BB Koey is back!!!

Merry Xmas!!!

一年前後!! 雖然件衫仲o岩著, 但Koey真係大個女o左, 感覺好少女呢!!!

聖誕節正日, 我帶o左Koey去剪頭髮呀!!! 雖然Koey咁大個女第一次去, 但佢好合作, 坐得好定呢!!

剪完!! 

wow, 個樣BB o左好多呀!!!!

面仔圓圓咁, 真係cute o左好多!!! 

其實呢日除o左Koey剪頭髮, 老公子都送o左我近4個鐘假去電髮 (可惜電得唔夠曲...), 番到屋企Koey即刻話'媽咪, 我好掛住你!!'!!(老公子話我唔o係度期間, 佢問o左我幾次幾時番!!)我都好掛住你呀BB Koey, 唔知點解望見多番BB樣o既Koey我真係覺得好開心呀, 真係好鍾意你呢個新look呢!!!!

Boxing Day拆禮物!!

兩父女使唔使咁sweet 呀?? HAHA!!

Koey剪o左頭髮真係cutie o左好多, 好Kawaii呀!!! 早知再早D帶佢去剪啦, HAHA!!!

試新o野~~

自從Kobe仔越大越訓得少後, 我已經好耐無同Koey玩親子整餅, o黎緊聖誕新年又係開Party o既開心日子, 老公子又請o左幾日假幫手睇仔, 真係要好好利用同Koey又玩o下整蛋榚餅仔先得!!

呢日Koey o係超巿揀餅仔, 佢一望到下圖黃色盒餅有大笨象圖案就話想食, 咦, HiPP, 近排o係電視廣告都見到呢個牌子喎, 主打'有機'嘛, 橫掂未試過, 一於買o黎試o下!! 

買o下買o下買o左咁多!!

有大、細BB有機餅乾、 有機蔬果蓉、有機米糊, 仲有有機正餐添!!!

番到屋企, 有位小妹妹已經忍唔住出動喇...

大笨象呀!! 

喂喂, 雖然我試過塊餅唔係好甜, 食多少少都唔怕, 但Koey你都唔好食咁多喎, 我諗住買o黎同你整美食o架喎!!

Kobe仔未有牙無得食, 得個睇字~~~

唔怕, 等媽咪整d o岩你食o既o野啦: 提子米糊!

先攪爛d提子! 再加入適量熱水, 等提子溶變暖!

再倒入米糊~

攪拌一下就食得喇!!

好唔好味呢?

其實近排天寒地凍, 唔想小朋友食D凍冰冰o既生果, 加米糊真係個又方便又快捷令生果變暖o既方法!! 再加上有D生果, 好似上面用到o既提子咁, 係比較容易出水, 就咁餵時真係好易漏到周圍都係, 加米糊就可以避免呢個問題, 真係好方便o架!!

um...老公子仲有幾日假, 要諗諗同Koey整D咩美食好先得!!!

Kobe仔叫媽咪?!

Koey的勇氣大考驗之二 ~~ 做個靚靚小Model

之前一晚做完花女 (詳見"Koey的勇氣大考驗之一 ~~ 做花女@Betty & Vince's Wedding"

), 第二朝一早9點幾又出發喇, 今次係去扮靚靚, 為Yes-Parents x Smart Family做小model, 因為我同Koey有幸入圍《呢個冬天我型晒》親子組呢, 真係好開心呀!!

做小Model影相之嘛, Koey又唔係第一次影, 點解係'勇氣大考驗'呀?

 

做小Model@14個月                   做小Model@18個月

哈哈, 因為一切都好突如其來囉!! 做花女係點我都有一早預告俾Koey知, 幫佢做心理準備, 但今次考驗就連我都無預計會發生, 所以對於Koey o黎講, 真係比做花女o既考驗來得更大, 更有挑戰性, 大家睇埋落去就知!!

呢日天氣唔好, 又凍又落雨, 幾經轉折, 終於用o左個半鐘頭去到位於西環o既Smart Family度影相!!

一去到Smart Family, 職員就話要幫Koey化妝, 噢? 原來小朋友都要化妝, 咁為免Koey唔鍾意, 於是我化妝先, 等佢望下了解下!! 不過未等到我化完, 職員就問Koey可唔可以幫佢換衫!! 其實d職員姐姐已經好nice, 不斷'了'Koey傾計講o野, 等佢無咁怕生保, 不過真係無諗到咁快捉佢去換衫!

職員姐姐叫Koey問我: 可唔可以俾姨姨幫我換衫呀?
我: 當然可以啦!

就係咁, 2位職員姐姐就帶Koey去離我十數尺遠o既更衣室換衫!! 其實我都睇得出Koey被抱入去時唔係太願意, 我仲好驚佢會喊, 但估唔到拉埋布簾後, 佢睇唔到我、爸爸同細佬都無喊, 或者佢聽到我o地講, 話我o地係度, 佢會聽到我o地把聲, 所以仲接受到吧?

