第一次威院產檢, 磅重52.9KG, 即都係116磅左右...
今次唔算等太耐, 見醫生我只係俾第一次ultrasound d 相佢, 希望有機會令佢跟呢個時間改我EDD 而俾structure個期我...點知都係白費心機, 因為佢地有我照oscar o既record, 話BB size跟到last M個EDD o既生長線, 所以唔改EDD, 結果structure都係 話我知無期俾唔到我, 真係失望!!!
所以而家我政府EDD 係 4月16, 而私家照o個兩次EDD就4月19同4月22, 其實我M一向唔準, 4月16一定無可能, 我自己就選擇跟4月19個日子當EDD啦, 因為上網睇D人話8-10W度o既size應該比較可靠!!!
到聽心跳, 原來唔係心跳, 而係照超聲波, 不過醫生一照到心跳叫我望完就無再照, 我只係望到BB心跳同好似見到佢隻腳板仔, 想望多眼都無...之後醫生亦無問我細左o既o野, 咁就睇完, 好求其!!
======================================================================
10/11:
踏入第17周, 仲記得上次陀乖豬時呢個周數去照性別, 結果照o左3次都睇唔到, 當時覺得個checking好似好無謂嘥o左D錢咁, 仲同老公子講, 早知唔check!!! 點知到今胎, 又係為o左只係知個性別, 我都係忍唔住呢個周數走去檢查, HAHA!!!
今日診所唔算多人, 加上有老公子陪我等, 再加上對面開o左間影碟舖播緊"喜愛夜莆2", 睇o下傾o下好快就叫我名喇!!!
入到去量血壓磅重, 重量比上次去健康院升番1磅多D呀, 睇o黎嘔少o左體重終於止跌回升啦, good呀, 不過由於出街嘔吐問題依然嚴重, 醫生都會繼續開維他命同鈣片俾我o既!!!
到照超聲波喇!!! 先睇到眼窩鼻同嘴仔, 再睇心跳同D手仔腳仔!!! 不過當佢睇緊手仔腳仔時我已經忍唔住狂睇BB脾LAR, 好似見到D o野喎... (後尾先知老公子原來同我一樣都留意緊脾lar!!)
好喇好喇, 醫生終於睇脾lar喇, 佢話'明顯有d o野喎', '肯定係喇, 咁都仲唔o係?'
原來真係'仔'呀!!!! 而且仔真係好易睇, 易睇過女好多好多呀, 唔係馬後炮, 但我同老公子真係醫生未講前都已經睇到係仔, 只係無醫生肯定而唔敢確定咋!!!
好喇, 之後就照size喇!!!
肚圍: 63%, 少少大肚腩!
頭圍: 82.5%, 大頭仔呀!!! 而且一照個頭時, 醫生同我都不約而同一樣反應, 就係覺得個頭好圓好圓, 唔似普通頭形咁窄D扁D!! 之後醫生都話個頭形可能似我老公子圓D, HAHA, 我都覺我老公子係大頭仔o架喇, 只係佢高唔太覺, 估唔到醫生會係我知音, 總之我個頭一向唔大仲偏細, 呢個頭仔點都唔係似我呢, HAHA!!!
haha, 搵番乖豬17周照o既超聲波, 細佬個頭真係明顯地圓好多呢!!!
大脾骨: 13.9%, 噢, 咁短o既, 似我老公子無理由咁短腳喎, 老公子呢方面就話係似我, 但我點都唔認, 女仔o黎講我對腳都唔算短o卦...
就係咁, 開開心心照完同俾o左8舊幾水, 雖然都係好貴好貴, 但今次知道性別好似已經係一大收獲咁, 老公子見我咁開心仲問我係咪貴D都會照, HAHA!!
講番知道係仔o既心情, 其實知道係仔後我又試好似上次知道係女咁開心到有D眼濕濕同忍唔住猛笑!!! 等我仲以為一向鍾意女o既我今胎真係無咩要求, 但原來知道係仔o個刻都會咁開心, 真係自己都估自己唔到!!! 反而上胎已經想要仔o既老公子話佢都開心但感覺唔大喎, 無咩特別...男人真係男人, 估唔到可以冷靜到咁都無反應...都唔知係咪唔肯去表達o者, HAHA!!
