好喇, o黎到第7日喇!!!
細佬一早已經碌o左去床尾訓...真係爛訓豬仔呢!!!
呢日雨紛紛, 本來plan o左去比較遠o既萬博紀念公園俾小朋友玩o下d香港好少見o既戶外遊樂設施, 但天雨關係, 最後都係放棄o左...所以呢日我o地就有時間, 去番早兩日去唔到o既Kids Plaza Osaka同貓頭鷹Cafe喇!!!
由於都有d雨, 我同老公子決定行地底坐地鐵, 點知我同老公子都好stupid, 結果俾地圖亂點亂行一通下, 行o左成個鐘先到本來o係地面只係10分鐘路程都無o既堺筋線車站...唉...
好鍾意呢張相, Koey Kobe好似互相扶持緊咁!!! 條樓梯咁長, 全程都係家姐拖住細佬上o架!!!
兜o左一大輪都仲係o係酒店附近, 實在太stupid, 都係買個早餐食下先!!
終於終於, 我o地去到Kids Plaza Osaka喇!!!
遠望有大型遊樂設施, 可惜個地好濕, 無得玩!!!
去到無乜人!!
門口有哈哈鏡, 爸爸同Koey玩得好投入!
仲有呢個, 有班學生正o係度觀賞緊!! 我o地就襯d學生未同我o地迫lift, 先行一步入場喇!!
原來呢度同香港科學館都幾相似, 不過d遊戲就更適合小朋友, 設計得更有趣!! 好似呢個講磁力o既, 一唔踏單車無磁場個頭上面d頭髮就磁唔住甩到跌落地, 好搞笑呢!!!
呢個介紹動畫製作!!
畫o左Koey 最愛!!!
去片睇睇動畫效果~~
不同顏色青蛙不停轉, 都幾靚o架!!!
呢度玩碌波波~~~
其實係講地心吸力~~
見到'疑似'青蛙, 係度要影...乜真係咁得意咩??
有八爪魚~
仲有少少魚~~~
好似真係仲有細青蛙, 但lei埋o左無影到!!!
同香港科學館一樣, 有得玩吹泡泡!!
呢個幾得意, 可以成個企入波波入面!! 以前香港都有, 而家無o左!!
自己拉起泡泡幕, Koey一口氣就吹o左個波出o黎, 好勁!!!
成個波飛o左出o黎!!!
爸爸想學Koey, 但吹極都爆!!!
再落一層, 就係上網搵資料成日見到o既場境!!!
呢度有大型傳音筒, 都幾好玩, 因為夠晒遠!!!
唔記得睇咩~~
來自世界不同地方o既樂器!!
有不同國家o既民族服試穿區, 但小朋友同我o地都無咩興趣, 所以無玩喇!!
有好多不同大小o既陀螺~
輪椅睇驗!!!
呢個其實唔係遊戲, 但我覺得好有意思, 可以俾小朋友體驗坐輪椅上落地鐵有幾咁唔方便, 等佢o地體驗到傷健人士平日有咩困難, 見到佢o地時就應該要禮讓同提供適當幫助!!! 當然, 體驗過同我解釋完後, ...明唔明真係要睇小朋友自己喇!!! (由於Kobe唔夠高無得玩, 佢好想爆喊, 好彩職員最後都容許Kobe用腳行入假地鐵車箱, 叫做滿足o左Kobe!!)
呢個類似'瞎子摸象'o既遊戲, 又係等小朋友可以體驗o下失明人士o既感覺, 都唔錯!!
終於落去玩喇!!
呢度好多樓梯, 行上行落小朋友好似去o左遊樂場玩咁, 好開心!!!
過透明橋!!
滑上滑落~~~
其實都幾斜o架!!!
呢條由3樓滑到1樓o既梯好似好正呀!!!
Koey有得玩!!!
Kobe無得玩, 又喊...好慘呀, 成日因為高度無得同家姐一齊玩剌激少少o既玩意!!!
有個傻妹自己係都要爬, 但爬o左上去唔上唔落就爆喊!!!
