東京大阪親子遊2015 - 20150617 Day5: 黑門巿場 & 大阪今昔館

訓醒覺, 展開大阪之旅喇!!

之前一日買便當時眼闊肚窄, 食剩o左呢個做o左呢朝早餐!!

呢個盒會自動番熱, 都幾有趣!!!

個牛幾好味, 不過得幾塊少d, 咁就要1400yen一盒有d貴!!

細佬成口牛肉!!! HAHA

由於一朝早未有胃口, 最後都係食o左d餸就算喇!!

百厭星們o係度爬木門, 真係怕佢o地會整爛呢!!!

9點幾, 出發!!

出門口時聽到隔o黎房傳o黎廣東話, 原來o係另外兩家香港自遊行, 佢o地都係帶住小朋友o黎玩4日, 不過呢日已經係最後一日喇!! 佢o地知我o地剛到埗, 好好人咁指示我o地黑門巿場方向!!!

呢日天氣麻麻, 間中有毛毛雨!

今日Target o既行程全部o係同一條Metro線(堺筋線), 好順路: 

黑門巿場買小朋友和服 ==> 天神橋筋六丁目站o既大阪今昔館 ==> 扇町站o既Kids Plaza Osaka ==> 南森町站o既貓頭鷹Cafe

原本諗住慳時間, 於是一開始就拎住上網搵到o既賣和服店地址問當地人, 不過好可惜, 雖然日本人好熱心想幫我o地, 但問極都無人知, 最後仲兜遠o左運一大場吉先見到'黑門巿場'四個字!!!

剛好呢度行入去就見到朋友推介我要食o既'黑銀'魚生店, 可惜佢今日無開門!!!!

咁辛苦行到o黎, 影張相留念先!!!

行到入黑門巿場, 我同老公子就被沿路o既美食吸引o左喇!!!

首先吸引食肉獸老公注意, 就係呢間賣牛肉o既舖頭!!!

老公子揀o左2500yen/100g呢隻!!

我開頭仲怪老公子揀咁大塊!!

雖未至於入口即溶, 但都幾好味!!!

食肉獸細佬不停叫食!!!

最後'ja'一聲食晒, 老公子仲話其實可以買多D!!

不好肉o既Koey就買o左豆漿飲!! 好濃, 唔甜, 似乎無加糖, 感覺幾健康!!

之後見海膽大大隻, 又試下!!

小朋友對海膽刺有興趣d!!

我食o左少少, 唔係想像中咁好味!!

山珍海味再好味, 小朋友都係覺得'獅子狗'好味d!!! 一人一條食得好滋味好開心!!

行o下行o下, 終於搵到間和服店!!! 

放門口o既小朋友和服只係1580yen, 款式唔多, 但真係好扺!!!

好似真係識揀咁!!

合細佬Size o既男仔和服得1, 2個選擇, 最後揀o左呢件試身!! 大少少, 但唔拖地都OK!!

Koey 就自己揀o左呢件藍色和服, 好sharp好靚!!

買完和服, 時間已近中午, 醫肚先!!

揀o左呢間玉五郎!!

由於之前o係街食o左唔少o野, 我胃口唔好, 只叫o左2碗!! 一碗湯麵一碗沾麵!! 

d麵質好粗好彈牙, 正!! (呢間係老公子全種最鍾意o既拉麵店!)

食完去今昔館進發!!!

Koey要幫手買飛!

車程唔太遠, 好快就到喇!!

因為無買周遊券, 所以要買飛!

先去頂層高空睇o下個館幾大!!

同一時間, 幫Koey Kobe換埋和服!!

入到館見到換和服o個度好多人坐晒o係度, 我以為o係度等就得, 點知等o左5-10先發現唔對路, 叫老公入去睇o下, 原來'排隊'唔係就咁排, 而係要'襟飛'輪籌o架, 我o地就咁白白浪費o左10min, so stupid!!

大人未有和服換, 唯有幫小朋友影o下先!!!

呢度有堆日本古時小朋友玩意, Koey Kobe猛咁搞搞震!

咦, 咩事?

原來館內每隔一段時間就會轉做夜晚場景, 所以變o左藍天空同黃光!

因為太暗影相唔太靚, 開始周圍睇o下不同和屋內o既室內佈置! 呢個屏風幾靚!

仲有煮食地方!!

打水!!

勁專心咁煮呀煮!! 好似真o既咁!!

不停話煮辣o既o野俾爸爸媽咪食!! 真有爸媽心, HAHAHA!!!

煮完飯又變番日照場景, Good, 幫小朋友影多d靚相先!!!

Kawaii!!!!!!!!

無啦啦Mou係度!!

勁難叫細佬企定擺pose!!! 好彩呢張都唔錯!!

假狗仔!! 

跟住有個職員叔叔主動走埋o黎俾o左把好靚o既粉紅色扇Koey, 原來係借俾佢影相呀!! Koey有得玩扇好開心!!!

睇o下!! 有把扇點綴o下又真係幾有'和'味, HAHA!!

頭先煮飯話打水, 呢度真係有個假井, 正好又解釋o下以前d人點拎水o黎用!!

家姐獨照易影, 細佬就難度高d喇!!! 最靚應該係呢張!!!

後面有兩個韓女自拍中!! 佢o地同另外幾個韓國人之後猛咁同Koey Kobe影相, 大讚佢o地'可愛'呢!!! (全場著住和服又咁細個應該係Kobe, 所以特別吸睛!!)

