乖豬22個月大喇!!!
呢個月乖豬食o野又好似乖番, 雖然都時不時會話唔食 (特別係爸爸餵o個陣!!), 但都好多時食得晒D粥/飯, 感覺上mit 乖豬面豬仔仲好似實o左少少, very good!!! 不過呢個月乖豬亦懶o左, 連自己用spoon '畢' 佢自己最愛o既餸都懶, 問親都話唔要自己'畢', 要我餵...唔知幾時佢先識自己食唔使我餵呢...
講o野方面, 已經連好多感嘆詞都識, 好似'咋', '喎', 'o既?', 'o者~' 等等, 有時仲會配合埋誇張表情去表達, 好似跌o左o野落地, 佢其實無發脾氣無嬲, 但就會學足大人同佢玩時咁, 做個好似好可惜o既表情 (扁嘴/豬嘴) , 講'跌o左落地喇, 點算...??', 真係人細鬼大得交關!!!
學o野方面, ABC繼續好慢好慢咁學, 但佢似乎真係興趣唔大, 至於數11-20, 只係數得o岩11-13, 之後o個D好多時跳到亂晒...
上落樓梯繼續要拖, 睇o黎佢體能方面都係比較弱, 不過呢方面都迫唔到, 我亦唔覺有咩大問題!!
自理方面, 呢個月學識自己著佢對oversize黐貼鞋, 之後就唔俾人幫佢著喇!!
我諗你生左唔得閒服侍佢食飯，佢就會自己食喇。
回覆刪除[版主回覆03/29/2013 21:05:20]都係, 希望佢'生生性性', 到時係'自動自覺'去做, 而唔係覺得無人理而'被迫' 要自己食就好喇!!