一早, Grandpa & Grandma入o黎陪小朋友游水, 咁我同老公子就有時間最後衝剌~~執行李喇!!!
Koey開始識貪靚, 一早要求去旅行俾佢搽指甲油扮靚靚!!! 好啦, 我又唔使做家務可以搽埋一份, 一於兩母女齊齊扮靚靚!!
下午4點幾, 等細佬訓醒午睡就打的去機場喇!!! 沿路Koey & Kobe已經好有旅行mood, 周圍留意經過幾多條隧道同大橋!!
去到機場優先check-in後就去食個early dinner 喇!!!
明明預o左好多時間, 但最後唔知點解, 趕到連登機閘張相都影唔到, final call趕上機, 只能臨行上機同飛機影張合照!!!
上機lu!!!! 因為係A320細機, 我又唔想一睇二坐一邊, 所以試試2個2個咁劃位坐!
起飛後, Koey就畫公仔, 用具都係佢自己執拾入自己背包o既!!
玩到咁上下就食我一早預備o既熱蕃薯同凍提子!!! Koey食o左好多蕃薯, 好俾面呢!!
坐到咁上下細佬開始眼訓而開始扭計, 猛咁要搵我, 但家姐當然唔肯掉位啦, 最後我唯有問坐我隔離窗口位位男士調位, 等細佬可以坐過o黎!!! 點知調完位後, 細佬又話要爸爸, 結果我就調o左去坐單丁位, 爸爸就陪兩個細佬訓!!!
就係咁, 我就好似好得閒咁喇! 可惜呀, 我一貫o地訓唔著, 掉轉頭覺得無o野做好無聊呢!!! :p
日本時間12點半落機喇, 小朋友訓夠o左醒晒!!!
估唔到BB車可以一落機就拎番, 真係貼心, 唔使去慢慢等行李!!!
我o地慢吞吞去完廁所, 同機乘客都走晒, 成個機場好似得番我o地咁!!!
之後入境, 由於航機內o既入境form派晒, 我o地要去到入境位置先拎到form慢慢填, 仲要填四張, 可想而知又用o左幾多時間!!! 連職員們都趕住收工, 好主動咁成日走埋o黎睇我o地填成點, 填完未!!!
就係咁, 我相信我o地係羽田機場呢日最後4位入境旅客, 1點有多, 終於入o左日本境喇!!
YEAH!! 小朋友們幾精神...真係諗起都頭痛!!! 唔知呢晚又要搞幾耐先tum得番佢o地訓喇!!!
係機場搵o左一陣就去到位於機場o既酒店喇, 真係好方便呢!!! (有時諗, 如果仲係同老公子拍拖旅行, 可能我o地就學o左其他旅客咁訓機場慳番晚酒店錢算lu!!!)
酒店房細細, 但極之新淨光猛!
換好衫褲, Koey就拎出所帶o既青蛙公仔陪訓喇!!
Good night!!! 結果tum到佢o地日本時間3點, 終於訓晒, 我都休息喇!!!
沒有留言:
張貼留言