
實在太臭, 沖完身即走, 一番到去~~~
小朋友們已經同哥哥姐姐們打成一片喇~~~
家姐其實係第一次玩層層疊, 但唔知點解好似高手咁勵害, 哥哥姐姐們同我都睇到嘆為觀止!!!!
好喇, 妹妹同我留o係屋內, 爸爸帶小朋友玩船仔!!!!
由於阿妹仲好Hyper, 我放佢坐住車仔仲周圍'了'人笑, Jess咁o岩過o黎睇住佢我就走出屋影o下相!!
我o係屋外影出去~~~~
老公話本來佢想坐埋上去撐船, 但佢太重, 隻船想沉...HAHAHA~~~
之後見到屋外原來有吊床, 當然訓下先!!!
好嘆咁呢~~~
Koey Kobe都say hi~~~
老公又試, 點知一坐上去就....啪...一聲...斷o左少少繩...
番番去屋內, 妹妹仲好生猛...但佢其實7點幾已經起身, 點解可以捱到咁耐...
玩完船, 小朋友之後o係岸邊玩沙, 到我老公自己自己玩撐船喇~~~
抱埋妹妹出去睇, 佢一望就見到爸爸笑晒~~
因為我同老公都無理Koey Kobe, 其實我o地都唔多知佢o地執咁耐沙玩咩, HAHA~~
細佬見到妹妹行過o黎~~~
家姐寫o左個'周'字~~
係時候要梳洗去下一個地方喇~~~~
可能太攰, 一上車妹妹就訓o左~~
哥哥亦一樣~~~
爸爸亦一貫咁一上車就合埋眼訓, 我同Koey兩個唔訓o既人諗住偷拍佢, 點知俾佢識穿o左~~
又見到神山~~
15min車程左o左, 又到o左另一個地方~~
Jess呢個時候先講, 原來跟住o既行程唔係佢帶領我o地, 不過工作人員就同之前浮潛o個陣o個d一樣, 之後佢講埋陣間個領隊個名後就叫我o地坐o下食o下點心, 等其他團員到齊再出發去睇長鼻猴!!!
其他團員? 再等? 剛剛先無無聊聊撐完船仔玩完沙, 呢度o既食物點心同剛才o既相差不遠, 真係唔係太有興趣試, 再加上Kobe只係o係車hup o左15min, 一早起身玩沙同浮潛後已經好攰, 真係唔想等呢...
環顧呢度, 枱椅上都放晒名牌, 我同老公都覺得, 似乎要再等o既團友不下三四十人...真係大件事呢!!!
我o地由3點3一路等呀等, 等呀等...
當地工作人員可能見我o地太悶, 整o左d泡泡俾小朋友玩~~~
好大個呀, 估唔到用繩都整到泡泡~~~
Koey Kobe玩o左一陣, 妹妹都訓醒喇...訓o左45min左右咋, 真係想佢再訓耐D~~~
好喇, 差唔多4點, 無錯, 係4點, 我o地足足等o左接近成個鐘!!! 開始見到大架o既旅遊巴接載其他團友到達喇, 我同老公第一時間觀察, 呢D究竟係大陸團定係同我o地同聲同氣o既香港人呢??
結果, 30-40人入面只有幾個香港人, 幾個外籍遊客, 其他都係大陸人!!!
其他旅客到達後先用茶點同排隊去toilet...咁多人, 當然又係另一場等待...
見到唔少人試食當地點心, 仲聽到有人讚咖啡好味, 老公先有番少少信心, 夠膽拎少少炸香蕉同榚點俾小朋友試食!! Koey對炸香蕉幾有興趣呢!!
好喇, 終於終於...o係接近5點鐘, 我o地終於都坐上船遊河睇長鼻猴喇!!!! 坦白講, 呢接近2個鐘o既等待真係好折磨呢!!!
排隊拎救生衣上船, 我o地當然想搵番同聲同氣o既香港人一齊啦, 好彩領隊都係咁樣安排!!!
相片背景就係我o地剛才o係入面休息食小食o既地方~~
我o地隻船有內地人, 香港人同2位外籍人士!!
開船喇~~~
我o地就係沿住呢條河航行, 長鼻猴應該就係住o係河對岸o既樹林入面!!!
椰子??
領隊一邊航行一邊介紹所見o既各種植物, 可惜寫blog o既呢一刻事隔太耐喇, 乜都唔記得lu!!!!
呢個好似係海椰子??定海底椰???
