又一日喇!!!
每朝我起o左身, 細佬就任意旋轉, 訓到打風咁!
一朝起身就係大房度玩!!!
呢日早少少起身, 因為要坐火車去有少少遠o既奈良睇鹿!!! 去到車站買完票先見到講普通話o既職員, 我o地問佢買o既票係咪去到奈良, 佢答: 是的, 但只是比較貴而宜...
原來我o地買o左特急車, 比普通車快少少但就貴成倍...HAHAHA!!!
特急車月台一個人都無, 我有理由相信我o地'包車', 咁貴一倍包晒成架車都扺呀....
對面月台好多學生哥, 似乎都係去到奈良o既....
咁我o地呢架車d位又靚d o既...
因為係特急車, 所以車程只需大約40分鐘!!!
呢日天氣麻麻o地, 落住毛毛雨!!
小朋友無無聊聊, 一早就問我要糖!!
沿途見到唔少好似大雄住o既屋!!
接近奈良, 仲見到田添!!!
好大座廟, 唔知係咩o黎?
到o左奈良車站, 一出火車站就見到巴士, 之前上網搵過知道應該有巴士可以入到去奈良公園近春日大社附近, 點知雞同鴨講下都係溝通唔到, 最後唯有照上車!!! 點知架車只係轉過彎就叫我o地落車, 雖然有教我o地向邊個方向行, 但要行至少10min, 車錢仲要250yen, 真係肉赤到不得了!!!!
另外, 我o地一落車, d毛毛雨就越落越大, 為o左小朋友唔好淋親, 唯有出動雨檔笠實車仔, 搞到細佬被困車仔無得睇鹿!!!
呢度望入去一大片草地, 應該就係奈良公園, 真係見到好多鹿o係草地上, 但奈何雨都幾大, 地面好濕, 所以都係無行入去睇!!!
好彩附近都有幾隻鹿仔, 好靚呢!!
Koey見到鹿都好開心!! 不過可能大人都唔係太敢接近動物, 所以Koey都驚驚o地!!!
相機影出o黎天好光咁, 但其實天色好陰暗o架!!!
用大機...自己又唔識用, 但又貪大機畫質靚d...結果就係好易out focus...
見到烏鴉, 起級大隻!!!
同鹿鹿影o左咁多相都無被困o既細佬份, 好慘!!!
影完, 我o地就跟住大路行, 但沿地濕濕立立仲要好多沙石, 推住車仔好難行!!
好辛苦咁行o左半個鐘 ...明明話行10min, 唉....但落住雨加埋沙石, 結果行o左咁耐, 真係浪費唔少時間, 仲要辛苦老公子抬車仔上落樓梯!!!
終於見到賣鹿餅o既小食亭同見到有遊客餵鹿, d鹿真係好為食, 即刻圍住爭食呢!!!
幫被困o既細佬B同鹿鹿影相...
開始接近春日大社, 不過我o地見到條大樓梯就決定放棄喇, 都係專心一意搵水谷茶屋影o下相好過!!!
老公子用電話查o左點行, 我o地就離開主要遊客群, 一家四口沿小路慢慢繼續行喇!!!
見到d許願木牌, Koey笑得好甜呢, 因為佢許o左個同青蛙有關o既願(唔記得exactly係乜)...HAHAHA!!
呢個時候無乜雨, 路上又無乜鹿同其他人, 決定放細佬落地周圍行o下!!!點知...
可能太心急喇, 結果趴o左落水tum, 成手同膝頭都係污泥, 好彩佢無喊同附近有水可以洗一洗!!!
叫佢o地玩敲鐘, 本來都仲興高彩列!!!
轉個頭呢條大繩敲到細佬個頭再唔知點樣整到家姐, 兩個小朋友就爆喊收場...
之後慢慢行, 沿路都見到鹿睇下!!
行o左都唔算太耐, 終於見到佢喇!!!
水谷茶屋!!!
之前搵資料已經覺得呢度充滿日本風, 一睇就愛上, 所以帶住小朋友o黎奈良除o左睇鹿外, 就覺得一定要o黎呢度, o個d東大寺, 春日大社統統都可以唔去, HAHAHA!!!
咁辛苦先o黎到, 當然要影番多少相留念!!
影夠相, 係時候lunch!!! (你話喇, 一朝入到奈良除o左淋雨行山就好似乜都無做過咁, 有時自遊行就係咁, 唔好彩o既真係浪費好多寶貴時間!!!)
茶屋室內都幾別緻!!!
甜品最好味, 其他普普通通啦!!
細佬好似好正經咁, HAHA!!
食到成嘴芝麻!!