好, Koey換好衫喇, 但我當時仲未化完喎, 於是職員姐姐就'通知'我, 話抱Koey上2樓set頭, 同一時間話俾Koey知媽咪化完妝就會上去搵佢!! 一切都發生得好快呢, 我都未o黎得切反應Koey已經上o左2樓, 我完全睇唔到佢咩表情, 我同老公子只係識得互望, 大家應該都係o係度諗緊Koey一個人上o左去有無驚, 會唔會爆喊!!

大約5分鐘後, 我終於化完喇, 之後仲要換衫, 我諗到我上去2樓搵Koey時已經係7-10min後!! 當我上到去, 就見到Koey乖乖咁坐係度俾姐姐set頭化妝, 佢見到我即刻想嘴扁扁, 我讚佢化o左妝好靚, 又問佢化妝整頭好唔好玩、D衫靚唔靚, 但佢全部都嘴扁扁想喊咁樣, 完全答唔出, 只係頭擰擰, 真係我見猶憐, 但同一時間我又覺得佢好叻, 因為佢真係無喊到!!

好喇, 到我set頭喇, 由於我當時拎住好多o野, 所以就行出Set頭間房, 拎個袋俾我老公子看管, 其實我只係消失o左2-3秒時間, 所以我無同Koey講聲就轉o左出去, 點知甫見媽咪o既Koey眼見媽咪轉眼又離佢而去, 就再也忍不住了, 結果當場爆喊!!!

由於當時已經化好晒妝, 為免佢喊花晒個妝, 同埋喊得太勁影響陣間影相o既情緒, 我真係出盡法寶咁tum佢!!!

 

陰公囉, 係咪我見猶憐?

(左邊面入面係我tum佢俾佢食o既糖!!)

諗番轉頭, 我又真係大意d o既, 剛剛先見番我, 轉頭又唔見o左, 又難怪佢會喊...

最後, 又tum又搞笑下, Koey終於破涕為笑喇, 真係鬆一口氣!!

轉戾點就係呢刻!!

我話: 你睇媽咪同你係咪著到一樣? 你而家得個喊樣, 咁媽咪係咪都要整個喊樣同你一樣?

Koey就係望到鏡內我同佢喊到一樣樣而笑番!!!HAHA!!

之後我就繼續同佢玩照鏡, 佢心情亦慢慢好起來喇!!

不過, 由於佢喊, 我o地搞o左好耐先可以settle down去影相!!! 當時Studio已經迫滿其他上o黎影相o既小朋友lu!!

呢日我o地有兩個親子裝造型!

造型1: 烈艷紅唇o既Koey, 大家覺得如何?

造型2: Koey已經心情靚番晒喇!!

講真, 當日o既攝影師唔知係咪比較少幫小朋友影相, 我覺得佢一D都唔pro, 完全唔識指導點擺pose同埋無做任何o野引小朋友望鏡頭, 仲掉轉成日出聲'話'Koey唔望鏡頭!! 或者佢係想考我o地自己擺pose, 自由發揮吧, 結果拍攝過程我要不斷引Koey, 又要不斷同佢講, 要望住攝影師叔叔個相機, 唔好望其他人!! 由於引佢笑係我, 爸爸又係側邊想影D花絮相, Koey唔望鏡頭真係一D都唔奇!! 所以影完相, 我都唔敢太期望D相好靚, 只係希望影咁多張, 總有幾張影得好D!!

 

睇住我o地影相, 唔知Kobe仔有無悶親?                      Koey襯空擋玩千秋!!

影完喇!!! 最後, 大會頒o左張嘉許狀俾我o地!!

仲有價值$300 o既禮物pack送番俾我o地!!

離開Smart Family時已經係1點喇, 足足搞o左2個鐘!!之後我o地o係附近搵到間價錢唔貴, 又坐得舒服o既餐廳食o野!!!

 

生猛番o既Koey!!

haha, Kobe咁o既樣, 係咪唔慣媽咪化o左妝?

食完o野都2點幾喇, 本來難得去西環, 我同老公子真係好想番HKU行o下, 但可惜呢日實在太大雨喇, 時間又已經咁晏, 我o地只好踏上歸途, 又要長征番屋企喇!!!

原來Koey都好高喇喎!!

今日o既收獲!! 估唔到個禮物pack咁豐富, 我同Koey都有背包, 仲有文具, 髮夾等!! 至於最頂件衫, 係我o係舖頭即場以6折價錢買o既!!

呢幾隻髮夾好靚呀!!!

相信Koey對於呢日o既經歷一定好難忘!! 難忘o既唔係做小model影相, 而係o係豪無心理準備下, 經歷佢人生第一次離開爸媽, 同完全唔相熟o既陌生人接觸!! 

唔知Koey大個o左, 對今日發生o既事仲有無印像呢? 無都唔緊要, 因為今日o既經歷我同老公子都會記得, 因為我o地發現Koey比想像中懂事, 至少離開我o地都無爆喊, 控制到自己情緒, 明白呢日影相係要見陌生人, 唔可以黐實爸媽!! 雖然最後都係爆喊收場, 但我同老公子已經覺得Koey算係咁, 希望佢記得今次經歷, 之後再有離開爸媽同陌生人接觸o既機會會更加勇敢!!!

