Kobe仔1歲喇!!

Kobe仔1歲喇!!! Happy Birthday to Kobe!! 

上一個月媽咪仲覺得你係一舊飯, 點知今個月你忽然識多o左好多o野, 真係進步神速呢!! 

重: (去完健康院磅再補番!)

高: 76cm, 自己度, 未必準!

食: 2餐粥 + 1餐tea (水果 + 米糊/麥皮), 仲未戒夜奶!!

智力發展OK啦, 識up頭擰頭, 識穿圈圈, 拉拉鏈間中會成功, 識指o野, 仲有成日拎玩具俾人叫人開, 拎歌書俾人叫人唱, 自己都會跟住哼!!

Motor skills亦發展唔錯, 爬sofa爬Sir滑梯無難度, 11個半月開始行到幾步, 而家基本上o係屋企都無再爬lu!! 

未識叫爸媽, 玩得開心或發脾氣會尖叫!! 唔知係咪男仔真係粗魯d, 成日扯家姐同我d頭髮, 有時又會用口食家姐腳趾 (好彩唔痛!), 話極都唔聽, 唉, 有時都會諗佢再大d會唔會百厭到激C我!!

好喇, Kobe生日當日, 我o地去o左沙灘玩!!!

一朝訓醒發現有d唔同!!!

 

要除帽!!

電死人囉!!

齊齊望鏡頭仲有晒笑容, 好good o既合照!!

o係屋企影完相, 出發!!!!

今次無入到西貢咁遠, 近近o地去馬鞍山!!!其實唔係朋友話我知呢度有沙灘, 我都唔識o黎呢!!

海之心!

天氣好好呀!!!

另一個心心!!

Oops!! out focus!!

呢度d沙真係幾粗同好多貝殼, 不過d水出奇地清, 估唔到香港d水可以咁清!

開頭Koey怕d貝殼吉腳唔敢玩, 不過又有邊個小朋友唔愛玩沙, 好快Koey就全程投入去玩lu!!

至於細佬, 繼續天不怕地不怕, 熱身都唔使, 一放落沙就周圍爬, 完全唔怕吉腳!!

拍到成面沙!!

仲用沙o黎洗頭!!

試o下d沙咩味!!

好咸呀!!

呢舊石又咩味呢??

呢兩張好難得影到Kobe唔係望實d沙, 仲要笑容100分, 靚!!

Koey整古細佬, 將d沙放o係Kobe頭頂!!!

玩o左個幾兩個鐘, 要去食lunch喇!!! 由於呢度唔係海灘, 無沖身設施, 所以兩位小朋友就咁用海水沖身!!!

露個pat pat 俾大個欣賞o下!!! 

haha, 係咁細個o既pat pat大家先會覺得cute, 大d先露就不得了喇!!

Koey都上水喇!!!

之後我o地番番去商場, 搵o左個為Koey而設o既地方飲茶!!!!

就係呢度喇!!! 

成個'譽'字, 仲唔係為Kobe (沛譽) 而設?!

Kobe仔其實上水後訓o左個半鐘先起身!! 酒樓剛好有位, 齊齊開餐!!

呢餐茶都幾好味, 唔錯!!

行行~~ 好似跳緊舞咁!!

Kobe指住d咩呢??

原來係呢個招牌, 佢好遠已經指到實, 可能好光好sharp好吸引佢!!

家姐拖細佬行, 但拖跌o左!!!

唔怕, 家姐扶番!!

再行過!!!

商場有Miffy x 足球表演!

臨走o係車站撞到blog友仔!!! 大家o係yahoo blog 已經認識, 佢仔仔同Kobe仲係同一日遇產期o架!!

番到屋企切蛋榚!!!

Kobe仔o既生日慶祝活動, 就o係Koey o既生日歌聲中結束, Happy Birthday to Kobe!!!

唔知係咪要1湊2, 呢一年時間過得真係好快呀, 成日覺得Kobe好似出世o左無耐...但眨o下眼咁就1歲!! 

祝你同Koey家姐相親相愛, 唔好成日爭o野 (可能性極低!), 身體健康, 開開心心!! 仲有, 唔怕生保愛刺激o既你, o黎緊識行識走之餘記得出街玩要保護家姐呀, 希望有你壯膽, 家姐都可以勇敢d啦!!

爸爸媽媽愛你呀, Kobe!!

最後送上Kobe 仔o既搞笑Video, Enjoy!!