之後我食完先, 我就出去再影o下呢個靚景, 老公子就服侍兩位小主人繼續食!!
周圍都好靚!!
忽然有隻鹿經過, 同水谷茶屋一齊影好靚呀!!
有班日本學生經過!
老公子同小朋友都食完喇!!!
大家睇得出呢幾張有咩唔妥嗎?? 你知唔知我睇相時真係有少少想喊!! 老公子o既攝影技術絕對有能力浪費一切美景(&美人)囉!!!!!!
好彩都唔算張張都咁差o既....
都係自拍穩陣D....
影完, 要走喇!!!
我o地又行番去賣鹿餅間小食亭, 為o左俾個機會小朋友餵鹿, 我o地決定買鹿餅!!!
老公子都未買, d鹿鹿已經吼到實!!
係度扯老公子個袋!
d餅到手, 鹿仔們都等唔切, 一湧而上!!
結果嘛...老公子都未有機會走出鹿群俾d 餅餅小朋友試餵, d餅已經被搶晒...
細佬好勇埋到爸爸身, 但都無機會餵到餅餅...
結果小朋友都係無得餵...仲因為怕d鹿以為我o地仲有餅, 為安全起見, 都係抱起Kobe仔!
試下摸~
個肚好大咁~~~HAHA!!
之後我o地就坐shuttle 出番去奈良近鐵站!!! 我o地諗住有時間, 諗住行o下大街, 點知又行錯o左...
呢個妹妹仔心情好靚!!
大個o左都要拖住我去旅行呀, 知嗎?
行到咁上下先知唔對路, 又行番去車站, 見到兩個著住梳衣o既和尚???
呢條先係旺d o既街!!
細佬呢個時候捱唔住訓o左, Koey就自己揀donut食!!!
正!!!!
奈良吉詳物!!!
事前o係網上話推介o既奈良大佛布丁!!!
回程lu!! Koey仲係心情好靚, 一d都唔攰咁呢!!
Koey影o架!!
拎番之前抽o既扭蛋貼紙又自己玩一餐!!!
好喇!! 番到酒店, 今日又換房喇!!
呢間房係幾日以o黎最細一間, 但都已經有足夠空間!!! 老公子反而最鍾意呢間房, 其他房有點大而無當喎...
由於未夠時間出去食飯, 於是係酒店食下小食休息o下!!!
大佛布甸, 我o地揀o左Sake 味, 綠茶同原味!!! Sake個味好濃酒香, 最正, 可惜我唔敢食太多!! Overall 三雙味都唔錯, 又濃又滑, 的確值得推介!!
有奈良鹿鹿公仔o既餅仔!!! 其實個餅無乜特別, 但係小朋友K.O.得好快!!
休息完, 我o地行出去道頓堀周圍睇o下!!!
好多帽呀!!! 我不嬲愛戴帽, 所以一早諗住買番頂俾自己做手信!!! 結果平平o地1500Yen都有收獲, 買完出o黎先見隔離舖仲多選擇, 差d 泵心口, 好彩發現隔離舖一頂帽價錢係我買呢間3倍(當然係靚d o既), 即時下o左啖氣, HAHAH!!
又集到青蛙蛙郵喇!!
呢幾張自拍好靚呀!!!
呢度果然幾多美食, 度度都好似幾吸引, 但又度度都好似差唔多, 都唔知點揀!
到o左必影旅遊景點!
見到條金龍喇!!! 我媽推介話要食!!! 不過老公子一心諗住今晚食燒肉, 所以好想留肚, 同埋佢早一晚行過見呢度成條街有幾間金龍, 都唔覺好多人, 成日覺得應該唔會太好味而唔係太想試!!!
當然, 最後都有買o左一碗試o下!! 試o下最平最簡單o既款式!!
味道唔錯, 勝在夠平, 性價比高, 不過老公子就覺得普通, 猛咁話俾著佢唔會試!!
其實o係金龍叫麵食時仲發生o左d插曲, 就係我o地一貫好似o係香港咁搵o左位先叫o野食, 點知俾個識講國語o既職員叫我o地要買o左食物先俾搵位, 當時我已經話'我老公現在排隊買食物中', 但個職員仲係好insist唔俾我o地繼續坐...當時都有d尷尬o架, 因為周圍枱d人都因為咁眼望望, 而我o地的確係未有食物但就坐o左o係張4人枱度, 但明明老公子都就買完麵, 我唔想一行開無o左個位小朋友無得坐下休息, 再加上覺得自己肚突突, 其他人應該會體諒我吧, 雖然我已經因 此唔敢坐...結果呢漫長o既幾分鐘終於完o左, 食物到我終於夠膽坐低食, 職員亦無再話我o地喇!!!
