話咁快32周喇!!!! 肚皮又圓又大但個人又未水腫, 又係時候影靚靚大肚相喇!!!!!
未睇細細B Kodi呢輯, 先回顧一下大肚皮第一第二回d 靚相先! 去相:
Koey呢輯相自己o係屋企set機影, 執埋相都幾滿意o架!!!
wow, 大大話話4年前有多, 自己睇番都覺好青春, 同埋原來佗Koey個肚好似好細呢!!!
上面呢兩張係Kobe o既, 當年無自拍, 就咁團購再加錢o係Studio影, 不過比較大路, 講真, 唔係太喜歡咋!!!
由於成日諗住今次係最後一次, 室內自拍同Studio都試過, 所以最後一回大肚皮決定豪一d, 俾錢搵公司去室外拍Family Photo, 雖然下星期生日先影, 但都已經好期待!!!
不過, 由於無諗住o係室外打出個大肚皮影, 所以早兩日襯小朋友出晒街, 我都係忍唔住o係屋企set機影o左少少大肚相, 雖然好似都係Koey o個次影得靚d, 但都唔錯, 總之好過Kobe o個次啦, 大家又覺得如何呢?
去相:
呢張型嗎?
其實我幾鍾意, 不過, 係因為唔見樣所以先鍾意!!!
本來試下著皮褸諗住型d, 但影o左廿張睇見自己個扮cool樣都係頂唔順, 最後只係執o左呢張唔見樣o既先敢post...HAHA, 睇o黎大肚相都係適宜Warm d唔適宜Cool o既feel...其餘皮褸造型都係唔獻世好d喇!!!
另一個白衫造型大路d正常d, 我都幾鍾意, 懷孕應該都係o岩呢d白淨溫暖feel, 大家話係咪?
因為係自拍, 加上屋企睡房地方有限, 下面o個d相其實變化唔太多, 不過都算影得唔錯, 我自己就幾滿意喇!!!
再去相!!!
大半身look!!! 地方有限, 無影全身喇!
個肚好圓呢!!!
黑白效果都唔錯呢!
特登買定俾細細B影初生相用o既羊B帽仔!! 好可愛呀!!
兩個巨肚, HAHA, 影出o黎幾有壓迫感效果呢!!
Update @36wk:
Kiss from Koey~
Kiss from Kobe
期待下星期我生日去戶外影Family Photo呀, 到時收到相再share俾大家睇啦!!! YEAH!!
沒有留言:
張貼留言