呢個攀石都幾高幾斜!!
但細佬竟然都爬到, 勁!!!
體力勞動完, 開始o係最底層玩o下role play遊戲!!
去超巿買o野~~食品種類好多, 好得意呢!!
排隊俾錢!!
自助嘟嘟機俾錢, 仲有得印埋張單出o黎, 真係好得意呀!!!
玩完呢個坐低休息一陣!!
有青蛙BB椅, 又集郵先!!
食o左d餅餅, 休息完, 又玩過!!!
呢度扮家庭主婦打掃屋企同湊BB!!
扮水喉匠~
扮理髮師傅~
爸爸好嬌俏呢!!
扮警察叔叔~~
o係站崗出勤中~
之後扮郵差~~
細佬唔識玩, 但Koey就玩得好投入, 都幾稱職o架, 派得晒職員俾佢o個6-8封信到正確郵箱中!!!
完成任務, YEAH!!
YEAH!!!
呢度仲有幾個檔口俾小朋友賣唔同o既美食!!! Koey賣緊三文治~~
細佬做壽司師傅!!
Koey住烏冬拉麵~~
細佬整墨魚丸!!
好認真o架!!!
d 玩具像真度幾高, 真係可以令小朋友玩得投入好多, 係好好玩o既role play設計呢!!
玩o左2-3個鐘, 係時候走喇!!! 我o地落o左一層去o左個無乜人o既地方~~
有個大screen玩平衡遊戲, 但唔係好識玩!!
小朋友發現電視播緊Thomas, 即刻好專心企定定睇!!!
仲有呢個玩意, 但唔識日文睇唔明做緊乜~~~
臨走, o係雪榚機買o左兩個雪榚食, 好味道!!
之後我o地就坐Metro去搵貓頭鷹Cafe喇~~~
出o左Metro行一陣就到, 都幾易搵!!!
原來呢度要預約, 我o地去到時2點幾, 預約3點就有位!!
之後我o地o係附近行o下睇o下有咩食!!! 因為我o地未食Lunch o架!!!
但可能呢區唔算遊客區, 食肆呢個時間都無乜人或未開, 就算有開又無外賣...
最後我o地都係求其買o左呢個燒餅頂肚餓算喇!! 好彩呢個燒餅都算幾大個, 味道其實應該係普通吧? 但可能因為餓啦, 當時覺得都幾好味呢!!!
小朋友們都好肚餓喇!!!
食完o野差唔多3點, 入得Cafe喇!!!
我o地呢個時段入去o既多數係香港人, 都係幾pair情侶咁, 一家大細得我o地!
Cafe職員先講解注意事項!! 教大家點樣摸貓頭鷹頭仔示好!
埋邊呢一堆好似石像咁唔多郁o既貓頭鷹全部唔掂得!
講解完畢可以去親親貓頭鷹喇!!!
Koey膽細, o係我捉住手仔下先敢掂貓頭鷹~
細佬無表情, 其實佢比家姐大膽d!!
呢隻全場最大, 但亦最乖, 任影任摸都唔郁o架!!
最大o個隻唔拎得上手, 但其他都拎得!
呢隻全場最細隻, 但Koey都係唔敢俾佢企o係手或膊頭!!
相反, 細佬就夠膽喇!!! 貓頭鷹拍晒翼Kobe都唔算好驚, 企定定!!
睇o下Kobe仔幾啖定!!
拍翼時合埋眼仔, 但都無話驚到叫或喊, 算叻o架喇!!!
之後到我同貓頭鷹玩喇!!
老公之後拎d大隻d o既!
之後呢隻好似係最大隻o既, 因為d爪好勁, 要戴皮手套!!
好威武咁呢!!!
因為太大隻, 我唔敢拎, 唯有自拍!! 不過老公子都話佢好重, 所以影一陣都要放番低喇!!!
之後到呢隻白色貓頭鷹, 佢個樣同其他唔多同, 好靚呢!!!
好似話得幾個月大, 係BB o黎!!
細佬開始眼訓, 唔肯再掂貓頭鷹喇!!!
