澳門免費豪華住宿之旅 ~ 豪華酒店篇

26/11/2010

14w3d, 今篇唔講懷孕回顧, 講番呢日星期五, 我同老公子都請o左半日假, 因為今日我o地要去澳門呀!!

如果大家記得, 應該知道小妹好好彩, 寫遊記得到冠軍, 得到價值接近每晚1萬8千蚊o既澳門豪華住宿2晚, 因為個package 12初之前就到期,所以雖然6月先去完澳門, 我又大住肚, 但點都要出發用左個package喇!!!!

行運一條龍 (有offer, 仲嬴o左冠軍!!!)

去新城領獎及做訪問

相信澳門大家都去過, 但價值1萬8千蚊一晚o既住宿相信就未必人人住過喇, 今篇blog就帶大家參觀o下我o地住o既地方啦!!

我o地住o既係十六浦Sofitel酒店, package包迷你酒巴酒水任飲, 私人管家, 免費酒店來回碼頭接!!

酒店安排接送, 去到酒店就由VIP Service Director帶我o地去Mansion Room o既私人出入口!

出入口走廊o既坐椅!

私人出入口通道通去酒店ball room, 條樓梯好grand呢, 不過最後都忘記o係呢度同老公子影相!

Mansion Room專用私家Lift!

我o地o既房間係8/F!

一出lift就見到好靚o既池!

o係池邊出口,可以直達VIP專用泳池!

可惜天氣太凍,老公子極想係度游水呢!
P.S. 對岸應該係大陸!

由VIP泳池區望番落普通住客泳池, 個view好靚!!

VIP泳池望番去Mansion Room (紫色area就係, 不過我地住o既房唔係望呢邊!)

係時候行番入去, 帶大家去Mansion Room參觀喇!

Mansion Room大門原來無影過相, 不過個大門其實一d都唔靚,不影也罷!!
VIP Service Director叫我o地o既私人管家帶我o地入屋參觀, 介紹d搖控點控制室內燈光同影音, 仲有窗簾開關!

呢度係大廳!

樓高2層o既落地玻璃!

酒店送俾我o地o既welcome gift: 一盒朱古力, 一盒luxemburgerli, 仲有香檳!

朱古力o個盒忘記影相!
呢盒太甜...

客廳隔離就係飯枱!!呢個area我同老公子坐都無坐過...HAHA!!

酒店送o既生果盤, 我o地只係食o左提子同土多啤李, 其餘都無機會食, 好浪費呀!!!

迷你茶水間!

仲有客廁!!我同老公子都無用過!

係時候帶大家'更上一層樓'喇!

睡房area!

老公子急不及待上網搵美食!

書枱, 化妝枱, 茶机等等, 全部傢俬都好精緻!

我認為全屋最靚就係呢個corner位!!

衣帽間!

連間單o既健身用品都有!

特大浴室!!坐廁, 企缸,2個洗手盤, 同埋主角~按摩池, 仲有個大電視, 可以邊浸浴邊睇!

沐浴用品都係名牌子!

去toilet都有得睇電視!!個坐廁廁板係長期暖o架, 一坐落去暖lup lup!!

坐廁o既控掣panel, 我除左flush同開關廁板蓋外, 都無用過其他lu!!

雪櫃內所有洒水任飲!! 當然, 咁多酒我o地2個都飲唔到咁多, 而家佢o地全部搬o左番屋企個雪櫃度!!

印像中去旅行呢支o野多數要錢, 難得今次免費!!

有氣o既水, 都係free!!!

間複式酒店房係咪好正呢?老實講, o係私人管家帶我o地參觀時我己經忍唔住開心到暗暗偷笑, 因為我咁大個女真係未住過咁靚o既酒店房, 真係好開心好開心, 唔知我同老公子呢世人以後仲有無機會再住咁靚o既酒店呢??!!

嘔嘔嘔 (回顧第13W)

16/11/2010 (13W)

終於等到13周, 時間真係過得又辛苦又漫長...害喜真的會續漸消失嗎??