加油呀Koey!!! 恭喜你通過今次unexpected o既勇氣大考驗!!!

========================================================

最後, 大會出o左相喇, 容我o係度拉下票, 請大家多多支持我同Koey, click下面張相投我o地一票啦!! 多謝!!!

Koey的勇氣大考驗之一 ~~ 做花女@Betty & Vince's Wedding

2013年12月14日, 係我好姊妹Betty出嫁o既大日子!! 好多謝Betty同Vince俾機會Koey第一次做花女!!

由於Koey出名怕生保, 特別係怕同齡小朋友, 所以事前我都有同Koey做心理準備, 話佢知呢日佢認識o既Betty EE做新娘, 佢就要幫手做花女sum花瓣!!

一入酒店就見到佢o地個Wedding Logo投射, 好靚好型呀!!

由於我紮鬢辮唔靚, 所以要麻煩姊妹Clok幫Koey紮靚靚!!

新娘子Betty & 兩位花女: Freda & Koey!

Betty EE出現, Koey一時間好似未認得, 可能因為化o左妝啦, 不過我問佢Betty EE靚唔靚, 佢猛點頭!!

我要幫手帶Koey做花女, 老公子就幫手湊Kobe!!

靚靚Candy Corner setup中!

練習march in路線!! 花仔3歲幾, 第一次做花仔, 但佢唔怯場, 好淡定, 拖住兩個妹妹行, 好叻仔!!

至於Koey 呢, 比我想像中合作, 雖然花仔只係初見面, 但佢都肯拖住人!! 當然啦, 要呢位怕人妹妹笑就真係要等奇蹟出現喇!!

練習完, 周圍影o下相等證婚!!

恭喜Betty!!!

 

同細佬企埋一齊, Koey即刻大個女o左好多!!

Sweet Sweet笑容!! 如果March-in時都有呢個笑容就perfect!!

 

唔止新娘靚, 姊妹們都好靚o架!!!

Candy Corner!! 靚到我都差D唔捨得拎糖食!!! Clok幫Koey夾o左一細袋糖仔俾佢拎住, 佢除o左march-in外, 基乎全程拎住!!

好喇好喇, 證婚時間到喇!!! 多謝花仔爸爸send番段咁有紀念價值o既片俾我留念, 去片!!!

其實開頭Koey係甩開o左花仔隻手周圍望搵我o架, 但好彩只係剛開始行, 我好快走埋去叫佢拖番住花仔, 之後無再甩, 好險, HAHA!

Koey完成任務後, 番去同細佬爸爸一齊觀禮!

一對璧人! 學大家話齋, 男o既夠chok, 女o既夠索!

Kobe仔邊觀禮邊玩波波, 好開心!!

兄弟姊妹團大合照!

兩位可愛o既小花女!!!

Koey熱o左身, Freda熱情咁拖住佢, Koey都無好似以前咁甩開人!! 不過, 如果多D笑容, 同Freda可以齊齊笑住影相就好喇!!

 同新任伍生伍太合照!!!

大姐會大合照!! (仲差Emily大姐!)

影完相, 我o地就去o左photo corner度玩, 我未見過photo corner有咁多面具飾物揀o架, 所有賓客都玩得好開心!

睇下我o地一家打扮幾得意!!

Print 出o黎o既即影即有共兩張, 一張貼落送俾新人o既簽名冊度, 一張俾賓客做紀念!! 真係好有心思, 又值得紀念, 相信新人睇番簽名冊度大家D估怪扮相同祝福說話, 一定好開心!!

最後, 餵埋Koey & Kobe食o野後, 我o地就預備走喇!! 當時Emily剛好趕到, 但新娘要換衫, 雖然無得同一對新人o係台上合照, 但我o地9位大姐就o係新娘房截住Betty, 最終都影到張好有紀念價值o既齊人合照, 好彩呢, YEAH!!

(大姐會齊人合照後補)

影完合照我o地就離開喇!! 

由於Kobe仲食緊人奶, 我真係唔係太方便飲, 所以可惜一點, 無法留低飲Betty呢餐!!! 我o地8點幾打的走, 番到屋企搞兩位小朋友換衫訓覺都搞到我同老公子10點幾11點先可以食'晚飯', 都真係幾攰!! 

雖然係攰D, 但今晚真係好開心，除o左因為替好姊妹Betty出嫁開心同感動外, 仲因為Koey o既表現而覺得欣慰! 係, 雖然Koey全程笑容欠奉, 仲差D走失埋, 但以佢怕生保o既性格, 由頭到尾都叫做無喊無抗拒, 仲肯拖住初相識o既花仔哥哥, 佢呢點點進步, o係我心目中已經算超額完全, 真係好多謝你o既合作, 我o既乖女Koey!

最後, 祝福一對新人百年好合, 永結同心, 記得要三年抱兩呀!!