yeah, 老公子話瀋陽個會cancel o左呀,即係老公子唔使出trip, yeah!!!
亦即係話, o黎緊星期四我將會係婚後第一次放低老公子一個人係香港呀, 睇o黎我要寫低個清潔list俾佢, 費事我番到企屋企變o左個狗竇先得!!
2010年8月28日 星期六
2010年8月24日 星期二
珍惜當下!下星期要同老公子分隔兩岸三地!!
本來去旅行係開心事...都最後一日行程喇,點解會變o左個悲劇...
睇住電視台直播, 驚心動魄...媽媽首先哭了, 我只能眼紅紅輕拍媽媽手背...
成家人都睇到好心up, 完全食唔落飯...
傳媒, facebook...去到邊都睇到好多怪責菲律賓政府o既語論...老實講, 我真係唔想再聽, 其實怪責己經於是無補...
希望生還的快點擺脫事件陰影...早日康復...並...珍惜眼前人....
=====================================================
老公子今日同我講話佢31號至3號出business trip去沈陽, 至於我, 下星期2號到5號就約o左一班好姊妹去台南...咁即係我同我老公子由31號到5號都要分隔異地...
唔知係咪俾菲律賓件事影響心情, 本來我以為可以第一次留低老公子係香港作反, 點知而家唔好話旅行mood都無晒, 仲反而要擔心沈陽有無暴雨水災, 諗o下分隔兩岸我同老公子應該點聯絡好...硬係覺得心情怪怪, 唔知點咁...
2010年8月23日 星期一
2010年8月10日 星期二
10 Things You Need to Know About Sleep
明珠台最近呢個月星期三晚o既documentary 係有關sleeping o既, 對於一向注重睡眠o既我真係覺得好好睇同好有用, 上星期o個套係講10 Things You Need to Know About Sleep, 雖然有d sleeping tips 未必咁易做到, 但知道下都幾有趣, 以後想訓好D, 就要留意下喇!!
10 Things You Need to Know About Sleep
2010年8月7日 星期六
老公子生日快樂!!
今日係最美麗的第七天, 亦即係我老公子生日呀(之前無記套劇最美麗的第七天兩個男主角都係呢日生日, 所以呢日都係我心目中最美麗的第七天)!!!
今日我同老公子都好早起身!!!
因為今日我o地去學golf呀!!!
同行仲有另外兩位中學同學!!!
第一次打咋, 擺番個靚pose先!!
姿勢唔算太正確, HAHA!!不過真係唔係講笑, 望落去咁簡單一個動作其實一D都唔簡單, 仲好支力...估唔到運動量係咁大!!!
老公子o既姿勢就正確過我喇!!
打完golf我地去o左飲茶, 好多謝幾位中學同學請壽星老公子同我飲茶呀!!!之後, 大家唔知係咪湊熱鬧, 本來只係我同老公子要趕住出旺角睇戲, 但幾位中學同學都即興咁陪埋我o地出旺角, 大家一路坐車一路傾計, 好開心!!!
去睇toy story, 大家都推介好睇, 果然無介紹錯, 我都睇到喊呀, 可惜老公子竟然同我講'o下, 你咁都喊?'...原來老公子咁無童真!!
其實一早打完波已經成身散晒, 我同老公子睇完戲都好想快D番屋企, 所以今晚生日大餐我o地決定食我o地心目中最美味o既食物!!!!
本區有名o既阿婆豆漿,蒸飯, 粉果同豬皮腸粉辣魚蛋!!!YUMMY!!
老公子生日快樂!!
=================================================
早兩日番o左奶奶度食, 姑仔Kathy送o左份禮物俾我同老公子, 賀我o地結婚一周年(無錯, 份禮物係遲o左, 但心意搭夠!)
中間天鵝麥兜公司同右邊對麥嘜掛勾同張卡就係姑仔送o架喇, 佢仲特登晒o左我同老公子d合照剪成心型放係天鵝心心位度, 等我o地有得替換!!!
其實我最鍾意係張卡呀, 好可愛, 我都好希望我同老公子老o左就係咁!!!
2010年8月5日 星期四
我上o左新城知訊台節目《全旅打》接受訪問
之前提過我上o左新城接受訪問, 節目其實已經分別於2010年7月10日及17日播出, 我o係屋企錄番自己段聲帶, 而家終於edit好, 有興趣就收聽番啦:
2010年7月10日:
2010年7月17日part1:
2010年7月17日part2:
相關網誌:
訂閱：
文章 (Atom)