100天的你!

Kobe仔100日大喇!! 

 

一湊二o既生活都真係幾忙, 眨o下眼一日, 眨o下眼又一日, 對比起Koey,真係覺得Kobe仔好似大得快好多咁, 而家除o左識笑外, 早幾日仲識打側身喇, 相信不出一個月佢就識趴轉身抬頭仔, 真係好期待!!

 

由於時間實在唔許可, 我唔可能好似上次Koey咁每星期blog低Kobe仔o既發展, 所以襯今日Kobe仔100日, 就等我概述一下呢三個幾月Kobe仔o既發展, 好等佢大個o左可以了解下自己細個, 又或者等我老o左都有得回味一下湊Kobe仔o既點滴!!

食:
Kobe仔自出世到而家唯一無進步o既, 相信就係食奶!! 到目前為止, 佢仲係keep住初出世o既食奶pattern, 3個鐘一餐, 1日8餐, 半夜三更都一樣, 仲未肯戒夜奶...

雖然, 我仲要捱一晚醒至少2次o既生活, 但可幸o既係Kobe仔食奶算快, 就算只係頭幾日人仔, 都已經食10-15min就食完一餐, 亦唔會成日啜住訓, 所以就算餵夜奶我都唔算太辛苦, 呢樣真係要俾個叻佢!! 另外, 更重要o既係, Kobe仔都幾吸收, keep住o係生長線75%左右, 成績唔錯, 2個月人仔出街試過俾人話似半歲!!!! HAHA, 咁呢個例子的確係誇張o左少少, 但in general 多數人都話Kobe仔算大隻, 做媽咪o既聽到人咁講, 當然好滿足啦!! 

Koey同Kobe都係食人奶, 但Kobe仔就叻仔D, 大隻過Koey!!! 頭一個月直頭好似俾D人奶泵脹o左咁, HAHA!

事業線都唔o野少o架!!

雖然, 而家3個月大拉長o左好似無咁'脹', 但比起Koey細個, 真係肉感唔少, 我亦希望襯Kobe仔仲有D肉o地, 要影多D相留念!




Kobe仔同我老公子真係餅印咁!!

訓:

Kobe仔差唔多頭3星期都係食完訓訓完食, 基本上除o左餵奶我都唔使理佢, 就算滿月後陪月走o左, Kobe仔都係朝早同傍晚醒一陣, 就算到o左而家佢3個幾月, 佢醒o既時間真係唔算太多, 再加上我train o左佢自己訓覺 (當然喊o既時候都仲要拍下o既!), 其餘時間都係訓覺, 所以我一湊二o既生活比想像中唔算難渡過!!


好喇, 講住咁多先啦!! 其實對於做人媽咪o黎講, 最緊要都係小朋友健康快樂!!! 呢方面, Kobe仔成績都唔錯, 至少暫時未病過, 而且未夠滿月就開始出現有意識o既笑容, 未夠3個月仲第一次見佢笑出聲, 呢兩樣都比Koey快, 希望佢將來都一樣, 繼續做個happy boy啦!! 

最後, 為大家送上Kobe仔100日o既寫真相, 希望大家都like呢個happy boy啦!!

"未見過靚仔?"


估下我係邊個?






手指公係最好味o既!!




同家姐相親相愛!!