" o黎緊3月尾4月, 有好多幼稚園都會開始收學費, 到時手握幾個學位o既家長應該會放番唔少學額出o黎, 到時waiting list 可能有變動, 而我亦都會到時試試向心儀o既學校扣門作最後努力!!! 不過呢, 其實隨o左我本人之外, 基本上身邊所有人都覺得我屋企樓下o個間收o左Koey上午校已經係超理想, haha, 所以人人都滿意下, 就算扣門唔成功, 我都唔會強求, 無謂再自尋煩惱, 接受現實罷了!!! "
兩間幼稚園比較如下:
KG A: 無offer + 英普 +校車 (同區, 但1拖2應該要行20min以上) + 有學券
KG B: AM offer + 區內傳統老牌名幼 + 屋企樓下 + 無NET + 有學券
KG A話扣門就算有位都係得PM, 所以主要考慮係PM vs 英普...
由12月考慮到而家, 我始終都係buy英普, PM AM都好, 我真係唔想錯過學language o既critical period, 所以由12月到而家, 身邊朋友或家人問到我讀邊間幼稚園, 我都一直有所保留, 無確實回答, 因為我始終期待KG A收Koey, 決定3-4月要扣門一試!!!
今日我再打去KG A, 佢o地表示已經寄o左取錄通知信俾我, wow, 真o既??? 太好喇, 咁即係話, 我成功向心儀o既學校扣門成功喇, YEAH!!!!
KG A話我可以o係登記時交埋轉AM o既申請信, 雖然明知轉AM機會不大(因為學校本身AM位得好少), 但既然8月未開學都仲有變數, 即管寫埋啦, 唔得都無壞!!!!
希望...希望呢篇'後續'之後仲有'後續'啦, 無都唔緊要, 我已經好滿意而家個結果喇!!! 希望Koey會鍾意呢間幼稚園啦!!
恭喜哂呀!! 好多知係咪...最近上年先開的連鎖學校呢?!
回覆刪除唔係呀, o係大圍o個邊d屋邨學校o黎, 不過有學券又有英普, 真係好抵讀!! :p
回覆刪除係呢? 唔好意思呀, 我由yahoo轉過o黎之後都搞亂晒好多blog友, 想請問下你係咪我以前yahoo d blog友仔??? 你d 小朋友幾大呀? 係咪都係沙田區讀緊? 邊間呀??
哦~姓孫的~~恭喜哂呀入到!!
刪除我唔係你以前的blog友來的, 不過我囝囝同你囡囡一樣大, 都係2011年bb ar! 又係今年k1, 又係沙田區咋 ^^多多指教
bingo!!!! 我真係好鍾意呢間o架, 而家入到真係好開心!!!
刪除大家同區, 咁真係要多多指教呀, 等我add埋你個blog先!!!
想請教吓, 扣門有冇咩技巧ga? 親身去扣定係點樣做的? 係咪要send好多小朋友的cert比佢哋睇先大機會收ga?
回覆刪除唔係呀, 我就咁打電話去咋, 連信都無寫!!
刪除見到你大團圓結局，都替你開心。
回覆刪除尤其是你還自己一手一腳湊大，係咪特別有成就感呢？