今朝坐8點機出發, 所以4點9就要起身, 5點3出門口...咁早起身, 好辛苦呢!!!
去到機場食個靚早餐, o係等老公子買o野食時, 竟然撞到以前住hall同樓o既朋友仔!!!
巧合o既仲要係佢同我同機去上海呢!!世界真小!!!佢話我無變過, 我都覺得佢同以前一樣呢!!!
食個早餐, 飛機餐, 暫下眼就到上海浦東機場喇!!!
拎完行李我o地就去坐磁浮列車!!!
好失望呀, 最快得301km/h, 老公子話高鐵都350啦...所以呢程磁浮無咩特別!!!
去到磁浮站要再轉地鐵先到人民廣場站, 之後我o地就行去酒店, 原來都要行15min, 好遠呢!!!
沿路見到D政府機關同美術館, 座座都好巨型!!!!終於, 見到我o地酒店喇!!!(圖中)
去到check in, 酒店lobby係38樓, 一入到去已經覺得好靚, 仲要見到好多著晒西裝o既外國商務客, 忽然覺得自己都high class o左,只係覺得自己著得太casual,有d格格不入...
雖然我o地未夠12點就check-in, 但好好彩有房, 同reception強調要無煙同雙人床房後就上房喇, 點知一開門, 唔o岩喎, 做咩俾o左一間2張單人床o既房我o地!!!
於是我o地打番落lobby問, 10分鐘後, 職員就帶我o地去第二間房...
一打開門, 嘩!!!! 心入面忍唔住大笑, 原來酒店覺得搞錯o左唔好意思, 所以免費upgrade我o地住corner房!!!!
其實corner唔corner都唔係重點, 我覺得最正係個浴室, 因為唔似之前間房咁, 係一般o既密室型浴室!!!!
180度上海景緻!!!
茶水台提供每日2個蘋果, 仲有中國風味o既擺設!!!
扮o下o野先!!
雖然今日天色麻麻, 但對住咁正o既風景, 真係有d唔捨得出街, 想一直留係酒店房relax一番!!!
係酒店居高臨下, 老公子拎住地圖對照上海實景, plan行程都好似特別容易咁!!!最後我同老公子hea到點幾兩點, 終於捨得出街!!!
第一站係醫肚!!
4蚊4隻, 味道OK啦!!!
之後去o左南京東路步行街, 好多人呀!!!
又迫又熱, 上o左個food court醫肚,見到旅遊書同朋友極力推介o既小楊生煎包, 當然要買啦!!!
$5/4隻大大隻o架, 一食...正!!!!頭先食o個間即時比下去!!!!
真係好好味!!!
食完繼續行街!!!途經一間叫'沈大城'o既舖頭, 書有介紹佢o既大腸麵, 但普通啦!!!反而佢門口賣榚點同鮮肉月餅o既人龍超誇張, 我o地想試都無機會, 實在唔想排長龍!!!
我o地又行o左筷子點同賣剪刀o既舖頭!!
最後行到和平飯店!!
到外灘喇!!!又係極多人!!!
我同老公等o左好耐先搵到個好似'好人d'o既人幫我o地影合照!!!唔知點解, 係大陸真係唔多敢搵大陸人影相!!!
由於我同老公子5點幾已經行到外灘, 又唔想行o黎行去咁支力, 我o地決定係度等天黑!!!
企o左個幾鐘, 終於黑齊喇!!!但點解個夜景硬係差D???
一問先知, 原來明珠塔係要7點先亮齊, 於是我同老公子又要繼續等!!!!
終於等到喇!!!YEAH!!!
不過老老實實, 夜景, 始終係香港最靚, 其他地方真係無得比!!
不過外灘呢邊咁多古式古香建築, 又令我諗起點解香港D保育工作做得咁差!!!
終於可以去醫肚喇!!!我o地去o左成隆行, 呢度出名食蟹!!!我o地仲見到門內點o左好多香港名人(e.g. 蔡san)o既相添!!!
好好味!!!
醉蟹好可憐!!!
呢晚10點前番到酒店, 沖完涼落o左Lobby用免費wifi上網!!!
對住個咁正o既view上網, 一樂也!!!
番到房, 仲有個咁靚o既夜景!!!真係越o黎越覺得揀間貴酒店o既決定係無錯o既!!!至少朝早行得支力一支力, 夜晚張床都訓得舖服d嘛!!!
沒有留言:
張貼留言