古古惑惑!

全場行完一圈仲有排都未到, 老公子自娛中!

小朋友又學, 但'卜'到頭好痛呢!!

邊位呀?!

又到夜景, 天幕有'假煙花', 但都足夠吸引小朋友注意喇!!

由於實在等得太耐, Kobe又到午睡時間, 佢開始扭眼訓要坐番車仔喇!!!

點解咁開心?

因為苦候多時, 我同老公子終於終點在望!!! 可以換和服喇!!!! 等o左差唔多2個鐘都有!!!

我o地剛換完衫, 又撞到頭先圍住Koey Kobe狂影相o既韓國女士, 佢好熱情咁特地o係手袋搵朱古力同糖果分俾小朋友, 真係好nice, 多謝晒呢!!!

Yeah, 終於我都著到和服, 可以同koey一齊著靚靚喇!!!

超鍾意呢張合照!!!

爸爸登場!! 可惜Koey手震!!

大家留意到嗎?? 其實當時已經有o左細細B 3個月喇, 著和服姨姨都有出聲問我, 所以幫我縛高d條腰帶唔好qoo住個肚!!!

全家靚靚和服look!!!

細佬好似美人魚, HAHA!!

其實我都知小朋友影相影到悶, 所以呢度我係打算影獨照o架, 但點知小朋友專作對, 係都要做攝石人, 叫極唔肯走!!!

終於有張獨照喇!!

又攝過, 但有望鏡頭笑, 算你o地啦!!

叫Koey影, 細佬又叫極唔走... 本來呢張同老公子二人合照都幾靚嘛...俾攝石人破壞o左添!! :p

呢張幾靚, 可惜細佬露o左褲仔!!

呢張細佬好正經呢!!

自拍!

老公子獨照!!

攝石人又出現!

唔該晒Koey, 呢張無手震呢!

笑得好勉強!!

Kobe直頭捉都捉唔住, 唔想影!

好彩Koey肯影!!

指住細細B!!

影完相走喇, 多謝Koey Kobe陪爸媽等o左咁耐同影o左咁耐相, Kobe係時候訓喇!!

再落一層有個細展館!

走喇!!! 早一日o係淺草買o既人形燒出場, Koey好鍾意!!!

回程!!

本來想去o既Kids Plaza Osaka close 5點, 我o地離開今昔館都4點幾5點, 所以一切行程都無法再去喇, 加上等到大人都攰, 所以決定直接坐番去日本橋站去黑門巿場買d生果外賣番酒店算喇!!!

買o左桃, 蜜瓜同巨峰提子!

又掃街!

燒帶子!!

味道一般!

呢度有個升降機停車場!! 其實香港地方都好細, 點解香港又無呢類停車場o既?

無咩外賣選擇, 求其揀o左間壽司店!

由於即叫即整, 等o左好耐都未有外賣拎...小朋友們悶到飛起!!

好彩仲有兩個人形燒頂住!!

仲有呢盒甜o野!!!

賣相又唔錯呢!! 但我老公見到就怕o左!! 味道OK啦, 一般糖果咁, 我同Koey Kobe當然唔抗拒!!

終於拎到外賣走得!! 縱橫交錯o既電線, 點解日本咁整潔, 但又會容許呢d天線周街都係? 香港街道污漕, 但唔會見到通街天線...呢d係日本特色嗎? 

今日轉房, 係全程最大一間!

入o左門口仲有條長廊!!

長廊盡頭係Foyer位!

到房間喇!! 又唔係想像中咁大, 同尋晚o個間其實差唔多!!

睡床位置!

大家可以睇片行轉tour睇下間房有幾大!!

番到酒店6點左右, 時間尚早, 又同Koey Kobe著o下和服影下相!!

咁樣坐埋一齊Koey 好似細粒o左咁, 好可愛!!

細佬唔肯著和服影, 急不及待想開o野食!!

就係買o左呢兩盒外賣喇!!! 事隔太耐唔記得幾多Yen添, 但好似都唔太平! 至於味道就一般啦, 可能外賣始終味道會差少少!!!

壽司搭杯麵, 正, HAHA!!

真正'杯'麵!!!

咖喱杯麵, 我一人獨享!! (老公子pei視我去旅行食杯麵, 寧願唔夠飽都唔肯食!)

飯後果: 巨峰提子+蜜瓜!!

兩樣都唔係想像中咁正, 但當然都唔太差啦!!

Koey食得好滋味!!

食完玩扭蛋番o黎張貼紙!!!

張貼紙又幾靚喎!!

沖完涼小朋友都攰喇, 9點左右訓晒!!!

老公子又一個出去周圍行買外賣!!

買到成枱都係, 好豐富好正呀!!!

因為上次東京食完覺得好正, 今次特地叫老公子再買, 但呢間唔係太好味, 太林bet bet!!

呢間炸雞就正喇, 特別係右邊o既炸雞軟骨, 大大件好有咬口, 老公子大讚!!

背住小朋友食宵o野真係寧捨好味!!! 呵呵!!!

(後記: 事隔3個月先出到大阪行程遊記, 開始唔多記得, 大部份'看圖作文'...嗚...後面幾日遊記唔知幾耐先出到, 希望細細B出世前完成到啦, 如果唔係可能都唔會出到喇...)