忽然, 大發現!!!!!
原來係一隻五爪金龍!!!
無幾耐, 我o地見另一隻船停o左係度, 原來又有發現~~~
一隻曬緊太陽o既大蜥蝪!!!! 佢個肚脹卜卜, 好似食得好飽咁!!!
再行多陣, 見到河2岸有d吊橋!!
我講笑問小朋友: 你o地夠唔夠膽行?
佢o地反問我: 咁你夠唔夠膽?
我: 我諗唔太搖都夠膽o既!!!
小朋友: 咁我o地都夠膽!!!
航行o左都有20min吧?? 仲未見猴蹤o既??
忽然, 船停o左引擎, 大家都靜晒望向左邊!!! 樹有郁呀!!!
原來有一群猴子o係度呀!!!
相中央o個隻就係喇, 不過呢隻唔係我o地想搵o既長鼻猴, 而係獮猴!
唔知係咪開始耐, 妹妹開始唔奈煩, 好彩我有帶一盒星星餅, 咁先止到妹妹扭計...不過有星星餅原來都唔係好事, 因為妹妹為o左追食, 開始成日大聲叫, 後尾仲係都要自己成隻手塞入盒入面拎, 拎到成手都係一次過食, 結果盒餅唔使一陣就俾佢K.O. o左!!!!
呢D叫海芒果, 領隊介紹話好毒o既, 得長鼻猴先食!!!
又航行o左一段路, 都仲未見到長鼻猴, 不過途中見到一棵lum o左o既樹, 樹上樹下都有大蜥蝪, 經過時仲聞到好臭, 領隊話, 應該係有動物屍體死o係度, 所以咁臭同吸引D大蜥蝪係度食!!!
臭味來源可能就o係呢堆苦枝入面~~
經過呢堆枯枝無耐我o地就回航喇...唔通真係睇唔到長鼻猴???
船比起之前航得得快o左, 忽然船伕指住樹o既高處, 原來有隻猴子坐o係樹上~~~
(相中偏右樹上)
相中間偏右偏上少少, 見到嗎??
咁高咁遠, 船又開得咁快船伕都望到, 好好眼力呢!!!
好喇, 船開呀開, 都唔記得行o左幾耐, 總之感覺上好似已經經過o左起程o既地方, 再相反方向不停咁開吧, 終於, 我o地去到一處地方, 見到有好幾隻船都停o左係河邊關晒引擎, 似乎有所發現喎!!!!
睇到隔離船o既人睇到嘩嘩聲, 長鼻猴你究道係邊度呀??
邊度邊度???
我走埋去船頭mark盡晒雙眼係咁望...但都係望唔到...
望o左幾分鐘吧, 終於...
見到喇見到喇, 雖然上面條片勁震同影唔到D乜o野, 但大家都聽得出我睇到長鼻猴時o既興奮心情吧??!!!
無錯, 經同船o既香港遊客指出位置後, 我終於見到長鼻猴喇, 仲要唔止一隻, 係兩隻呀, 其中一隻係雄性, 體型都幾大o架, 佢用佢o既長臂o係一棵樹爬落另一棵樹然後就消失o左, 剩低一隻體型較少o既(應該係雌性)仲坐o係樹上!!!
Koey Kobe都睇到長鼻猴呢, 唯獨老公要抱住妹妹坐o係船尾無睇到 (不過佢似乎都唔係太恨睇到呢!!! :p)!!!
睇到嗎?? 相中上方啡色圓圓o地o個粒就係長鼻猴個頭喇!!! 原諒我相機焦距唔夠...其實我已經Zoom到盡, 手震一震已經會郁o左去好遠, 能夠影到幾張勉強睇得到有長鼻猴已經好難得o架喇...HAHA!!!
呢張再清楚D, 見到長鼻猴側側o地面!!!!
好喇, 終於睇到長鼻猴喇, 大家都心滿意足!!! 經歷o左呢一個鐘船程, 我o地同同船o既遊客們都開始熟o左少少, 特別係我o地有小朋友, 大家都好友善咁問Koey Kobe甚至Kodi傾計逗佢o地玩!!!
船繼續開, 但並唔係番去岸邊, 而係去睇日落!!! 噢, 我原全唔記得有咁o既行程安排, 實在有D驚喜!!!!
神山再次出現, 獨特而有氣勢o既山形, 連Kobe都開始認得!!!! (按: 直到寫blog呢刻, Kobe見親D山就會問同神山邊個高D, 好似佢心目中神山已經係全世界最勁最高o既山咁呢!!!)
