17/6/2016 星期四 天陰有陣雨
呢晚我依然訓得好差, 全晚醒o左好多次咁...
當然, 我再訓得少都係最早起o個個啦!! :p
我梳洗完Koey Kobe都起身喇!
Koey好滿足咁一訓醒就o係滑梯到Sir落床!!! HAHA, 我諗好多人小時候都試過有咁o既夢想吧!!!
未拉開窗簾, 黑蚊蚊sir都無問題!!!
小朋友都梳洗好換好衫, 老公同之前一日一樣, 去買早餐!!!
Koey 心情好靚, 知道要同滑梯民宿講bye bye, 主動叫我幫佢同滑梯千秋續一合照!!!!
Koey 平時好少著裙, 著起襯埋個千秋, 好lady, 好少女呢!!!
影o下妹妹~~
開心到合唔埋個口咁, HAHA!!!
同上下格床合照~
樓梯都唔放過~
滑梯~
煮飯仔~
細佬都要同千秋合照~~
勁靚!!!!
震o左少少, 可惜!!
又震, 可惜X2
唔震喇, 但家姐笑到硬o左, HAHA~~~
抱妹妹~~~
無力喇!!!
Koey操刀!!!
老公操刀~~
呢日早餐一樣都係Mos Burger, 食完收拾好行李, 真係要同呢間親子民宿講bye bye喇!!!
約o左今日o既包車司機余先生9:45 o係民宿樓下等!!
小朋友臨別秋波再sir o左陣滑梯就上車喇!!!
可能係呢兩日已經夜訓同玩到好攰, 特別係Kobe, 坐o左一陣車已經問幾時先到!!!
沿路好多平地, 香港少見~~~
妹妹心情好靚, EEAA好似唱歌仔咁!
細佬不停問:點解咁耐o既?
包車司機余先生好似導遊咁, 間中同我o地解紹o下沿路風光~~
見到道路前方o既山嗎? 就係我o地過兩日會去o既清境喇!!!
相中黃色像係達摩!
濟公
見到前面好多個'尖'o既山嗎? 原來係921地震後先出現o架!!! 當年日月潭係重災區之一!!!
見到一支支o既高樹嗎? 就係台灣o既'口香糖': 檳榔樹!!!
滿山都係檳榔樹, 真係好多呢!!!
妹妹繼續好開心!!!
家姐又要一齊自拍!!!
細佬依然好攰好悶, 無咩心機, HAHA!!
差唔多到, 妹妹終於訓o左喇~~
見到湖喇~~~~坐o左一個鐘頭多少少, 車程比想像中短, 到日月潭喇!!!!
今晚住o既民宿~
因為11點時間尚早, 仲未有房間, 我o地先將行李放o係check-in counter後方o既位置, 再一邊whatsapp 今日join埋一齊玩o既好朋友Agnes一家, 原來佢o地都就快到喇!!!!
大約10-15min, Agnes一家都到喇!!!!
Koey同靖靖由出世識到而家, 雖然平時都係幾個月先見一次面(學校長假), 但自從K1尾-K2頭開始, 每次見面都開始friend過打band!!
今次台中見面都一樣, 一見面幾個大小朋友就自得其樂!!!
2個細小朋友~~
民宿o既貓貓~
Settle好之後, 我o地就去附近食Lunch喇!!! 當時落住陣雨, 時大時細, 民宿職員借o左幾把遮俾我o地, 好貼心!!!
好彩, 真係行o既時候雨勢都唔大呢!!!
到喇, 呢間叫明湖老飯店, 上google map評分算OK, 不過去到時, 唔知係咪見我o地9個人實際只係4大人5小朋友, 好似有少少黑面!!!
小朋友繼續自娛~
我o地叫o左個4菜1湯餐再加少少餸!!!
味道OK, 不過唔算太突出!! 我o地坐o左一陣就有唔少團體入座食lunch, 似乎專做團體生意呢!!
yeah, 兩家人同遊台中第一餐!!!
我o地坐窗邊, 望住個湖食, 都唔錯!!!
高高興興開飯!!!
Lunch完行番酒店拎房~~
佑佑搶晒鏡!!!!
回程3個傻小朋友we we wa wa 好熱鬧!!!
有房喇~~~
廁所好大~~
床都四四正正~~ 不過無網頁影出o黎咁靚呢!!!
兩家人放低行李去o下toilet, 半個鐘頭後又出發喇!!! 因為跟住我o地要做做運動踩單車, 所以都盡量輕裝上陣!!!
我o地o係民宿附近租車, 電動單車NTD200, 普通單車NTD100!
Agnes 先試電動單車, 點知扭動手掣時扭得太多, 架車開得好快, 一支箭咁就衝o左去失控, 最後撞o左埋bok整親瘀痛, 真係睇見都嚇一大跳~~~
見到電動單車咁快, 我又揹住Kodi, 老公仲要一前一後載住Koey Kobe先得, 真係有少少擔心!!!
