一家四口澳門豪食豪住之旅@2014 ~ Day2

第二朝8點幾起身, 我一襟掣陞高番個窗簾, Koey即刻唱: '一天都光~' (P.S. 我日日係屋企聽903 早霸王, Koey識唱首歌~), 我同老公子忍唔住笑, 真係精神都為之一振, 醒晒, HAHA!!

Kobe仔一早又掉石仔~~~成池都係石春喇, 執房o個個多得我o地唔少~~

今日行程重點: Hea!!!!!

10點落酒店樓下食自助早餐~~

個早餐好豐富, 有飯有麵, 當埋brunch都得!!! 老公子愛鳳爪同粥, Koey愛生果, 我就最愛炸o野~~

Koey食緊咩? 係曼頭呀, 佢一向唔好包點, 但呢個炸曼頭佢一食就大叫'好味', 估佢唔到~~~

酒店lobby~

Banyan tree有種房叫'天際', 呢度係佢o地o既專用lift, 好金璧輝煌~ 

(Koey擺緊騎尼pose...)

之後我o地就出發去住宅博物館~ 

酒店內部裝修當然係靚啦, 用孔雀做主題~~

酒店中央有個好大o既幻彩'水池', 不過入面其實係無'水'o架!!! (D 水應該流晒入賭場~~ :p)

Koey話要幫佢同d '魚'合照~~

孔雀Koey~~

又話行出去o既? 點解仲係酒店相?? HAHA, 無法子, 由於Galaxy都幾大, 我o地次次出入都要o係Galaxy入面行7-10分鐘先出到去...

呢度只係Galaxy頭兩期, 第三期仲起緊~~ 真係大到無朋友!!

沿途見到盛開o既杜娟, 好靚呀~~

我老喇, 人比花嬌呢d相, 都係留番俾d'後生'o既影啦~~~ HAHAHA!!!

叫Koey擺pose, 擺成咁!!!

叫佢企係馬路中心影, 好似夢遊咁~~~傻妹!!

之後Koey發現附近有o野玩~~

圖中呢個搖搖椅幾好玩~~~

Koey玩完又玩~~

Koey又玩, 嘟晒嘴出盡力~~

玩完去住宅博物館留影~~~

好鍾意呢張相呀!!!

同小美女影得多, 係時候同小俊男影o下~~~

咦, Koey你做咩呀?

我同細佬影相時, Koey就係咁一直蹲低整古做怪~~

好, 左擁右抱合照先...點知Kobe仔玩鞋仔, 仲掟埋落地...HAHAHA~~~

一家四口

呢個view 好靚~~

影完一輪相, 係時候醫肚!!!

葡國美食天地!!!

好多謝好姊妹Emily早幾日幫我打長途電話預約!!

舊式西餐廳o既裝潢, 加分!! 

餐廳職員都好親切, 有好幾位仲過o黎'了' Koey & Kobe玩, 加分!

葡式炒蜆, 勁好味, 必食推介!!!

葡式海鮮飯, 比想像中較多水, 味道唔錯, 配料亦好多!!

其實仲想試埋佢o地出名o既烤雞, 不過個飯份量都唔少, 加上朝早食o左早餐, 所以最後都無叫到喇~~

我同老公子食完都覺得呢間葡國餐廳無o黎錯, 下次有機會再o黎澳門一定會再去!!!

Kobe仔食完粥仔又試猛咁企起身...同佢食飯真係好辛苦!!

食完飯, 去官也街買手信~~~

成日掛住同Koey影單人相, Kobe仔都要影下, 唔係大個實向我投訴~HAHAHA!!

以前去呢度多數都係買大菜榚, 但原來一直食錯o左, 今次先第一次食佢o既木糠布甸同榴槤布甸~~

榴槤就咪預我喇, 俾D Koey試, 佢又接受到喎, 兩杯都鍾意, 食得好滋味!!

