今日去世博喇!!!
今朝天氣依然麻麻, 好多煙霞!!
都預o左入世博會好辛苦,要食飽D先!!
落樓, 嘩, 天氣好靚呢!!
雖然我o地有3日票, 但本身個package又包o左一日票, 所以今日就用package包o既入會場!!
9點先係酒店附近一個停車長集合, 然後同其他大陸人坐旅遊巴到魯班路入口用團體發入世博!!!
團體飛係綠色o既!!!入場人龍好似好長, 但實質上大約半個鐘就入到會場, 比想像中快!!!
Yeah!!入到世博會場喇!!
傻下傻下, 我同老公子都唔知點開始好, 只係決定今日唔過浦東, 只係浦西參觀!!!
先去D案例館(巴塞隆那, 畢爾巴)!!!
大阪案例觀!!剛好預到D商務客參觀, D工作人員好有禮貌, 雖然呢個館心較簡單, 但印像唔錯!!
布拉格, 巴黎, 日內瓦案例館!!!之後去o左主題館之一o既城巿未來館!!
開羅案例館, 另一個唔記得係咩館喇!!
巴西聖保羅巿案例館!!呢個館我同老公子都好鍾意, 因為佢明顯比其他館有心思, 唔使用好高科技, 只透過簡單o既互動圖片, 但都好清楚咁表達到呢個巿點樣行一D政策去改善城巿生活!!
另外, 我老公子仲好幸運, 佢係當日第900個入呢個案例館o既客人, 職員送o左隻1GB USB俾我老公做留念 (圖右上角!)!!!
意大利博洛尼亞案例館, 深圳案例館, 利物浦案例館 (極力唔推介, 困住人熱到飛起唔俾人走, 迫人聽晒d又悶又長氣o既講解!!), 仲有韓國館 (d人排晒隊咁, 仲以為有咩睇, 原來係同虛擬李準基影合照...滴汗...!)
德國漢堡案例館!!呢個館都值得一行, 原來呢個館都唔會拆, 因為佢成座建築物就已經係體現節能o既實例, 佢成個館都唔雪要冷氣, 靠建築物料, 通風散熱設計令室內保持涼爽, 好o岩我老公子睇, 佢睇o左好耐!!!不過呢度唯一唔好係個導賞員未必個個講解詳細有條理, 個館又唔算細, 趕住趕住咁行晒5層樓, 館內一個位都無得坐, 真係腳都斷!!!
眨o下眼3點, 支力到傻o既我o地去o左小南國食lunch, 入面一個人都無, 開頭都好驚唔好食, 但又唔太差呀!!!
之後行城巿足跡館!!!同城巿未來館唔同, 呢度係講history o既!!!有好多古代文明o既展品!!其中一part每日正點會有人唱戲(右下角), 我同老公子支力到坐係度半個鐘都等, 順便休息涼冷氣, 老公子仲差D訓埋!!!
出番o黎咁o岩有巡遊, 老實講, 麻麻好睇!!! d 衫同車又殘又舊!!!
五點幾, 我同老公子都無力行喇!!!商量後, 我o地決定夜晚去排一個大館, 所以早D食野, 排隊去!!! (呢個烏冬味道OK, 但可能食完LUNCH唔太耐, 實在唔多食得落!!)
我o地要排o既大館就係佢喇: 石油館!!! (好似係每日top 5多人排o既展館之一!!)
3小時40分...??好彩, 條龍尾未至於去到呢度咁遠, 不過我諗3個鐘唔少得!!
由天光排到天黑, 由於有椅可以坐, 排隊無想像中咁辛苦, 可能仲好過係展館內不斷行行行!!!
排呀排, 終於...大門口在望喇!!!
最後, 我o地排o左3小時多d, 終於入到石油館!!!排咁耐, 其實大家都係為o左一段長8分鐘o既4D片!!!老實講, 段片的確好剌激, 不過, 要排咁耐去睇, 其實唔值...
石油館其他展覽, 但其實麻麻好睇...
入世博, 唯一一張同海寶o既合照!!!...唉, 又要厚顏同D大陸人搶位先影到...
睇完石油館已經快10點, 影過對岸見到中國館, 未來兩日一定要去影相!!!
總結今日行程: 行到腳都斷, 腰骨又痛, 仲要食無定時...究竟何苦去世博要咁痛苦呢???