唔知係咪心理作用, 尋日係有左以O黎第一次午飯及晚飯都無作嘔感覺o既一日, 加上個肚好似扁左咁 (應該係因為個胃無咁脹!!!), 唔知點解反而無咁實在...乖豬, 你係咪真係o係我肚入面呀??

==================================================

19/11/2010 (13W3D)

等到13wk, 一心諗住害喜應該會開始消失, 點知都係時好時唔好, 今日嘔左舖勁o既, 係我自9wk開始差唔多日日嘔o既生涯中嘔得最最最離譜o既一日...因為我嘔晒成餐lunch出o黎, 之前多數嘔啖酸水就無事, 估唔到今日嘔成咁...

嗚...

=====================================================

16W3D按:

之前好似都無提過, 我由朝到晚作嘔作悶o既日子, 去到13wk真係得到改善, 至少, 變成食完每餐後先作嘔作悶, 無作悶時, 個人真係精神o左, 個胃亦真係無咁脹, 肚圍由9w時33寸到13w都係33寸, 但肚型唔同o左, 因為個胃o既位無咁脹!!!

至於嘔, 其實我係去到差唔多10wk先真正第一次嘔出o黎, 但自此就慘喇, 我差唔多每日都會嘔, 仲要'嘔'無定時, 唔似d人話多數朝早嘔...仲要一嘔親就係不能自控咁衝出o黎, 試過2次係衝唔切去toilet...

總之三日唔埋兩日嘔o既日子, 一直到今日16周半都仲係咁...而且仲有越嘔越勁o既感覺, 開始唔止嘔酸水, 嘔埋食o既半餐甚至成餐o既情況亦偶有發生, 都咪話唔辛苦...

我己經成個月無重過, 由未有到而家, 只係重左5-6磅, 希望乖豬吸收到啦...

大肚做姊妹 (回顧第12W)

13/11/2010 (12W4D)

快到13wk, 尋日我去左做姊妹, 5點半起身一直到夜晚2點先訓得, 雖然成日大家都好照顧我, 但始終真係好支力, 今日我簡直全身散晒咁, 成日攤係屋企邊度都無去!!

講番大肚做姊妹, 其實感覺都幾難忘, 因為有唔少趣事:

1. 成日嗌肚餓!!!
去到邊見有西餅就好似餓鬼咁第一時間拎o黎食...

2. 嘔, 嚇親兄弟姊妹們!!
到lunch食pizza, 食得一件pizza+一件雞槌我就作嘔作悶反晒胃 (應該係太肥膩!!), 最後仲o係出發去石澳影相時, o係停車場嘔!!! 嚇親各位兄弟姊妹, 怕我唔舒服...反而係我掉番轉話番俾大家知呢D係好正常, 我己經習慣晒, 唔使worry, 我嘔完就可以鬼咁精神... HAHAHA!!!

3. 上台合照kick親跌一跌!!
去到酒店, 新人切蛋榚時叫兄弟姊妹上台大合照, 我本來已經極小心抽起長裙先上梯級, 點知都係唔知點解咁俾毛毛地氈kick 一kick, 搞到成個人失左重心跌一跌(放心, 無跌低o架!!!), 嚇到大家飛起, 紛紛衝前扶住我, 仲有姊妹話 '呢個個唔跌得o架!!' , 場面好窩心, 又嚇一嚇大家, 唔好意思呀, 不過我真係好心暖o架, hehe!!

========================================================

16W3D按:

估唔到, 原來我做姊妹呢輯相真係脹o左唔少, 唔少人都係因為呢d相而估估下我係咪有左呢!!!

Oscar test (回顧第11W)

8/11/2010 (11W6D)

終於等到去威院做oscar o既日子喇!!!

