一番心意換一隻死貓!!

今晚老公子有節目, 夜晚我一個人自由自在,本來心情好好, 點知...

剛放工番到屋企就收到奶奶電話, 第一句就係問我, 我剛過去個星期六慶祝奶奶生日時送o個個手袋係咪我係自己d袋度拎o黎送俾佢, 因為個款一d都唔似長輩用, 佢覺得個款好唔合佢心意, 唔鍾意!!!

原來奶奶話個袋個款好唔o岩佢, 佢同姑仔望過, 話個袋無牌子, 姑仔於是同奶奶講, 問會唔會係阿嫂係自己d袋度拎其中一個就咁送俾奶奶!!!!

真係聽到我扯火囉, 咁o既說話都講得出, 一番心意就咁俾人誤會...其實個袋係就係young o左少少, 但我老公子話覺得o岩我o地先買咋, 有咩不滿咪問你個仔囉!!!

雖然奶奶問完我解釋完奶奶口頭上都有話'多謝'我o地o既心意, 但佢就話下次要買o野就搵埋佢揀, 又或者佢同姑仔揀完買完問我o地拎番錢....

大佬, 咁樣都叫送禮物咩?你買乜問我拎番錢, 咁我同老公子咪即係咩心意都唔使出囉??到時咪又大把機會俾位奶奶同姑仔入o黎話我同老公子唔出個心啦!!!

另外, 我又借d二發難, 話姑仔咁講我好唔尊重, 邊有人會拎自己o野當禮物送俾人o架...點知奶奶又幫住晒, 話姑仔只係細路女隨口up...我承機話姑仔自己周身明牌, 唔代表我買個袋唔係名牌就等於隨便係街執或買個cheap袋...

唉...不過點講都無用, 奶奶有奶奶講, 俾佢鵝o左我半個鐘, 又試o係度自吹自雷自已幾咁開通幾咁坦白, 所以唔鍾意個袋都會照出聲, 又話自己對個新袍幾好幾好, 成日煲呢樣o個樣, 乜乜師奶都讚佢對個新袍好到加零一, 自己係全世界最明白事理...總之, 又將佢講過n次o既對白講多一次, 根本離晒題, 真係聽到我人都癲, 最後我用要沖涼煮飯做excuse end o左個conversation!!!!

就係咁, 我成晚條氣又chok住喇, 次次唔係奶奶就係姑仔激到我噴血, 睇怕呢件事又會成晚纏住我個腦唔俾我訓得好喇....

wowowoowowowowoowow!!!!!為o左calm down,夜晚我彈琴, 乖豬好似每次聽到我彈錯就會踼咁, 唔通佢真係識聽??乖豬, 我知我要冷靜, 個肚咁大, 激親動胎氣唔好呢~~~~