8/8/2015 (20W4D) 照結構
呢日要照結構, 因為老公子早一日生日, 一心諗住呢日一齊去照結構當慶祝節目, 之後就帶Koey去睇戲! 點知老公子差d因為北京o既狂風暴雨而'undetermined delay', 搞到我早一晚好擔心佢會趕唔切番o黎, 話晒最後一胎, 老公子已經無乜陪我產檢, 結構都唔陪, 真係可能要生B老公子先會再參與喇!!!
Anyway, 有驚無險, 老公子最後都趕得切番香港, 呢日一早帶埋Koey 開開心心出發!
我o地11:15am準時到達, 等o左半個鐘左右有得睇喇!
醫生照o左一陣: 你o地知仔囡未?
我: 未肯定呀!
醫生: 係囡o黎o架!
我心諗: YEAH!
我: 沛藝, 真係妹妹o黎呀, 開唔開心呀?
Koey: 開心!!
之後再照一陣...
醫生: 醫院o個邊有無話要改預產期呀?
我: 照Oscar時有咁講, 叫我照埋結構再決定! 點解咁問? BB細o左好多?
醫生: 細少少啦, 都唔太多, 都係細5-6日啦! 嗱, 你睇o下度出o黎d data, 全部都偏向左邊 (即細o左), BB大約半磅左右啦!
之後醫生就繼續照細細B其他結構, 聽到我講細佬多o左隻腳趾, 佢都有同我數細細B手指腳指!
照到心臟, 睇到4個心房, 但其中一個心房有少少白點!
醫生: 白點係鈣點, 不過唔使擔心, 唐氏B就3成人有, 但同時間亞洲人都有3成人機會有, 外國人就得5%有! 你做o左唐氏結果點?
我: 無收到通知, 應該無問題!
醫生: 咁就唔使擔心, 跟據你年齡同埋照出o黎BB其他結構都無問題, 唔使擔心, 不過當然唔會話你知係唐氏o既機會係0%啦!
再繼續照, 照到中段, Koey開始悶, 問幾時照完幾時走得!!
照到尾聲...
醫生: 咦, 胎盤有少少低, boundary case啦, 有機會會出血, 到時留意住就得, 去到後期會好d!
我: 哦~~ (因為有朋友試過類似case, 所以我都知後期會升番上去, 無咁擔心!)
醫生: 臍帶出口唔係中間喎! 嗱, 平時臍帶出口多數會係胎盤中間o既, 你而家就去o左側邊!
我: 咁會點o架?
醫生: 有機會影響BB吸收營養, 同埋順產時姑娘扯個胎盤出o黎時, 有機會扯斷臍帶留o左個胎盤係入面...
我: 咁就要挖...
醫生: 係呀!
我:...生細佬時試過留o左胎衣係入面要挖, 仲痛過生...
胎心鈣點、臍帶出口問題、胎盤低...雖然佗Koey Kobe都未遇過呢幾樣問題, 但聽醫生語氣似乎都唔係咩大問題, 加上當時未完全消化d資訊, 我o地3個就開開心心離開診所喇!
Confirm係妹妹呀, YEAH!
夜晚...
估唔到, 呢晚發夢成晚都諗住臍帶影響吸收件事, 猛諗住第二朝要睇番Koey Kobe以前照結構d資料, 要對比下大細...原來唔掛唔掛, 始終都係心掛掛...
第二朝一早, 第一時間搵番Koey Kobe照結構d data望下, 原來Koey 照結構時有15oz, 即差1oz就有1磅, Kobe更加係有1.1磅重添, 細細B而家只得半磅...加上Koey Kobe一直都係中碼偏大, 今次細細B明顯偏細 (細細B預產期係20W4D, 但照出o黎大約只得19W3D...), 真係不得不令我開始擔心, 會唔會真係臍帶問題令到細細B咁細粒呢???
拎住份結構report望下, 原來Comment 寫o左一大段, Koey Kobe o個陣好順利無咩comment o架...細細B份report 大至寫o左:
Eccentric cord insertion noted...
...increased risk of asa previa, intra-uterine growth restriction and retained placenta...
...today's scan does not show any evidence of vasa previa...
...i would recommend close monitoring of fetal growth in the third trimester...
...within the left ventricle of the fetal heart there is an echogenic focus...
