20160617 星期五 晴
呢晚妹妹無BB床, 用枕頭圍住訓都幾好呢!!!
呢朝我又係最早起身, 訓覺質素普通啦, 但比頭2日已算訓得好喇!!!
我梳洗完, 妹妹都起身喇, 見到我就笑!!!
由於今日行程緊密, 所以7點幾就要叫醒d小朋友喇!!! Koey為o左去靖靖房玩, 佢好梳洗好換埋衫!!
一早起身就畫畫畫!!!
老公出o左去買早餐, Koey 過o左房玩, 我就幫阿妹o係房影o下靚相!!!
第一次試坐, 又坐得幾好呢!!!
睇o黎妹妹都好開心自己識坐呢!!!
好o野, 爸爸番喇, 有早餐食!!!!
食足3日Mos Burger, 小朋友同我老公興趣都唔太大, 成日要我包底...HAHA!!!
之後我o地就check out民宿, 將行裝放o係民宿地下寄存~~
之後9點鐘準時上車!!!!
呢張相細佬好精神咁呢, HAHA!!! 係度玩貼貼紙係面度!!!
開車, 嘩, 今日陽光猛烈, 好曬呢!!! 不過陽光照耀下, 日月潭湖色碧綠, 好靚呢!!!
大約15分鐘車程就到喇!!
九族民化村!!!
九族民化村呢個名, 其實我細個都已經聽過, 但一直都以為佢公園如其名, 係一個介紹台灣9個不同民族o既主題公園...
但原來唔只係咁~~
入o左呢度大門後, 有職員o黎問我o地人數, 唔知係咪見到我o地多小朋友同有BB, 佢帶o左我o地上一架7人車, 當時我o地都唔係太知上架車做乜o架, 但既然佢係職員, 就信佢啦!!
上車坐o左5min左右, 終於到賣飛o既正門喇, 原來落旅遊巴o個道大門距離真正買飛入場o既正門仲有一大段路要行, 職員見我o地咁多小朋友, 就車我o地去, 真係好貼心呢!!!!
去到正門買飛入場, 人唔多, 不過陽光好猛, 小朋友們都要戴黑超擋一下陽光!!!!
今年係九族民化村30周年, 舉辨o左一連串關於舊照片o既活動, 當中包括6月份憑舊照片買飛o既半價優惠, 咁o岩Agnes就有張舊相, 可以用NTD390@買晒我o地4個大人半價飛, 真係好抵呀!!!!
買完飛入場!!!!
o黎個合照先!
另一邊係個好大o既公園, 但封住o左無得入!!!
行o左一陣, 已經見到類似廸廸尼式o既機動遊戲!!!
實在太曬, 先去室內地方玩!
嘩, 原來室內呢度都有唔少玩意, 唔使曬住玩, 正呀!!!
so stupid!!! 因為我都上o左去玩, 俾o左個相機老公影, 影到好似玩photo hunt咁, 早知個相機應該跟我, 等我o係旋轉木馬入面影!!!!
一尾要高, 大家都上o左上層, Koey揀o左木馬!!!!
Kobe本來都上o左隻木馬, 但臨開始轉時都係驚, 要同我坐搖椅!!!
唔係講笑, 其實呢個2層旋轉木馬都幾靚!!!
之後玩小火車!! d小火車有d似Thomas o個D, 小朋友睇見已經躍躍欲試!!!!
轉呀轉~~~
呢張好有動感!!!
之後小朋友話要玩青蛙跳, 其實係小朋友版跳樓機!!!
haha, 大家睇o下d小朋友玩前玩後o既訪問片段!!!
細佬全程個樣好驚咁, 但又無喊喎, 表情超級可愛!!!!
之後又坐o下火車! 呢個時候我就坐埋一邊餵奶~~
玩完火車我亦餵完奶~~小朋友玩o左陣下面呢個~~
食飽訓o左!!!!
之後, 我o地就去玩d剌激d o既~~~~
企o係機動遊戲入口, 大人都有d擔心遊戲太剌激, 又怕會濕身得好緊要, 所以有d猶疑!!!
不過最後大家都覺得難得有伴一齊壯膽一齊玩, 無理由錯過機會嘛, 都係去馬啦!!!
小朋友都穿好雨衣以防濕身, haha, 雨衣係一齊淘寶買, 真係有d似制服呢!!!
大家先陪我去搵個有利位置影相!!!
呢個位對正滑水梯, 正, 係附近比較多昆蟲!!!
妹妹同佑佑就交俾我啦!!! 好彩妹妹訓o左, 佑佑又好乖, 都唔難搞!!!