好喇, 兩位爸爸再試電動單車, 順利控制自如!!!
練習o左幾圈, 爸爸們都有信心控制電動單車, 可以載小朋友喇!!!至於2位媽媽, Agnes撞親有D怕, 而我又揹住妹妹, 為安全起見, 都係揀番普通單車算喇!!!
其實要一前一後車住小朋友都幾大挑戰o架, 好彩Koey Kobe唔大唔細剛剛好, 既唔會太細個坐唔定, 又唔會太大個重得滯令爸爸失平衡, 既然真係有前後2 BB座電動車, 即係都有人真係咁載小朋友, 我o地就唯有放膽d試啦!!!
預備好未?
預備好!!
YEAH, 出發!!!!
由租車店到單車徑要先經過一段馬路同地面不平o既單車路, 開頭大家都未習慣架單車, 亦唔慣台灣呢邊右上左落, 踩兩步停o下, 踩兩步又停o下, 速道非常慢...仲先後2次被同樣踩緊單車o既台灣人話呢!!!
踩o左15-20分鐘左右, 終於踩到真正o既單車徑, 大家亦都開始熟習o左載住小朋友踩, 開始越踩越順喇!!!
襯無人, 停埋一邊影o下相~~
話說回頭, 點解我o地一抽二lung都要咁辛苦踩單車呢? 原來呢條單車徑曾經被雜誌選為'世上最美的自行車道'呀!!!!
踩到湖邊喇, o黎個大合照先!!!!
可惜呢日時情時陰, 如果陽光靚D一定好靚呢!!! (不過到時一定又會嫌曬 :p)
影完相上車發生o左少少意外, 因為老公前後坐住Koey Kobe太重, 需要Agnes兩公婆幫手扶住 (我當時車隔得遠同埋已上o左自己單車), 點知已坐上阿輝(Agnes老公)單車車尾o既佑佑探身出單車, 令無人扶o既單車失平衡, 連人帶車跌o左落地撞到頭仔, 真係嚇一大跳!!! 仲要因為大家仲扶住老公架單車無手即時抱番佑佑, 場面都幾論盡!!! 好彩, 我睇到佑佑係膊頭先著地卸o左D力先撞到頭, 加上抱起後喊o左一陣就收聲, 大家先安心繼續出發!!!
GO~~~
踩踩o下又停埋一邊自拍~~ 妹妹矇豬豬咁, 其實我一邊踩佢一邊吹風, 開心到EEAA唱歌仔~~
拍照景點~~ (後尾再踩先知沿路都有好幾個地方有呢個'日月潭石碑'!!)
難得o既'單人'照!!!!! (做o左媽咪o既應該明點解咁'難得'!!)
我試過將相機放o係單車籃度拍, 不過好震, HAHA!!!
阿輝一個載兩個, Agnes可以輕鬆一個人踩!!!
之後我o地就努力再踩落去~~~
其實之後段路都唔算難踩, 但因為之前踩o下停o下咁影相, 都用o左唔少時間, 再加上要顧及回程o既時間, 我o地踩多陣就決定回程喇!!!
回程o既路因為無再停留, 踩得比較順暢 (途中仲見到一班學生踩單輪車, 好利害呢!!!), 大約20-30min(?其實都唔太肯定) 就番到去租車店還車, 妹妹回程踩o左一半左右終於支持唔住訓o左, 但因為佢放軟晒, 搞到成個人'中'向前fing fing o下, 當時我真係好想快D番到去還車抱番好阿妹呢!!!
諗番轉頭, 全程單車都無再落雨真係好幸運呢!!
而家睇番日月潭個地圖, 原來我o地只係踩o左好短路程(但花o既時間氣力盡對唔少o架!!!), 仲要差少少就到永結橋、同心橋同天究步道呢!!! 無堅持多一陣真係有少少失敗呢!!!!
還車時o係租車店外見到四腳爬爬!!!
因為大家都好熱好攰, 去o左便利店買飲品~~ 不過等得都幾耐下...
阿妹呢個時候不停o係酒店床練gut高pat pat 爬呢!!
訪問o下d小朋友單車遊後感先~~
平日少見: 家居電話!!! 靖靖打o黎搵Koey~~~
靖靖落o黎一齊玩跳床, 小朋友間間單單就可以笑到傻o左咁, HAHA!!
一齊吸印仔~~
休息o左半個鐘左右, 又出發喇~~~
唯一o既道路忽然有工程進行中(較早前lunch都無o架!!), 支吊臂好長呀, 老公話係打緊D石屎上去呢!!!