後面棵樹好靚~~~

之後再去食葡撻~~

Koey唔知係咪食飽o左, 一啖都唔肯食~~~

之後我o地就行番酒店喇~~~

沿途留影~~~

Koey少有o地主動行埋我度拖住我, 話要同我一齊影~~~ so sweet~~

之後到佢Solo~~~使唔使咁pro, 真係好似幫人賣緊飲品廣告咁~~~

Koey記得之前一日途經呢個氹仔堤霸遺址, 佢話要再睇, 仲叫我o地幫佢影低~~

行到番酒店喇~~

我o地住2510房~~

番到去又影下相~~

游下水~~

Galaxy人造沙灘, 如果係夏天o黎就可以去玩喇~~~

睇風景~~

又到細佬仔落水喇~~~

可惜細佬有陰影, 落水好無安全感, 一離身就喊~~~

係同佢玩掉石春佢先識笑少少~~~

玩玩下搞佢唔掂~~試下送我對腳俾佢同佢玩升高啦~~

不過似乎都唔係好work...HAHAHAHA~~~~最後都係'救'番Kobe仔上水算數~~~

Koey就同爸爸去大木筒o個邊浸浴~~~

Koey好嘆咁呢, 我都好想浸呀~~~

一家四口~~

我試機o既時候影低, 個個撻晒係床, 好搞笑~~

o係房玩完水, 話咁快就6點, 落酒店樓下食Buffet喇~~~

酒店環境唔錯~~~ Koey一入問口就被呢堆大廚公仔吸引, 話好多'叔叔'公仔係度~~

爸爸出去拎o野食, 呢兩個小朋友就搗蛋住先~~~~~

呢間Buffet都出名好味, 食o左少少, 覺得都OK~~~不過呢...佢呢幾日做緊'印度'主題, 熟食好多烤肉, 仲有好多咖喱, 就連甜品都係印度甜品...老實講, 其實未必唔好味, 但印度食品真係唔係太合我同老公子謂口...唯有好似食'8' o個陣無得食柚子手撕雞一樣, 嘆句唔好彩罷啦...!!!

Kobe仔無時停, 好難食得自在...

食完粥仔, Kobe可能眼訓, 嘈到爆, 隔離水吧位職員可能頂唔順咁嘈, 用手套吹o左個手掌氣球俾Kobe仔玩!!!

好不容易佢訓o左, 我同老公子一心諗住可以自在d食...

到我行出去睇o野食, Koey叫住我話要跟埋去, 好啦, 一於帶埋你出去啦, 費事你坐係度咁悶嘛!!

我拖住佢行呀行, 見到有盤雞肉千層麵...

我: 你要唔要?

Koey: 俾我睇下~~

於是我就抱起o左佢, 佢睇完話要, 於是我就放低佢落地, 自己去夾~~夾完千層麵, 我見隔離有碟雜菇, Koey都好鍾意呢, 於是我就行去夾, Koey當時都係我身附近, 夾完我就拖番佢行番座位, 點知行行o下...

Koey: 我想飲水~~

我: 好呀, 我o地行緊番去喇, 呀, 好似有橙汁喎, 番去飲橙汁啦~~

Koey: 我要飲水~~

我: 好啦好啦, 有水~~番去飲水~~

當時我都覺得奇怪o架喇, Koey一向唔鍾意飲水, 愛飲果汁, 點解會無啦啦咁想飲水??

好喇, 番到埋位, 放佢坐番BB椅後就叫老公子俾水佢飲, 我就再出去拎o野食, 點知我只係行o左幾步, 我已經聽到Koey大喊, 行番去, 聽到佢話唔要飲枱上面d水, 要用番佢隻私家水樽飲, 但個水樽係酒店房嘛, 想俾到俾唔到佢...

為分散佢注意力, 我抱起佢再出去睇o野食, 點知佢成泡眼淚係雙大眼睛度, 好可憐好委屈咁o既樣...真係俾佢嚇親, 唔通係出街太耐太攰所以扭計?

最後唯有爸爸出馬, 抱佢番酒店房拎水樽...

20分鐘後, 兩父女番o黎喇, 老公子話佢終於發現到Koey發生乜事, 原來係佢有3隻手指俾o野'辣'親, 起晒水泡!!!!

終於知咩事喇, 我即刻去隔離水吧拎冰, 等佢浸冰水降溫...

浸緊o既時候佢無咁痛, 終於無再喊, 但佢一唔浸水就猛咁叫熱, 眼神又左望右望好不安咁...!!!!!

睇見阿女咁o既樣, 我嘗試用佢最愛o既脆口甜食tum佢...

(印度乳酪脆圈, 唯一比較吸引o既印度甜品~~~)

可惜...Koey無晒心機喇, 見佢坐立不安咁o既樣, 我同老公子雖然都未飽, 但都無晒mood再食喇...無法子, 唯有番酒店房罷啦!!!

去到酒店lobby, 一心以為酒店實有藥箱俾Koey用, 點知原來酒店反而無呢d設施, 因為怕客人用o左d藥反而有咩事酒店要負責...結果我o地唯有要求要一筒冰, 方便Koey敷手...

Kobe眼訓癡住我扭計, Koey又手仔痛變得大驚少怪咁超煩...

結果辛苦擾攘o左都有一個鐘, Koey終於肯放棄浸冰水, 肯拎濕毛巾訓!!

睇見佢終於訓得著, 都估到佢手指仔o既灼熱感應該有所改善喇, 我同老公子都放心d~~

呢日本來係超hea、超平平無奇o既一日, 真係估唔到臨尾會發生'意外', 搞到所有人(除Kobe仔吧~)都無晒Mood...

夜晚臨訓, 我唔開心到眼濕濕, 因為唔多唔少我都有d自責, 係度諗, 如果我無帶Koey去睇o野食就無事, 又係度諗, 應該係我掛住夾o野食睇漏眼所以佢先整親...(其實出事之後我有再行一轉, 但我望o黎望去都唔覺有咩o野係又熱又o係 Koey 掂到範圍...就算我抱起佢o個一陣, 碟千層麵隔離個蒸籠都唔係太近, 如果Koey特登伸手去摸我無理由唔覺...)

本來, 老公子諗住呢晚所有人訓o左就自己落去行下賭場, 甚至玩番兩手, 但佢見我咩mood都無, 仲有d唔開心都唔放心留低我一個人訓, 結果佢都無落賭場, 陪我訓算數!!