搬屋

Koey而家識講'句子'o架喇!!! 

乖豬20個月大!! (21/12 - 20/1)

乖豬20個月大!!!



體重: 都係23磅左右

身高: 無度

說話能力: 繼續大進步!!! 上個月先話最長係識講'聖誕老人'四個字o既詞語, 今個月已經識講'句子', 新詞語好多係大人講過一次佢就會識跟住講, 唔只識'repeat', 係直頭先'apply', 好似'論盡', 佢會邊講邊擰頭, 有時唔記得o野又會講'失敗'...總之就好鬼老積!!! 句子方面, 佢會好努力咁一個個terms講出o黎組成一句, 比較長o既有:

"等 爸爸 放工 番o黎 陪 沛藝 玩 XX"
"搬屋之後 拎番出o黎 俾 沛藝"

總之說話能力真係一個字'掂', 就連出街撞到陌生人都夠膽講, 好多人一知佢只係20個月大都讚佢講o野好叻!!! 亦因為佢進步幾好, 我而家都盡量少用疊字或BB話, 唔想令佢習慣BB話!!

發展: 開始識'反抗', 佢一有唔肯做或好想做o既o野而大人又唔俾時, 會扁嘴甚至發脾氣喊, 大人講極道理都未必肯聽, 有時搞到我都好忟好頭痕!!! 另外, 其實未識講o野前Koey都已經好有主見, 而家識表達埋'唔好'就更加, 成日表示自己要做某D o野之餘仲會order埋大人做...


就係呢個衰樣!!!

另外, 開始有'識朋友'o既念頭, 呢個月朝早落會所成日撞到一個叫'南南'o既2歲多姐姐, 自第一次見面後Koey就成日提住'南南姐姐' (叫到人地好似好大個...), 透過同南南玩單車佢仲學識要排隊'輪住'玩, 玩完一個就要到另一個, very good!!! 其實南南個麻麻都真係教得幾好, 仲幾好傾, 難得Koey又咁鍾意同南南玩, 我都好開心, 不過可惜識得太遲喇, 熟落o左一個月左右我又要搬走, 我都唔太捨得, 希望去到新環境後Koey都會識到新朋友仔再一齊玩啦!!! 

體能發展方面, 上落樓梯都係麻麻o地, 上o既話一兩級都夠膽自己試, 但落就最多一級仔!! 

認知能力: 呢個月下午我開始開芝麻街俾Koey睇, 仲好鍾意Elmo入面有個搞笑叔叔, 同埋可能聽得多, 而家Koey好間中會自己用英文講'one two three', 第一次聽o既時候都幾surprise, 因為我多數用中文教數字!! 總之, 睇見佢好專心睇英文卡通我都幾開心, 似乎有D吸引力, 希望幫到佢第時學英文啦...不過, 有時我只用中文教佢, 有時我都好疑惑我應唔應該一邊睇英文卡通一邊譯做中文, 定係唔理佢等佢自己理解好D???

 自理能力: 見到粥仔/飯仔入面有D特別o既餸會主動拎spoon自己'筆', 但只會'筆'D餸, 呢個時候就'筆'得最好, 其餘時間都懶得去'筆', 又或者自己'筆'兩三啖後就俾番隻spoon我話'媽咪筆'...

畫圖畫方面, 仲係對拎住D筆係手有興趣D, 畫o既時間相對只係好少...

聖誕精選相:

多謝各位送o既聖誕禮物呀!

今個月精選 (就快搬, 呢個月多o左叫朋友o黎探我): 

靖靖

型仔打扮


呢個會所草地真係好靚, 我都好唔捨得!!!




影相知道要'笑', 唔人幾時先識得'笑'得自然D無咁假呢??

玩貼紙最鍾意貼係鼻度!!

之前儲o左一批奶粉罐, 諗住可以DIY D玩具俾Koey玩, 不過搬屋喇, 都係回收o左算數!!

一一, 好有風度拖住Koey行, Koey又乖乖跟住, 好得意!!

昊昊

同各住見面時已經o係新屋喇!!

Koey:  '下次見!!!'

搬家了

自婚後住到而家已經3年半喇, 今日要同呢度講'bye bye'喇!!!


當年裝修落重本整o既鏡logo feature wall...可惜拎唔番出o黎喇, 師傅一早都講o左爛o既機會係極高, 雖然都有晒心理準備, 但睇見佢裂o左, 個心都真係幾唔捨得!!! (唔少朋友都問我做乜唔再整, 因為價錢都幾貴, 我同老公子都放棄喇, 或者平平o地o係淘寶訂造LOGO牆貼仲經濟實惠!!! 不過呢D都係下一步先再算, 唔急!!)

最後一日住呢度, 特登落公園仔影相留念!!

陪伴Koey唔少日子o既Sir 滑梯!

呢個公園仔真係好靚, 唔好話Koey, 我都好唔捨得!!

聽日一早就向新居出發喇!!!

唔識唔識~

健康院第二次產檢 (23-26W)

快27周喇, 而家我體重係122磅, 仲差2磅就番到'家鄉喇!!!

上胎我嘔到6個月, 即24周左右, 今次都就多少少, 到第26周先真係連出街都'未必'嘔 (無錯, 係未必!!), 不過嘔o既程度已經少左好多, 所以體重都有回升, 只係仲係慢D!!!

不過到o左呢個stage, 見Kobe仔中等size又成日踼我, 我都唔係太在意體重喇, 阿Q D諗, 其實扣番我生完阿囡多o左o個10磅, 我而家d 'weight gain'其實都幾適中呀, 至少生完唔使袋多10磅嘛!!!

今個星期終於又番健康院, 無錯呢, 我隔o左都有3個月無番健康院呢, 因為之前又去左威院同照結構, 兩次都有驗小便量血壓, 所以我就懶懶閒無再番健康院喇!!! 今次檢查比上次多人, 但又唔係等得太耐, good!!

基本檢查全部正常, 不過姑娘見我無重過, 叫我磅多次...haha, 再磅都係一樣啦, 我真係仲有嘔緊嘛, 唔重都無法!!!

到見姑娘, 我問o左佢早幾日我左邊盆骨痛到我成日都要就住行o既問題, 但由於我第二日訓醒都已經無咩事, 姑娘都只係話'正常'現像, 所以都無深究喇!!! 

另外, 就係問改地址, 其實上次已經想改, 今次我連form都拎埋, 但姑娘又嚇我話沙田瀝源間健康院好多人, 搞到我最後都無改!! 番到屋企問住沙田o既朋友, 佢話如果一朝同lunch後頭一兩個就等一個鐘左右, 所以好睇安排到幾號酬見, 唔一定等好耐, 而且諗深一層, 由新屋打的去瀝源健康院點都化算過我入番大埔嘛...anyway, 我搬後仲要番多次大埔健康院, 到時access 下係咪真係咁遠先都可以o既, 下次再算!!!