天空有D多雲, 唔知係咪真係見到日落呢?
船快速行駛o左一陣, 到喇~~~原來河呢邊o既盡頭有個沙灘, 沙灘另一邊就係大海喇!!
夕陽斜照, 紅紅光影之下神山好靚呀!!!
落船, 先影神山!! 細佬經過大半日行程已經好無耐性, 點都唔肯影相, 顧住拍走腳上面o既沙!!
其實呢個沙灘有唔少垃圾, 應該都係沿住河水飄過o黎o既~~~~ 呢堆垃圾真係破壞o左美景呢!
就咁影日落好靚, 但一影埋人就爆光!!!
細佬個樣好清楚話你知: 佢係被迫影o既!!!
4隻接載遊客o既船
天色超靚!!
1秒2人世界!!!
其實全程都抱住妹妹o架, HAHA!!!
月光~
影完合照, 唔再迫小朋友影相, 佢o地無無聊聊玩踼沙~~
大兩唔影, 影妹妹, 佢仲未識反抗嘛!!!
笑得好甜好開心!!!!
最後, 叫領隊幫手影合照~~
睇月亮~
遊客們o既剪影~
係喎, 影o下Koey Kobe剪影先~~
話佢o地知唔使笑, 只影到佢o地個黑影佢o地反而覺得好搞笑, 家姐仲肯擺下pose添~~
有遊客玩航拍~
呢張幾有feel~~
影埋爸爸妺妹~~
一齊亂擺手~~
跳~~
天色好快就黑喇~~~ 要上船回程喇!!!
天色真係好靚~~~
其實航程唔耐, 但番番上岸時天已黑喇!!!
開o左燈, 岸邊o既高腳屋靚o左好多呢!!!
番到上岸大約6點半啦, 係時候開餐喇!!!!
點知...
人多唔係問題, 昆蟲多先救命!!!
明明下午o係度時只係見到少少烏蠅, 唔知點解, 一入黑竟然變o左超級多昆蟲, 仲要大大細細不同size, 種類多到隻隻唔同咁!!!!!!!!!!!
所以, 我o地一邊趕昆蟲一邊快快手食, 本來食物味道唔太差, 但對住太多唔小心跌入食物o既昆蟲, 真係除o左快快手食就無其他選擇!!!
可能大家都係同一諗法, 所以雖然用餐o既人唔少, 但大家都出奇地快食完, 反觀我o地要照顧3個小朋友, 真係差唔多係最慢搞掂用餐o既!!
食完搞掂上得旅遊巴, 我o地係最後上車o既!!!
開車, 15分鐘車程左右, 妹妹太攰hup o左一hup, 好快就到夜觀螢火蟲o既地方喇, 妹妹落車又醒晒!!
大家快手著上救生衣然後上船, 我o地要幫埋小朋友著, 所以又係最後先上船, 其實我o地都好快手o架喇, 但做最慢真係有少少壓力, HAHA!!!
開船!! 呢度其實都係一條河, 同之前睇長鼻猴條河差唔多吧, 不過四周一片漆黑, 感覺都幾神秘o架, 唔知螢火蟲o係邊呢???
(由於太黑無法影相拍片, 當時情景, 我盡量用文字描述吧!!!)
船航行o左一陣, 望向兩邊樹叢細心留意, 已經唔難見到幾點螢火蟲閃閃o下!! 正o係我叫Koey Kobe睇時, 領隊細細聲叫我o地全船人一齊數1, 2, 3!!
1, 2, 3 !!!!!!!!!!!!!
神奇o既事發生喇, 眼前樹林好似"開燈"咁, 一次過齊齊閃閃發光, 數量一定多過聖誕樹o既閃燈, 真係全船人都忍唔住wa wa 聲, 感覺比想像中震撼, 估唔到螢火蟲會靚成咁!!!!!!!!!
領隊解釋, 原來唔係我o地數1, 2, 3引到D螢火蟲發光, 而係我o地數完後船伕著一著船頭燈, 係呢D燈光吸引到螢火蟲!!!
睇住D螢火蟲由樹叢遠而近飛埋o黎, 就好似點點星光飄到眼前, 都咪話唔浪漫呢!!!
o係大家專心浪漫時, 我又醉心調教相機, 真係好想盡量拍低少少...不過攝影技術太差, 事前又無準備, 亂set暴光20秒只能拍低幾隻螢火蟲o既飛舞路線!!! :p
螢火蟲o既光就好似上圖o既色咁上下啦...