最後全家再同貓頭鷹合照!!!
呢隻好型~~~郁都唔郁o係一邊!
飲完Cafe包o既每人一杯飲品後, 仲有每人一個貓頭鷹環保袋仔送, 我o地剛好要晒4個款式!!! 我同Koey再每人睇o左一件貓頭鷹飾物同一個磁石, 玩o左接近一個鐘要走喇!!!
成個貓頭鷹Cafe體驗, 我同老公子都覺得好有趣, 但觀乎小朋友o既反應, 似乎就唔多識欣賞, 睇o黎o係小朋友心中, 呢個都算係全程唯一一個令小朋友失望o既親子節目吧?!!
細佬離開Cafe無耐就謝o左喇!!!
之後我o地又番去黑門巿場買o下o野~~~
買生果~~~
掃小食!! 因為我o地今日其實無食過正餐呢!!
關東煮有咁多丸, 小朋友實鍾意!!
再一次經過黑銀, 但仲係無綠食, 因為佢已經收舖中喇!!! 我o地唯有o係店外買盒外賣番酒店算!! 希望聽日最後一日有機會食到啦!!
我o地順便問黑銀老闆點去最近Big Camera, 老闆超級好人, 畫晒紙仔指示 方向教我o地呢!!!
又經過呢d停車場, 真係唔明香港地少人多, 點解又無呢d停車場出現??
行o左一大段路, 終於去到喇!!!
其實都幾辛苦d小朋友, 因為Big Camera呢度好多人排隊俾錢, 佢o地又餓又行到攰, 猛咁話走但又走唔到!!!
購物完, 終於番酒店喇!!! 今晚食酒店o既晚餐, 所以唔使再出街, 可以好好休息o下喇!!!
黑銀買番o黎o既Tuna sushi , 唔錯, 但可能我o地行街行得耐, 點都打d折扣!!
小朋友食得好開心, 因為好餓吧?
之後, 酒店職員入房擺放晚餐喇!!! 成台都係, 好豐富好吸引咁呀!!!
d美食咁精緻, 當然要花少少時間影相啦!!!
我o地仲特登換埋和服/谷衣影o架, HAHA!!!
認得呢張相嗎???
HAHA!!! 無錯!! 就係我要宣布佗第3個BB o個張!!!
影完!!
開餐喇~~~~
食完仲有飯後甜品!! 個藍莓Cheesecake味雪榚無人欣賞, 益晒我, HAHAHA!!!
之後食飯後果!!!
呢個哈密瓜o係黑門巿場買, 唔知甜唔甜呢?? 由於我o地無工具開瓜, 所以要麻煩一下酒店!!!
等o左老公子好耐仲未同個瓜番o黎, 咩事呢???
嘩, 個瓜開完擺到咁靚o既??? 原來酒店服務體貼到問我o地分幾多份, 仲畫埋圖點切, 最後排到咁靚先俾番我老公!!! 唔怪得咁耐啦!!! 但酒店呢份心思, 真係唔話得, 好驚喜!!!
Kobe: 食得未呀?
每一kai仲咁樣切埋, 方便食!!! 真係要再讚下酒店o既細心!!!
個瓜雖未至於超甜, 但好多汁, 唔錯o既, 小朋友每人都食o左2大片, 好味道!!!
呢晚一早o係酒店, 所以小朋友10點左右都訓晒, 之後老公子就出去買宵夜!!!
嘩, 好豐富呀!!!!
因為呢晚踏入20號, 係我同老公子o既結婚6周年紀念日呀, 當然要2人世界食多D美食慶祝下啦!!!
老公子大讚o既炸雞軟骨!!! 推介!!
我指明想食甜品, 老公子買o左呢個雞蛋布丁, 不過甜o左d!!!
小朋友訓晒, 我就排戰利品影相!!! 一貫地, 比起好多人, 我同老公子真係唔多好購物, 買得唔算多, HAHA!!!
好喇, 聽日最後一日行程喇~~~~~~待續...
沒有留言:
張貼留言