BTW, 上胎諗英文名時已經改好o左仔o既名, 以後就叫蛇細佬做Kobe仔啦, 請大家多多指教!!
P.S. 今胎嘔咁勁, 睇o黎都可以入埋係陀仔數喇!!
陀仔唔一家嘔 ^^
回覆刪除可能你既體質係易嘔果D
恭喜呀﹗有一個好字^^
[版主回覆11/11/2012 17:05:21]係呀, 我都覺我係易嘔o個隻, 我諗係陀幾多個就嘔足幾多個, HAHA!!
thanks so much ar!!!!
好叻呀, FEON!!!! 弓喜弓喜! 一個"女子" 字呀!!!!
回覆刪除[版主回覆11/11/2012 17:06:10]thanks ar!!!!
有仔有女真開心
回覆刪除[版主回覆11/12/2012 12:39:15]thanks so much!!! 真係好幸運!!
一仔一女...可以收得工喇..恭喜晒
回覆刪除[版主回覆11/13/2012 12:40:51]haha....我其實好想生夠3個, 收唔收工可能要睇下湊2個係咪真係好辛苦先決定呢!!! :p
恭喜晒呀! 好開心呀~~
回覆刪除[版主回覆11/13/2012 12:41:10]多謝晒呀, 真係算好lucky呢!!!
再次恭喜湊成一個好字呀!
回覆刪除[版主回覆11/13/2012 17:16:37]Thanks so much ar!!!!!
生3個?勇氣可加
回覆刪除[版主回覆11/13/2012 19:19:18]haha, 暫時都未知係咪真, 但想就真係想, 可能因為我本身都係三兄弟姊妹, 覺得3個夠熱鬧, 又可以一齊玩好開心啦!!!
咁快就黎五個月，個頭仔真係圓圓咁。我估湊仔會辛苦d 啦
回覆刪除[版主回覆11/20/2012 22:19:15]我都估仔會難湊D呀, 喊時應該會惡D, HAHAH!!!
湊成個"女子"字, 恭喜晒!! 咁祝你下胎可以生對龍鳯胎, 咁就"女子""女子"喇!
回覆刪除[版主回覆11/20/2012 22:19:57]HAHA, 嘩, 再下胎生龍鳳胎咪變4個小朋友, 諗起都有D怕, Max 3個夠喇, 不過如果真係龍鳳胎, 又幾幸福o既, HAHAHAHAHAHAH!!!
恭喜呀。一仔一女，幸福滿盈呀！睇住（BLOG）你結婚、生女、到現在生仔，都很為你開心呢！
回覆刪除[版主回覆11/28/2012 22:22:29]好多謝你呀!!! 講真, 掉番轉, 睇見有咁多blog友好似你咁一路陪住我blog, 到而家都仲會留言, 我都好開心, 雖然而家少o左時間blog, 但我都好希望大家將來都會keep住contact呀, 我都期待睇你將來blog你生B o架, yeah yeah!!!
congrat!!!! so happy for you, any tips?haha.....
回覆刪除add oil to your pregnancy :)
[版主回覆11/28/2012 22:23:41]haha, the tips is ...luck??? haha!!! 你幾時生多個陪你位小公主呀??
Congrats! 好好呀! 湊三件真係太有挑戰啦，宜家兩個仔搾盡左我所有能量，不過我相信姐弟既組合會好湊啲(家姐會個好榜樣), 唔知呢？
回覆刪除[版主回覆12/11/2012 13:09:06]haha, 我都聽人講姐弟可能會易handle d, 話哥哥o既話未必會照顧細o個個, 更何況你兩個仔, 真係精力旺盛到爆!!! anyway, 想係咁想啦, 可能到時我湊2個時會嚇怕o左唔敢再生!!
congrats, 話咁快又baby#2!! 一定同家姐一樣咁得意~~ :) 期待期待.
回覆刪除[版主回覆12/11/2012 13:12:10]係呀, 隔兩年剛剛好呀!!! 多謝你祝福呀, 你個mix 公主都好得意呀, 好靚女, 你o地又咁叻影相, 一定要幫小公主影多D靚相!!!
Congratulation!! 好耐無blog啦！一入嚟就見你有good new, 恭喜恭喜！
回覆刪除