...caused by a small amount of calcification in the papillary muscle and will resolve during pregnancy...
...low lying placenta, recommend to assess placenta in the third trimester...
拎住呢堆醫學名詞上網搵o下資料, 點知完全搵唔到中文網頁講有關臍帶出口o既問題, 外國網站就有幾個, 好彩有Eccentric Cord insertion o既BB都健康, 咁都放心d!!! 之後再上BK試下問睇o下有無媽媽有相關經驗, 但都不得要領, 唔通呢樣o野好罕有????
無法啦, 唯有過多幾日去威爾斯產檢見醫生時再問!!
12/8/2015 (21W1D)政府醫院第一次產檢
拎住所有超聲波照片去威爾斯產檢!!! 我增重-1磅, 小便正常, 10點半去到, 等到12點有多先叫名, 入到去聽細細B心跳好大聲, 連醫生都讚!!
檢查完坐低同醫生傾!! 唔好以為第3胎無o野問, 今次因為結構發現o既問題, 我變o左問題媽媽!!!
首先問預產期!! 因為照Oscar、健康院聽唔到心跳同照結構, 都分別顯示細細B比較細粒!!!
醫生: 睇番最早張超聲波 (7周), size細唔過M期計預產期1星期, 所以唔使改預產期! (因為早期超聲波估預產期最準, 結構時係細, 但唔會拎做預產期參考!!)
姑娘即時出埋催生期約期紙俾我, 係29/12, YEAH, 即細細B點都會係2015年內出世, 唔會做大B, 即刻鬆一口氣, HAHA, 因為我一心想生細B嘛!!
之後就鈣點問題!
我: 胎心有鈣點, 咁有無問題?
醫生: 你Oscar結果係low risk, 計埋年齡同結構都無發現其他問題, 所以無問題o既, 其實鈣點都幾常見!!
明白, 咁我都唔擔心!!
最後到臍帶出口問題!!!
我: 結構時照到BB比較細, 係咪同臍帶出口位置唔係中間有關?
醫生睇完我份結構comment, 似乎都唔太肯定, 睇住佢o係電腦個system度試下search 呢個term , 但搵唔到資料!!
我: 我大o個兩個小朋友都中碼偏大, 但今次咁細, 有無關呢?
醫生: 胎胎都唔同o既...不過我諗我要拎你份結構report同另一個醫生相量下, 請等等!
隔o左一陣, 醫生番o黎喇!!
醫生: 我同另一個醫生傾完, 決定安排你5-6個星期後照多次超聲波!
之後佢指住佢入晒我咁多張超聲波相BBsize o既graph...
醫生: 17周size都仲係50%中碼, 但結構跌o左落35%接近細碼, 等5-6周後照完再觀察o下BB生長情況, 同睇o下臍帶出口位置o係邊, 因為結構份report無寫低出口偏離o左中間幾多, 所以而家都未知係咪真係會影響BB營養吸收!
我: 明白! 咁其實呢個臍帶問題常唔常見, 定好少人有o架?
醫生: 其實唔係太罕見, 間中都會見到其他媽媽有呢個情況! 我o地密切觀察住BB生長情況就可以, 唔使話太擔心!
就係咁, 佢o地影低埋我份結構report我就走得喇!!!
雖然, 細細B比Koey Kobe好似真係問題多多, 但touchwood似乎都唔係結構上有大o既健康問題, 一切顧慮叫做暫時settle, 因為擔心都無用!!! 唯有5-6周後再睇o下細細B係咪真係繼續細細粒...而我就盡我所能食得落就食多少少長胎食物幫下細細B啦!!!
驚喜4D照
Koey Kobe o個陣都好少超聲波有得睇埋4D, 估唔到今次結構有得照埋!!!
呢個就係細細B喇!!!大家覺得似邊個??
醫生猛咁話個嘴仔厚, 好似爸爸!!!
醫生仲話其實呢個階段BB未長肉照出o黎先最睇得清輪kwok似邊個呢!!!
聽完醫生講, fb又多朋友話細細B似細佬, haha, 睇佢下巴尖尖長長, 又真係似細佬/老公呢...希望妹妹留番對眼似我啦, haha, anyway, 似邊個都好, 都係o個句, 最緊要健健康康!! 努力長肉呀細細B,, 加油!!!