有工程即有危險, 但無奈得呢條路可走, 大家只能好小心咁攝過車邊繼續行~~~
行o左一陣到o左梅荷園~~
靖靖帶o左好多法寶, 係度玩吹泡泡~~
比起踩單車時雲層厚o左好多, 天陰陰呢!!!
自一齊大肚做全職媽媽後，我同Agnes雖然時有帶小朋友相見，但只有兩人o既合照真係少之又少！今次我o地都係第一次同朋友旅行，真係好開心，小朋友有伴一齊玩，我o地2個終於可以影番張難得又珍貴o既合照...忽然懷念起一齊讀U 既日子呢！
兩家人一齊去旅行o既好處：小朋友有伴，大人輕鬆輪流望下就ok, 仲可以互相影o下2公婆合照，扮晒拍拖呢！
唔係講笑, 真係好耐無試2個人非自拍o既合照!!!!!
梅荷園都幾靚呢~~~
難得機會, 影多兩張拍拖照先~~
影完'扮'拍拖相, 番到去小朋友們繼續玩玩玩~~
靖靖去旅行都帶o左好多法寶呢!!!
之後我o地見到有旅行團沿路上山行去呢度上面, 我o地見有時間, 就湊熱鬧跟住行~
但其實條路都幾斜幾長, 仲好多蚊添, 行到上頂, 原來旅行團有登記先入得, 於是我o地就o係斜坡上停低休息o下影o下相就算喇~~~~
天色好靚呢~~
古靈精怪o既2位小妮子~~
行完斜路再加上到o左午睡時間, 細佬開始跌watt~~~不過都仲好合作笑住影相!!!
5隻傻豬仔~~
回程, 望到頭先有工程車條路~~
落山, 兩位小家姐拖住手自己行, 成日行行o下行到出馬路中心, 好彩呢度唔太多車, 不過都要成日喝住兩個傾到忘晒形o既小朋友~~至於細佬, 因為無晒電, 加上年齡差2歲, 又唔係女孩子, 始終未能埋到家姐同靖靖堆, 被家姐仔冷落, 更加無精神~~~
落到去又熱又攰, 見到雪榚, 仲係日月潭呢一帶有名o既紅茶味, 即買!!!
小姐們一人一杯好開心~
細佬一向麻麻o地雪榚, 扭抱訓覺算數!!!
呢頭訓著, 轉頭見到工程車!!!
為o左睇工程車細佬hup o左5min都無又醒o左, 但繼續無心機唔肯落地!!!
行到食飯o既地方喇: 新山味邵族風味餐廳!!!
仲未食完~~
食完又繼續玩~~ 難怪細佬被冷落一旁好悶咁...
妹妹訓醒呆呆滯滯~~
埋身食完奶仲係唔多happy~~
兩個悶悶不落o既小朋友~~~
招牌菜: 椒鹽豬腳!!!
用竹筒盛載上枱, 只係賣相已經好吸睛, 味道亦都唔錯呢!!!!
起筷!!!!
心情麻麻o既妹妹認人!!!
食完飯, o係隔離檔生果檔買o左3個蓮霧番對面民宿, 之後兩家人都各自番房梳洗喇!!!
前兩晚民宿有BB盤, 呢間無, 所以要出動吹氣浴盤喇!!! 不過當我勁想快D去梳洗時先o黎慢慢泵氣, 仲要係小朋友淨住泵, 真係心急到我人都癲...hahaha!!!
o係我幫妹妹沖涼o既同時, 靖靖已經沖完, 其實靖靖一家呢朝4點幾起身, 所有人都好攰, 但為滿足小朋友互相去大家房間玩o既願望, Koey 都係去o左靖靖房搵靖靖玩o左一陣!!!
好彩小朋友都自動自覺 (因為大家都好攰吧!!), Koey 玩o左一陣就落番o黎梳洗喇!!!
好不容易先沖完3隻馬騮!!! Koey Kobe食個蓮霧嘆o下, o係香港我好少買, 佢o地都話好味!!!
呢晚Kodi好早就訓o左!!!
Koey Kobe仲好精神咁, 係都要我開新買番o黎o既繪本童書講!!!
到我梳洗完, 爸爸仲同緊Koey Kobe玩!!!!
最後, 明明覺得大兩個今日都好攰, 點知都係要成11點左右先訓晒...我都就散咁滯呢!!!
雖然預o左呢晚附近都無乜o野食, 但老公都照落去行o左陣, 佢話周圍黑到乜都睇唔到咁, 得7-11同警局有d光, 佢番民宿時個開門掣仲差d無反應, 幾怕入唔番宿呢!!!
雖然今晚宵夜來自7仔, 然但個粥但其實都幾好味o架, HAHA!!!
之後一日會去九族民化村, 傍晚就去清境喇, 敬請大家俾d耐性等我blog埋佢啦!!!
沒有留言:
張貼留言