一家四口澳門豪食豪住之旅@2014 ~ Day3

一朝起身, 第一件事緊係留意Koey手仔仲痛唔痛~~ 好彩佢話佢隻手無再'好熱', 除o左唔肯用o個隻手拖我o地外, 佢都唔算就住就住唔用隻手, 咁即係痛都唔係好痛啦, 所以我同老公子都放心晒喇~~!!! 

我o地諗住Koey唔再痛, 所以問番佢究竟摸o左d咩整親, 不過佢當時都係唔肯講!! 直到番o左香港2日之後, 佢手仔連水泡都無埋佢先講番, 原來佢係摸o左d碟!!! 我以為係裝o野食d碟, 點知唔係, 佢話係無o野o既乾淨碟!!!!!!!!!

原來唔係Koey亂掂熱o野, 而係佢亂掂d佢唔知係'熱'o既o野!!!! 忽然間, 我覺得我同老公子心入面可能都怪錯o左Koey呢...我仲有少少想怪間酒店添, 事關我都知d碟係用熱蒸o黎消毒先拎出o黎俾人用, 但都無理由會熱到咁嘛...!!!!  

Anyway, 其實Koey都係有亂摸o野在先, 而且好彩係'碟'而唔係其他裝住食物或煮食中o既器皿, 所以而家佢隻手仔先好得咁快, 水泡入面亦無水...總之, 唔整親都整o左, 怪邊個都無用, 反而學Grandpa話齋, 今次Koey應該'上o左一課', 手仔亦唔係大傷, 咁就得喇!!!

好, 之前一日o既行程已經好hea, 今日又要check out又要坐船走, 行程可想而知...更hea!!!!

又o黎豐富早餐!! 今次食得飽d, 當埋brunch!!

拎o左條長麵包棒俾Koey, 佢當係大o既百力支, 好開心, 食晒成條!! 不過可能時間尚早, Koey未肚餓, 無乜食飯/麵, 唔知佢飽到幾耐!!

細佬食完係度BABABA~~

食完o野11點, 仲有2個鐘就要交房, 又上番房嘆下!!! 今個trip成日留o係酒店房, 貴d都抵得番!!!

一拖二, 好鍾意呢張拍低我平日生活力大無窮o既相, 真係要留為紀念!!

又影下相!!!

早兩晚同老公子影o個d著住訓覺衫唔夠靚, 呢日補番張出街衫o既~~

影臭腳!!!

扮嘆!!

我同Koey 今次旅程o既戰跡!!! Koey就係熱到手仔, 我就係出街/房內影相時撞親整到成腳瘀傷!!

'扮' 睇風景!! 有d似賣樓盤廣告, HAHA!!!

酒店有浴衣!!! Oh, 我雙手袖...穿崩添!!

我同Koey影相時, Kobe仔係度...

咪又係掉石春囉!!! 

連水掣都唔放過, 食!!

呢張笑得好cute呀!!

喂喂~

離開酒店房前最後一刻都唔放過~~

好, 終於要check-out喇, 靚靚酒店房bye bye 喇!!

呀, 差D唔記得影, 呢兩日酒店都有小禮物送俾我o地!! 隻龜龜好靚好有質感, 我都好鍾意!!

由於check-out已經1點, 4點要番番o黎酒店坐shuttle去碼頭坐5點半船, 得幾個鐘去唔遠, 我o地決定行番去住宅博物館附近睇下有無公園俾Koey玩!!

酒店模型~

撞到表演o既天使姐姐~~

到公園喇, 見到好多波波~~

水池同魚~

巨形風車 (轉得o既~)

...不過就係無Sir滑梯或小朋友遊樂設施...!!!

於是我o地又去番住宅博物館影相!!! 雖然呢日係星期六, 但遊人都唔係太多, 想點影都得!!

影o左一陣, 又行番上d健身設施度, 如果唔係Koey一定悶死!!

點知今次行到去, 俾我眼利望到健身設施另一邊有個tum tum轉同一個Sir 滑梯, Koey見到好開心呀!!!

呢度得泥地, 個地都幾污漕, 好似無人打理咁!!

不過呢款tum tum轉好'懷舊', 完全係我個年代或再之前o個種, 舊到我細個都唔係成日遇到有機會玩, 令我覺得好親切, 唔知Koey又鍾唔鍾意玩? 香港應該都無晒呢種tum tum轉lu!!

本來Koey仲想Sir滑梯, 但個滑梯好濕好污漕, 所以無得玩!!! 之後爸爸帶Koey周圍行~~

好鍾意呢幾張連橫拍!!!

好有"女兒係老公前世o既情人"feel!!

又玩呢個千秋!!

Koey話佢放手唔扶都得!!

差唔多3點, Koey叫肚餓喇!! 我o地行番去官也街!!!

途經教堂~~

之前一日買o左葡撻佢唔肯食, 今日肚餓就猛主動 話要食葡撻!!! 

你睇, 餓起上o黎, 食得幾滋味!!!

再之後行番酒店喇~~~ 沿途留影!! 呢間餐廳外牆好靚呀!!

番到酒店我o地再去翠華食tea, 我o地叫o左兩個粉一個菠蘿包同一件蛋撻, 咁就$150...其實我都知酒店價錢實貴, 所以我本來好想係官也街食完先番酒店拎行理...但老公子唔贊成, 話咁樣太趕...但我覺得$150食兩個粉真係有d肉赤囉, 又無特色...

食完!! 我o地又要o係酒店大堂行5-7分鐘番我o地間酒店lobby拎行理, 去埋toilet又要行一大輪去酒店另一邊大堂坐shuttle!!! 呢個時候已經4點幾喇, 時間又真係幾趕o既...如果係官也街食完先番o黎拎行李, 又可能真係唔夠時間...可能都係老公子o岩!!

咦!!!!

原來係酒店每半個鐘一次o既燈光show, 之前Koey整親手仔爸爸抱佢番酒店拎水樽時佢o地睇過一次, 而我呢幾日出入N次酒店都無遇過, 估唔到臨走終於俾我遇到!!! 真係好大粒鑽石喎!!! 

Koey知我無見過, 猛咁叫我睇, 我就猛咁叫佢同巨形鑽石影相!!! 

好喇, 上shuttle喇!!!

bye bye Galaxy!!!

去到碼頭剛好5點, 5點半船o既人已經排晒隊過關~~如果我o地坐遲一班shuttle一定勁趕, 而家剛剛好!!

Bye Bye Macau!!!

由於去澳門程船Koey好悶, 今次回程佢開頭唔肯訓, 所以我拎o左d 貼紙俾佢玩!!佢終於無咁悶!!! 

玩完貼紙好攰, 終於頂唔順訓o左!!!

左手抱住訓o左o既Kobe, 右手又俾Koey挨住成半個鐘, 我手都痺呢, HAHAHA!!!

番到香港打的番歸!! 食個外賣再同小朋友沖涼, 大人細路都好攰呢!!!

Goodnight!!

一家四口澳門豪食豪住之旅@2014 ~  完!!!