盡o左力, 最後都影唔到, 都係專心用眼去睇, 用心去感受, 將當時o既情景深印腦海比較實際吧!!!
之後, 我o地繼續間中數1,2, 3, 好似聖誕樹o既螢火蟲光真係百看不厭!!! 工作人員拎住電筒, 另一隻手不停開合遮蔽燈光, 模擬雌性螢火蟲發光o既頻率, 即時引到好多螢火蟲飛入船內, 大家都輕輕用手捉住螢火蟲, 連Koey Kobe都捉到, 同船o既遊客們都好nice, 捉到螢火蟲會放到Koey Kobe手上呢!!!
呢段片雖然都唔太清楚, 但都錄到大約, 真係連Kodi妹妹都識得睇到wa wa 聲o架!!!!
終於, 8點左右, 大家上岸再上番旅遊巴回程喇!!! 睇完咁靚o既螢火蟲, 雖然係好攰, 但Koey Kobe似乎都好開心!!!
走喇~~~沿路都係呢D house, 忍唔住幻想, 如果自己住o係呢D地方o既生活會係點o既呢???
車程大約1個鐘, 小朋友們同老公都極速訓晒, 我依舊係唯一無訓o個個...
旅遊巴關o左燈太黑添~~
呢張相其實影o左同我一樣坐車點都唔訓o既Koey頂唔順訓著o左!!!
9點左右番到酒店喇, 小朋友們都好乖, 雖然被嘈醒要落車, 但都無扭計!!!
原來同我o地同船o個對英國人夫婦都係同我o地一樣住Rasa Ria呢!!! 佢o地仲讚Koey Kobe Kodi好乖, 咁攰都唔扭計, 做媽媽o既聽到人讚自己仔女真係好開心呢!!!
行到番酒店門口, 同之前一日一樣, 好多四腳蛇歡迎我o地...HAHA!!
快快入屋, 以為可以快快搞掂小朋友訓覺休息啦, 點知惡夢先開始!!!!
番到酒店第一件事幫Kodi開水沖涼, Koey Kobe就一齊入浴室由爸爸幫手沖涼!!! 放o左Kodi落水後, 我就襯佢玩水出去拎要著o既睡衣褲同底衫褲, 點知...
Kodi係浴盤入面去poo poo!!!!!
只見有舊黑色物體o係浴盤載浮載沉...OMG, 實在太噁心喇!!!!
我抱起Kodi的佢坐Toilet兜佢去, 老公就諗住繼續同Koey Kobe沖涼快快手搞掂, 點知Kobe呢個時候開始邊話"好臭"一邊喊...喊喊o下Koey都開始喊...睇見家姐哥哥喊, Kodi妹妹跟住又喊...HELP~~~~
本來Kobe呢位大聲公一個喊已經好嘈, 再加埋KoeyKodi把聲...o係廁所入面簡直變為環迴立體聲...都咪話唔恐怖...
老公快快手成兜浴盤o既水倒去Toilet再番去幫Koey Kobe快手沖, 我兜完Kodi再放番佢入浴盤...Anyway, 當時o既情景應該都幾手忙腳亂, 最後Koey Kobe喊o左幾耐先收聲, 成個沖涼過程用o左幾耐我真係諗唔起, 亦唔想再諗起喇!!...
總之, 好不容易, 小朋友們終於沖完涼訓晒覺喇, 我同老公終於可以休息!!!
今日息行程咁辛苦, 晚餐又食得唔多好, 咁早休息當然要對自己好D, 一於叫番2個酒店宵夜嘆嘆先!!!
喇沙 & 炒牛河!!! 熱辣辣好好味!!!
肥就肥啦~~~~對自己好D嘛!!!
喇沙湯用熱水壺另上, 保證熱辣辣, 正!!! 真係而家諗番都流口水呢!!!
回顧番, 呢一日行程真係好豐富, 不過時間上對於小朋友o黎講真係長o左少少...至於大人嘛, 其實係還可以的!!! 雖然辛苦, 但小朋友可以親親大自然, 一次過睇o左好多動物, 而呢D動物仲係無被困住, 而係自由自在咁o係大自然中生存緊,o既, 希望佢o地經過今日, 會開始喜歡親近大自然吧, 畢竟呢D活動o係香港還是比較難去體驗呢!!