等o左好似好耐咁, 睇住d船一隻一隻咁衝落o黎, 但都無一隻有人!!!
HAHA, 無錯, 係無人, 所以都幾易睇, 唔怕認錯miss o左!!!
終於等到喇, 拍片成功!!! 但唔好諗住我拍片o既位置好似好近, 影出o黎都係好遠好細粒...
Anyway, 小朋友成功挑戰呢個刺激遊戲, 俾個good大家啦!!!!
聽聽玩後感先~~~
細佬成個人濕晒呢, HAHA!!!
之後我o地再返回室內, 因為Koey 靖靖話要再encore青蛙跳!!!!
細佬唔敢玩跳樓機, 我就陪佢坐轉轉火車頭!!!
HAHA, 又真係幾好玩喎!!!!
HAHAHA, 細佬子出力YEAH!
轉喇~~~~
其實都真係幾好玩呢, 難怪呢個火車頭小朋友可以玩o左3次都仲想再玩, HAHA!!
之後我o地坐架空觀光小火車!!!
Koey Kobe 靖靖坐第一卡!!!
我同老公妹妹坐一卡~~~
坐完之後就玩o左d冒險樂園式o既街舖遊戲機~~~
扮賽車~~
扑傻瓜~
無入錢o架, 但小朋友入去坐o下都好滿足咁!!!
男仔始終係男仔, 再三要求坐番去扮賽車, 扭晒軚好pro咁, HAHA!!
之後再玩呢個~
阿妹雖然全程無得玩, 但都好happy呢!!!
好喇, 玩完一大輪, 係時候去lunch喇!!!! 陽光依然猛烈呢!!!
見到呢個大人跳樓機!!!! 跌落o黎喇, 諗o下都腳仔遠!!!
之後我o地見到有雪榚賣, 即買俾小朋友解o下暑!!!
有4-5個小朋友圍住阿妹o既?
原來佢o地都因為BB好得意, 所以圍住妹妹想引妹妹笑呢!!!
笑得咁happy, 難怪被圍啦, HAHA!!
食完雪榚行多幾步, 見附近有食肆o岩食就入去喇!!!
呢間食肆後面就係過山車, 過山車經過時會聽到轟轟聲同少少尖叫聲呢!!!
兩位小朋埋頭食呀食!!!
是日午餐~~細佬呢餐食少少就話飽話唔食...
時間關係, 加上小朋友都唔o岩玩太刺激o既機動遊戲, 我o地食完就行去搵纜車坐, 要走喇!!!
小朋友們同我呢個攝影狂開始有默契啦, 大家都唔想影十萬次相, 所以每當我話'快閃', 小朋友就會齊齊望鏡頭笑, 好多相都可以快靚正咁一take過呢!!!!
開頭都怕我o地咁多B車要分開2部車坐, 但工作人員示意我o地坐晒一架都無問題, 好, 去馬!!!
坐過海洋公園纜車都知纜車唔會停, 而係不停咁移動咁等人上車, 我o地一行咁多人又細路有BB車, 纜車道門又窄, 差少少就上唔切, 都真係又急又趕又緊張!!!!
升到好高喇, 大家睇到Kobe神情開始緊張嗎???因為佢好怕高呀!!!!!
2 o架B車迫晒入o黎, 好擠迫呀!!!!
見到另一個滑水機動遊戲, 比Koey Kobe靖靖玩o個個高好多水花大好多呢!!!
越升得高, Kobe個樣就越驚!!!!
靖靖Koey笑得好開心, Kobe就完全笑唔出!!!
訪問下先~~~
細佬都係要爸爸抱住先安心!!!
坐o左上纜車站先睇到原來成個民化村都幾大o架, 刺激o既機動遊戲都唔少, 至於纜車下面山坡沿路就係介紹不同台灣民族o既表演區, 其實有時間去睇埋都唔錯o架, 可惜時間唔許可呢!!!
到山頂纜車站喇, 落o左纜車之後其中一邊就係九族民化村出口喇!!! 出閘口時職員吸o左個透明印係每人手背, 等大家可以再入園用, 可惜一直到夜晚都唔知可以去邊搵到紫外光燈, 無得show俾小朋友睇個透明印其實都可以顯示出o黎咁神奇呢!!!
出o左大閘, 有幾檔舖頭賣手信, 當中又放o左支防蚊乳液俾遊客用, 我同Agnes之前o係賣雪榚檔o個度搽過已經一搽愛上, 因為乳液質地好好推, 味道又唔難聞唔刺激, 搽到有蚊咬o既地方亮浸浸好舒服呢!!! 未離開台中前真係要睇o下買唔買到番香港用呢!!!
