沙巴遊記只係寫o左2日暫時要停一停, 因為另一個旅程又要展開喇!!! (無錯, 由於忙住plan行程同處理不同家中大小事務, 沙巴遊記的確大受影響, 寫得比預期中慢!!!)
Anyway, 橫掂沙巴遊都過晒氣咁耐, 當然寫o左比較新鮮o既遊記先啦!!!
4月10日 花蓮遊正式展開!!!! 因為航機班次改動, 我o地比原先遲o左2個鐘頭起飛 (好彩仲有足夠時間改酒店改行程!!), 所以呢日我o地朝早仲有大把時間o係屋企執拾同同Koey一齊扮靚靚!!!
唔使煮飯o既日子, 靚靚指甲又可以出動喇!!!
執拾好行裝, 2點鐘多少少抵達機場喇, 靖靖一家已經到o左喇!!!
Check-in 先知, 原來一行9人只包得一架BB車可以免運費, 另一架BB車要加錢先可以托運...結果靖靖佢o地決定即場買行李, 順便寄埋D行李...
下次再同朋友一大班人旅遊, 似乎都係分開買機票著數呢!!
Check-in完出發去閘口喇~~ 因為唔使食o野, 時間都幾充裕!!
5位小朋友~~
兩位夾都無咁襯o既小妮子!!!! (連身裙, 背包都差唔多款式呢!!)
坐完無人駕駛, 去到閘口仲未入得閘, 似乎都要DELAY呢~~
兩位小姐仔自得其樂, 唔係貼貼紙就畫公仔, 兩個細BB又未夠大一齊玩, 夾o係中間o既Kobe被冷落一旁好無聊!!!
我影相佢唯有搞搞震!!!
妹妹唔使坐BB車或BB椅, 可以同大人們一齊坐, 好快好Hyper!!!
等呀等, 等呀等, 老公3點幾用app 睇先見到架機仲o係澳門上空飛緊, 仲未到香港機場..睇o黎要delay呢!!
終於, 4點鐘可以check-in喇!!!
閘口相, YEAH!!! 第一次咁多人一齊影呢!!!
上機, 小朋友要自己坐一行~~~
我o地就坐隔離
爸爸們同佑佑就坐Koey Kobe 靖靖前面~
起飛無耐, 妹妹就訓o左喇!!! 呢程機佢都無咩大叫或扭計, 算係咁~~
小姐們自顧自畫畫畫, Kobe可能太悶, 最後訓o左大半個鐘!!!
小朋友們唔係訓覺就係自娛, 我同Agnes可以好free 咁傾o下計, 眨o下眼個半機程好易過, 妹妹仲訓到落機前先醒呢!!!
落機已經6點半, 小朋友們落機後都好似好餓咁...本來我只係用暖壼預備o左下午茶~~~4條小蕃薯~~俾妹妹, 但見大家都咁餓, 連一向唔多食番薯o既Kobe都主動問我想食番薯, 原本以為有多o既4條小蕃薯竟然發揮到極重要作用, Koey Kobe Kodi同靖靖每人一條 (佑佑另有下午茶)醫醫肚餓, 真係估唔到咁有用呢!!!
媽媽們同小朋友們開餐, 爸爸們就負責排隊入境!! 過o左關後call 有折的士入巿區, 本來等o左唔太耐已經有車, 但爸爸們又咁o岩去o左搵櫃員機提款, 所以我o地先後錯過o左2次車呢 (的士有客唔等我o地去o左接其他生意, 好彩佢o地又會繼續幫我o地叫其他車o黎!)!!
小朋友們乖乖地等爸爸!!!
大家有無留意到Koey 個靚行李gip? 其實係上次沙巴遊之後, 我無諗過咁 快又去多次旅行, 就同佢講, 到佢大個D又應承媽咪自己照顧個行李, 佢就可以有自己o既行李gip!!! 結果原來咁快就再去旅行, 所以我都兌現承落, 買o左個靚gip俾Koey喇!!!
小朋友發現到後面個書架竟然有兒童書, 齊齊o係度睇!!
等o左一輪, 爸爸們都番番o黎, 唔知係咪已經被旅客提晒款, 搞o左咁耐原來1蚊都提唔到!!!! (因為個個旅客都試幾轉, 所以人唔多, 但排o左好耐!!) 好彩, 我同Agnes上年去完台中後都仲有台幣剩, 所以身上未至於無錢, 如果唔係坐的士番巿中心呢轉都唔知點算囉!!!
