1. 隻奶粉係咪真係好好?
2. 食o左後便便好唔好? 有無熱氣?
3. 開幾多份量?
其實朋友們唔多唔少都聽過Illuma呢隻奶粉'好', 所以一知我幫個女轉o左, 就紛紛踴躍查詢, 想知點究竟點'好'法!!! 情形就好似我當初'聽聞' Illuma幾好幾好, 但真正點好, 始終都係要問過身邊o既'用家'先覺得夠忠肯, 夠真!!!
好啦, 等我就上面3條問題一次過o係度解答先:
1. 好!
其實...呢條問題好難答'唔好', 基本上唔好話Illuma, 我深信而家科技咁進步, 好少奶粉真係會食得BB'唔好'!!! 至於對於乖豬o黎講, Illuma'好'o係邊呢? 相信就係'長肉'o左喇, 呢樣真係比較明顯見到o既, 相信真係吸收好o左先會咁!!
2. 轉奶粉初期便便差o左, 但適應後就好好, 亦無熱氣!!
唔好話我一直只講Illuma好話, 其實之前都有提過乖豬開頭轉食Illuma時便便係差o左o既, 開頭真係有擔心係咪乖豬腸胃唔適合呢隻奶粉!!! 不過好好彩, 食o左大約2星期左右, 便便慢慢回復番正常, 及後一直到而家都無再試過便秘或去便便辛苦, 所以我諗開頭只係腸胃適應問題, 只要適應o左就無問題喇!!! 如果媽媽們遇到類似問題, 記得轉奶粉期間都要俾BB有充足o既水份吸收, 有咩問題可以打去Illuma熱線問姑娘!!
3. 乖豬食o既係3號, 最近早晚都係開 180ml水 + 4殼半奶粉, 開出o黎8安左右!!
其實Illuma 3號罐上建議開o既份量係130ml水+3殼奶粉, 開頭我都係跟呢個份量, 然後再跟據乖豬o既胃口慢慢加減!!
希望以上解答可以幫到想了解呢隻奶粉o既媽媽們啦!!!
BB眼仔碌碌好可愛！我都有試過俾仔仔食Illuma, 佢轉奶果陣便便都試過差左，但1個禮拜後就正常返，唔使擔心
回覆刪除[版主回覆12/03/2012 13:56:04]多謝你呀!!!! 我女要2個星期先正常番, 不過之後真係食得幾好!!! :)
一罐大約食到幾耐呀?呢隻奶粉都唔平呀
回覆刪除[版主回覆12/03/2012 13:59:04]一罐食到10日左右啦!!
有點off topic, 見你個囡用pigeon milk bottle, 想問下好唔好用? 因為而家用tommee tippee, 用得OK, 但大個一點想要不要轉, 而且我鐘意less is more, 傳統又實惠的, 都諗緊用pigeon.
回覆刪除[版主回覆12/11/2012 13:19:17]Koey細個時係用Dr. Brown o架, 佢有條管可以疏氣無咁易飲風入肚!! 我好後期 (好似都9-11個月大) 先轉pigeon, 雖然又唔覺食左好多風入肚, 但BB不斷啜唔放口o既話成日吸到個樽入面真空, 要間中幫佢放下口, 等D空氣o係個嘴度入番個樽度, 如果唔係BB就好難食到, 甚至有時個奶嘴(膠O個part)會成個縮o左入奶樽度, 呢樣要注意, 不過到BB大, 佢慣左間中放下口咁就無咩問題!!
不過我建議你BB咁細, 而家用緊O個隻OK就唔好咁快轉, 等佢大D先!!