乖豬21個月大!! (21/1 - 20/2)

乖豬o既月記, 我諗我都要放棄喇, 就睇下可唔可以堅持寫到2歲啦, 2歲之後我諗我真係唔會再寫o架喇!!!

講番第21個月, 乖豬講o野繼續明顯進步, 已經連'因為...所以'都識講, 好多'理由'/'原因'更加係聽一次就識得repeat/rephrase番出o黎, 記性唔差咁呢!!!

不過呢個月食粥/飯就越O黎越唔聽話, 我一個人餵都好地地, 但一有人o黎佢掛住玩, 又或者我交手俾爸爸餵佢就會即刻唔食, 仲要係硬頸到一啖都唔肯, 有時我都唔想讓步就會整到佢扭計喊, 都好煩!!! 而家面仔越o黎越尖, 加上個樣又老積, 又多嘴, 成日俾人以為Koey已經有2-3歲, 成個老人精咁!!! 

呀, 最後就係今個月搬屋, 乖豬順利適應新環境, 第一晚已經可以好似平時咁o係木床訓, 一個人都無問題, 一星期後轉佢訓單人大床又係好順利, 無異意仲好似好鍾意, very very good!!!

(相片無了期後補)