另一段插曲, 就係老公子去排隊買食物時見到有個內地遊客用食用中o既筷子去夾公家用o既調味料, 結果俾職員發現, 職員頭擰擰好不滿咁將成兒調味料倒o左落垃圾筒...老公子猛咁話咁樣真係好失禮呢!!!
食完麵繼續掃街!
試o左雞軟骨同鴨腎?? :p已經唔多記得lu!!
最後行到河邊見到有間賣燒墨魚丸好多人排, 於是我又想食, 叫o左老公子去排!!
呢兩個小朋友太悶自娛中!!
等o左15min吧, 終於有得食, 正想自拍時有個叔叔主動話幫手影!!! HAHA, 原來影埋小朋友o架!!!
不過, 雖然都好多謝好心叔叔o既主動, 但其實影美食, 我同老公子都係覺得自拍好玩d!!! :p
呢盒墨魚丸都唔錯, 不過好似都係東京老公子買o個盒宵夜墨魚丸好味d!!
食完小食, 又周圍行!! 家姐行o左太耐好攰, 話要同細佬掉轉位置!! 細佬又好乖咁拖住家姐行!!
經過夾公仔舖頭, 一於玩番轉, 睇o下夾唔夾到d咩俾小朋友開心o下!!
爸爸努力中!!!
可惜, 玩o左幾次都係乜都夾唔到, 最後都係放棄喇!!! 好彩小朋友們都無死lur一定要夾到o者!!
之後搵路去今晚食燒肉o既店舖喇!!!! 由於老公子早一晚出o黎買宵夜時路經呢間店book位, 所以佢認得少少路, 點知...由天光行到天黑行o左好耐都未到, 最後我o地唯有問人...
o個位日本叔叔好好人, 帶到我o地行o左超過5min到去'法善寺橫町' 先走, 但老公子仲係以為自己無記錯路, 唔信叔叔, 襯叔叔走o左又帶番我o地行相反方向, 結果...當然係運o左一場大吉啦...
終於...終於老公子都係醒覺自己搞錯, 最後又行番一大段路去番叔叔帶到我o地去o既'法善寺橫町', 當時個天都幾暗喇, 仲開始落幾密o既毛毛雨...
原來間舖就o係呢條橫丁o既出口側邊...
為o左'紀念'老公子帶住我o地一家4口運大吉, 罰老公子一個人同呢條街合照!!!!!!!!!!!!!!
呢度就o係橫丁入口側邊o既燒肉店...
對面有間裝條好特別o既舖頭, 但運完吉實在太攰, 都無走埋去八卦o下係咩o黎喇!!!
因為早一晚book o左位, 所以入到去就有房喇, 太好喇, 終於可以坐o下!!!
同爸爸合照咁正經, 同我合照就手舞足蹈!!
老公子食肉獸上身, 負責點菜!!!
Yeah, 有得食喇!!!
d肉都幾嫩幾好味, 價錢相對上又唔係太貴, 的確係幾扺食o既!!
唔好肉o既Koey食o左幾片肉就停喇, 之後不斷食配菜!!
食肉獸個仔食肉Kobe當然同爸爸一樣, 無肉不歡!!! 係咁食肉, 好滋味!!!
食到咁上o下小朋友又開始要郁動o下, 齊齊mark口睇睇, 一個係菜一個係肉, HAHA!!
燒洋葱好甜, 可惜亦帶辣, Koey食唔到, 老公子就大讚好味!!
小朋友睇咩呢?
原來又發現青蛙!!!
當然又要集o下郵啦!!
食到肚滿腸肥喇, 最後Order多碟腸腸俾小朋友!!!
Kobe好似未夠喉咁又食過, 真係佩服, 絕對有繼承爸爸o既能力!!
食飽飽休息夠, 小朋友又叉滿電係度唱歌仔喇!!!!!!
食飽走人!
路經扭蛋, 難得睇中想扭o既, 但可惜俾扭蛋機食錢...激氣!!
又經過必影景點, 雖然都有雨, 但夜景又有夜景靚, 冒住雨都照影!!
為影相, 雨傘都唔拎喇!!! HAHA, 睇o下個地下幾濕, 真係有雨o架!!
番到酒店小朋友涼都未沖就掛住食珍寶珠...(話時話, 事隔太耐, 我都忙記o左呢兩粒珍寶珠o既來歷喇!!)
沖完涼舒舒服服食飯後果!!! 個桃都幾多汁, 不過唔夠甜, 味道清o左d!!
行o左好多冤枉路o既一日, 特別辛苦晒Koey呢!! Goodnight!!!
