快27周喇, 而家我體重係122磅, 仲差2磅就番到'家鄉喇!!!
上胎我嘔到6個月, 即24周左右, 今次都就多少少, 到第26周先真係連出街都'未必'嘔 (無錯, 係未必!!), 不過嘔o既程度已經少左好多, 所以體重都有回升, 只係仲係慢D!!!
不過到o左呢個stage, 見Kobe仔中等size又成日踼我, 我都唔係太在意體重喇, 阿Q D諗, 其實扣番我生完阿囡多o左o個10磅, 我而家d 'weight gain'其實都幾適中呀, 至少生完唔使袋多10磅嘛!!!
今個星期終於又番健康院, 無錯呢, 我隔o左都有3個月無番健康院呢, 因為之前又去左威院同照結構, 兩次都有驗小便量血壓, 所以我就懶懶閒無再番健康院喇!!! 今次檢查比上次多人, 但又唔係等得太耐, good!!
基本檢查全部正常, 不過姑娘見我無重過, 叫我磅多次...haha, 再磅都係一樣啦, 我真係仲有嘔緊嘛, 唔重都無法!!!
到見姑娘, 我問o左佢早幾日我左邊盆骨痛到我成日都要就住行o既問題, 但由於我第二日訓醒都已經無咩事, 姑娘都只係話'正常'現像, 所以都無深究喇!!!
另外, 就係問改地址, 其實上次已經想改, 今次我連form都拎埋, 但姑娘又嚇我話沙田瀝源間健康院好多人, 搞到我最後都無改!! 番到屋企問住沙田o既朋友, 佢話如果一朝同lunch後頭一兩個就等一個鐘左右, 所以好睇安排到幾號酬見, 唔一定等好耐, 而且諗深一層, 由新屋打的去瀝源健康院點都化算過我入番大埔嘛...anyway, 我搬後仲要番多次大埔健康院, 到時access 下係咪真係咁遠先都可以o既, 下次再算!!!
瀝源都幾多人
回覆刪除[版主回覆01/20/2013 22:26:44]咁你平均要等幾耐o架??/
多人都好過搭遠車卦, 第時生咗, BB都要成日返健康院...
回覆刪除[版主回覆01/21/2013 10:47:01]咁都係呀, 應該都係轉多o架喇, 希望蛇年少D人唔使等咁耐啦!!
我係瀝源健康院檢查, 除左多人之外, D STAFF 仲好串架.
回覆刪除[版主回覆01/26/2013 10:29:11]o係?? 大埔健康院D姑娘幾好人o架...不過都係地址近方便D, 所以都應該轉... 睇下遲D會唔會撞到你!!