第三日!!
天色一日比一日好!!我o地7點半就去到馬當路入口!!!開頭我記錯o左, 以為8點就可以入園區, 點知原來係9點!!!雖然要等個幾鐘, 但好彩有遮蔭又有帶摺椅坐,都唔係好辛苦!!8點45分, 馬當路入口o既安檢終於開始喇, 我o地坐世博鐵路9點2, 3個字就去到歐洲國家館集中地, C區!!
有o左尋日o既經驗, 我同老公子都對世博有d concept喇, 所以尋晚己經plan好今日一早入園就要衝去其中一個最多人睇o既展館~德國館!!!希望盡量縮短排隊時間, 而又可以睇到比較受歡迎o既熱門展館!!
半跑半走, 好辛苦終於去到德國館!!!不過今次排隊經驗無尋晚排石油館咁好, 有好多無文化o既'人'打尖(我都有忍唔住出聲鬧人, 但後尾發覺鬧都無用, 無文化即無文化, 鬧o黎都sai氣!!!)!!!排隊其間留意到大會o既標語, 叫人排隊要守規矩...UM...唔知係咪心理作用, d英文翻譯硬係好似好怪...雖然己經'第一時間'去排, 但結果我o地都排o左個半鐘先入到德國館 (如果唔一早排, 應該要3小時先得!!), 臨入到德國館時, 好驚喜見番'金城武'...其實係馬當路入口時己經見到佢, 我仲問老公子覺得佢似唔似金城武 (真係好似o架!!), 點都估唔到, 原來金城武就係德國館o既工作人員, 好搞笑!!!
入館時有得蓋章, 但我o地竟然無帶世博護照(老公子責任!!!可惡!!!), 所以辛辛苦苦排完o既德國館印, 只能印係地圖上...唉...
至於德國館入面, 無咩特別啦, 都算多o野望下, 但多數都係d德國產品, 有d hard sell!!!終於去到德國館最吸引o既環節~動力之源!!!如果大家有睇世博節目, 應該對佢有印像!!無錯, 佢就係聽到人大嗌就會望住邊邊o個個巨形LED波!!!o係工作人員帶領下, 全場觀眾一齊拍手大叫俾力量'動力之源', 佢就隨住大家俾佢o既力量左搖右擺!!!其實佢最終就係想帶出一個msg, 就係人類應該團結去愛護呢個地球!!!UM...德國館就係咁喇...其實, 排個半鐘都OK, 3個鐘去睇呢個波就未必值喇...我同老公子都發覺, 不論石油館定德國館, 其實只要個館有少少gimmick, 就可以搞到咁多人排隊...可想而知, 成個世博, 其實無一個館係值得排咁耐入去睇囉...不過, 現實歸現實, 中國人多, 無法啦!!!
去完德國館, 去波蘭館!!! (其實好多謝好友Betty意見, 因為佢早我一星期去, 所以我可以問定佢邊d館值得去, 邊d唔值, 唔使亂咁碰運氣!!!)波蘭館入面好靚!!!其實個館唔太大, 但我同老公子覺得佢o既片好好睇, 我o地坐o左半個鐘, 睇晒佢分別介紹波蘭歷史, 經濟, 民生等不同version o既影片, 唔錯!!之後我o地就去法國館!!!排o左大約半個鐘啦!!!個館入面幾靚, 真係好似去o左d博物館咁, 但老公子覺得, 佢show 出o黎o既o野好大法國主義, 無咩深度喎!!!!名畫!最靚display當然唔少得法國名牌~ LV!!! (其實好想影相, 但實在太多人, 放棄!!)最後有個紅酒section, 去到就諗起好友老公Chris!!!法國館o既手信區係少數要排隊先入到去o既手信店, 我o地當然買唔起8百幾蚊o既鵝肝醬啦, 所以只係買o左杯~$30 o既法國咖啡!!!比利時+歐盟館!!排o左20分鐘左右!!!我老公子覺得歐盟館好好睇, 因為佢一向好鍾意世界大戰d history, 對歐洲國家歷史好有興趣!!!其中一部份係用三分鐘環迴播放歐洲各國人民一天24小時o既生活, 唔錯!!!去到比利時部份..咦, 原來藍精靈係比利時出品o架?!比利時朱古力, 仲要有藍精靈公仔, 雖然$60三塊, 但好好味, 都算值得一試!!!眨o下眼差唔多下午3點, 餓到肚都扁, 去o左footcourt食, 其實...都幾難食...食完去捷克館!!老公子覺得麻麻地, 但我覺得OK, 佢成個館D display都要舉高頭望, 有d支力, 同埋佢display o既o野有d抽象, 唔係好知佢exactly想表達d 咩, 不過我覺得佢都算有落過心思, 所以唔使點排隊下, 都算值得入去睇下!!!行得耐歐洲館, 於是去o下南美國家館o個邊!!!
秘魯館!!!!排o左10數分鐘!!!但入面無乜野睇, 好無聊...有d失望, 因為本身覺得秘魯呢個地方好似好神秘嘛, 點知入到去到了解唔到呢個國家係點o既!!巴西館, 都係排o左20分鐘左右啦!!因為聖保羅巿案例館俾o左個好印像我同老公子, 所以對巴西館有d期望....點知失望呢, 又係唔係好知睇o左d咩...番番去歐洲國家館o個邊, 排意大利館!!!排o左個半鐘呀陰公...支力到我叫救命!!!不過, 意大利館o既設計真係幾特別, 好有心思, 又多元化, 都值得一睇!!!行成個館真係幾多o野睇, 都行o左好耐!!!藝術, 雖然唔多明, 但好靚!!!同埋意大利館真係有利用個高樓底, 唔似好多館得一層!!!介紹書寫意大利館同半透明o既石屎, 唔知係咪呢d??我老公子職業病, 好想知點解石屎可以透明!!!荷蘭館, 由於己經9點幾, 所以唔使排隊就入到去喇!!!都多o野睇, 仲見到Miffy!!!晚餐, 又係foodcourt, 難食到嘔, 而家睇見都想反胃, 右邊個獅子頭只係食左d菜, 舊肉又梅又難食!!!最後, 當然仲要show下其他展館啦, 雖然無入去, 但d展館外形真係幾獨特o架!!!是晚極好彩, 好順利上到的士, 點知過o左瀘浦大橋後大塞車!!中國館呢, 聽日一定要近距離探下佢先!!本來打的係想快,點佑大塞車, 最後都要11點幾先番到酒店settle, 支力到飛起, 兩日全日世博之旅己經好夠辛苦...聽日我同老公子都決定只去半日, 唔會入館, 只會係外邊影相, 最重要係去未行過既 亞洲國家館展區!!!