終於, 差唔多8點, 我o地到民宿喇!!!!
妹妹見到小矮人好開心咁~~
因為原先book民宿時無諗過會咁遲到埗, 所以無通知到民宿主人我o地咁夜先到, 結果摸門釘!!!好彩民宿門口o既舖頭有人, 佢教我o地點聯絡民宿負責人!!!
等o左大約10分鐘吧, 好快民宿職員就o黎到, 幫我o地開門同帶我o地上房喇!!!
呢度係2樓, 我o地間房就o係呢度, 房外仲有個好大o既客廳common area!!!
我o地間房!!!
廁所好大呢!!都幾乾淨企理!!
再行入去~~
間房都幾大喎~~
Wow!!!!
小朋友們第一時間就去玩囉~~~
其實我o地都仲未食晚餐, 小朋友們有得玩就餓都唔記得!!!!
妹妹sir o左兩轉被滑梯啜住手臂仔, 之後唔敢再sir, 哥哥想抱佢sir佢就掙扎!!!
靖靖佑佑放低好行李都落o黎搵我o地喇, 當然要sir番兩轉先啦!!!
好喇, 真係要出發食o野喇~~~
其實民宿個出入口都幾靚~~
由於當時已經八點半左右, 原本想食o既食店, 甚至後備一早搵定而又美道唔錯o既食店都已經關門, 我o地只好臨急google o係民宿附近而又仲開緊o既求其醫下肚算~~
入夜o既花蓮街道都幾靜, 除o左賣衫o既仲開, 好多舖頭都關o左門呢~~
行o左5min 左右, 到喇~~
呢間舖頭係食牛肉麵o既~~
因為無大枱, 所以我o地兩家要分開坐同分開叫, 無得同枱無得試多幾樣呢!!
第一碟上o既係番茄蛋, 大家都太肚餓, 9秒9 K.O. o左!!!
炒菜Koey食o左好多!!
牛肉麵
排骨湯麵
牛腩撈麵
三杯雞
全部味道都唔錯, 特別係三杯雞同埋杯紅茶, 好好味同好好飲, 不過牛腩麵味道唔算特出, 無驚喜!! Anyway, 臨急搵o既算係唔錯o架喇!!!
食完回程~~
影下個走廊先~~
行上4樓參觀o下靖靖佑佑間房~~
wow, doraemon主題房都幾靚呢~~
小朋友係咁團團轉~~
開埋燈仲靚~~
時間都唔早, sir o左一陣我o地都落番去自己房~~
唔止小朋友掛住玩唔願去沖涼, 連我都想襯佢o地未換衫影多幾張靚相!!!
小朋友掛住玩唔願影, 咁o岩喇, 我影!!!
妹妹攬住個龍貓公仔都好開心, 不過郁得太勁, 影唔到~~
家姐想o係呢度訓, 但可惜無床褥...所以最後都唔成事!!
好喇好喇, 影夠喇!! 要幫小朋友沖涼喇!!!
因為沖涼房都幾大, 又係親子民宿所以設備都幾齊, 有浴盆外仲有矮椅子, 讚!!
沖完涼又玩過~~
攬住一齊sir~~
開心到呢~~
玩夠喇~~係時候訓喇!!!
同以往一樣, tum訓覺時間就係老公自由活動時間!! 老公今次仲有任務在身, 就係去拎訂o左o既書同埋提款 (後尾先知, 原來而家銀聯改o左要網上認證o左先可以o係海外提款, 老公又無帶銀行個舊security密碼o係身, 所以無法完成認證, 及後全程洗費就要靠Agnes一家喇!!!)!!
東大門夜巿, 老公話太夜乜都關晒門無o野行~~~
同一時間, 小朋友終於訓晒~~Koey可能太hyper, tum o左半個鐘先訓著, Kobe就一貫極速訓o左!!!
至於呢個衰妹呢, 可能o係飛機訓得太長同太遲先起身, 佢結果典到11點半先訓著...悶c我呢...搞到咁夜我先可以去梳洗, 真係想打佢pat pat, HAHA!!!
放個龍貓公仔陪你訓啦, sweet dream Kodi!!!
老公12點多D番到, 當然有宵夜啦, 不過佢話只係見D舖未收求其買咋, 好多店都關晒門都無咩得揀!!!
結果呢...的確唔太好味, HAHA!!最好味應該係個紫米糖水喇!!!
沒有留言:
張貼留言