就係呢支喇!!!
最後, Agnes o係一中街光南大批發度買到, 帶埋番香港俾我呢, thanks!
之後我o地再轉另一間纜車落山, 有o左之前經驗, 今次上纜車快手腳好多, HAHA!!!
睇到山下面zigzag形樓梯!!!
細佬要抱住先安心~~
成個日月潭, 陽光映照下係幾靚呢!!!
由於車廂好迫, 我只能同Koey 影到合照~~
又訪問下~~~
見到下面纜車站喇!!!
伸手出去感受下涼風~~
終於到站喇!!! 太陽超級猛, 真係唔係好想行出去呀!!!
2個小女且一把遮~~
只係停留o左一陣影張相, 雖然有陽光好靚, 但真係熱到叫救命!!!
呢一帶叫做伊達邵, 我o地就係要行去遠處o既碼頭喇!!!
好彩, 行多5min 左右o既步道有d樹陰, 開始無咁辛苦喇!!!
沿路仲見到好大個蜘蛛網!!!
當然仲有網主啦, 好大隻呀!!
行o左陣, 見到有舖頭賣o野喇!!!
有間賣蜂皇漿o既舖頭, 老闆娘好有心機咁介紹我o地知邊隻係蜂后!!
原來邊隻蜜蜂做蜂后係可以人工決定o架!!!
行前兩步, 有o野飲賣!!!
買o左杯冬瓜蜜茶, 消暑解渴, 好正!!!!
之後路邊舖頭又見到養o既大蜥蝪!!!
到伊達邵商店街喇, 我o地叫2位男士去商店街搵上網見到推介o既炸雞, 我就同Agnes陪小朋友入o左間精品店睇手信!!! 小朋友最後每人揀o左一隻小公仔, 其實都無乜特色而且唔算抵買, 係旨在等小朋友有d手信咋, HAHA!!!
好喇, 買完公仔, 男士們都番o黎...但係2手空空呢!!! 其實我同Agnes係expect佢o地買埋番轉頭搵我o地o架...anyway, 溝通問題, 最後我o地一行人再行多次商店街去買小食!!!
就係呢間o既飯飯雞翅
排o左陣隊先買到~~
炸雞入面釀o左香葱糯米飯~
好味道呀!!! 有少少胡椒味好正好惹味, 不過Koey 就唔係太食到, 覺得辣, 細佬就辣都照食呢!!!
一路食一路行番碼頭~~~
要離開日月潭喇, 一行9人o黎番個大合照先!!!
行去搵船~~~船飛係Agnes買, 我都唔多記得幾時買:p
一人一個公仔拎住手拖手行~~
細佬眼訓心情唔好, 又被家姐冷落, 悶悶不樂拖住爸爸, 點都唔肯影相~
係呢架喇~~~
船內地方較窄, 但阿妹訓緊, 所以都係連B帶車咁運上船, 入面只係剛好推到車仔入去, 好彩其他乘客都體諒~~~
開船喇~~~~
小姐們好開心~~
妹妹都訓醒喇~~~係度玩公仔~~
大約10min吧, 眨o下眼就到對岸喇!!
落船時妹妹仲表演食腳趾, 附近乘客同船員都笑! HAHA!
埋岸~~
呢度就係早一日剛到日月潭lunch望住o個個碼頭呢!!!
唔想抬車仔上樓梯, 坐lift~~~
lift門係向外自動開~~
上升時唔可以摸埋牆, 因為架lift原來無內牆, 係可以直接掂到外面o架, 搭唔怪有少少驚小朋友手仔亂摸呢!!!
好喇~~~日月潭主要大街仲係有工程進行, 我o地被人指o左去行另一邊後街行番民宿, 原來後面街都有唔少食店呢, 可惜發現得太遲, 無機會試下~~
3點半, 番到民宿拎番行李去個toilet抹下面仔, 接載我o地去清境o既8人車到o左喇!!!!
其實未出發到台中前都搵o左好多間租車公司, 雖然妹妹只係BB唔佔位, 但好多間都要我o地分開2架車先肯接, 得呢一間公司肯咋!!!
臨上車, 日月潭開始落少少雨喇~~~
我o地實在係太幸運喇, 不論尋日踩單車定今日去民化村玩定遊湖都遇著好好天氣,等我o地玩夠走先再落雨, 你話係咪好運呢!
下一站: 清境!!! 車程大約個半鐘!
出發~~
(去到清境又有咩玩呢? 記得繼續留意喇!!!)
沒有留言:
張貼留言