因為好多人都話好彩o既話, 只要姑娘/醫生好人, bb個pose又靚仔o既話, 會有機會見到bb性別, 加上oscar test係檢查bb健康o既一個重要測試, 所以我一直都好期待今日o既來臨!!!

希望:

1. 遇到個好醫生 (但原來係姑娘照o既,唔係醫生!)
2. bb要擺個靚pose, 唔止for度頸皮, 仲要俾我o地清楚睇到性別
3. bb要郁俾爸爸睇 (因為我問老公子期唔期待見bb, 佢竟然話其實佢無咩感覺, 因為到而家都好似好唔實在, 好似仲未肯定bb係度咁喎~!!!所以我好想老公子睇到bb郁, 等佢感覺到一個小生命真係o係老婆子我肚入面!!)

下午o係公司食埋個午飯就帶住興奮o既心情出發去威院!!!約o左2點15分, 我同老公子差唔多2點10分到達(但老公子無時間食lunch, 好可憐!!), 時間剛剛好!!先去度高磅重, 重量同一星期前去健康院一樣, 但身高矮o左1.7cm...

之後等o左15分鐘左右就有得入房照喇!!!姑娘好似都幾好人, 佢話bb個pose好似倒豎葱咁, 睇到佢個頭形好似外星人咁, 面尖尖, 不過呢個pose度唔到佢頸皮, 姑娘好力碌o左我個肚一陣bb都唔郁, 無法下, 姑娘就叫我去抽血, 行個圈番去先再照!!

血眨o下眼就抽完, 由於想bb郁,所以我索性行兩層樓梯上番婦產科, 之後仲去埋toilet先番去診室外等!!!除o左我o地之外, 我仲留意到有另外2 pair都係好似我咁, 照唔到要出去行一轉, 其中一pair比我o地快一步入o左診室, 點知一入就好似半個鐘, 睇呢位媽咪年紀比較大, 個肚又大, 似乎係孖胎,唔怪得照咁耐先出番o黎啦!!!

見孖胎媽咪出番o黎後我同老公子一個箭步就入去診室, 姑娘又再幫我照喇!!!

一照, bb今次係側面訓係度, 仲不斷郁手郁腳彈彈下, 好似蜈蚣彈又好似一隻蝦仔咁郁, 好得意呀, 老公子更加係第一次見到bb郁咋, 唔知佢有咩感覺呢!!!

姑娘好努力(同用力)咁又zoom又碌咁度, 度o左5-6次頸皮, 平均好似係0.118 (單位唔知係cm定mm...), 總之問姑娘, 佢話頸皮算係簿!!!至於bb身長原來己經有5.93cm, 3星期前仲係2.15 o架咋, 估唔到有長大o左咁多喎!!!最後, 有另一個姑娘(後尾先知係中大d醫科生)入o左房, 我就o係呢個時候request姑娘試o下睇唔睇到bb性別, 點知俾姑娘拒絕o左, 因為姑娘話今日d case個個都好唔順利, 佢照到手都軟, 連醫科生都叫我唔好難為姑娘今日咁辛苦, 叫我唔使咁心急, 等bb大d先再睇性別...

就係咁, 最想知o既性別暫時始終係個迷...至於超聲波相, 姑娘亦都以'唔會送'去拒絕o左我...

照完bb己經4點半, 老公子極肚餓兼趕住去機場睇清明上河圖, 所以佢就先走!!!至於我, 因為應承o左幫中文大學做研究, 所以仲要去另一間房做問卷度骨質密度同結構, 原來個study係想知vitamin d同懷孕婦女所生o既bb健康有無關係, 就係咁, 一搞就到5點半我先真正離開威院(好彩個醫科生都幾好人, 仲祝我bb生得好似我咁靚添, 嘻!!!)!!!!

wow, 足足係醫院留o左超過3個鐘先走得, 同番工一樣咁夜呢!!!

雖然今日又唔知bb性別又無相留念, 但今日能夠見到自己bb活活潑潑咁, 始終係一件開心事!! o黎緊要12月10號先再去威院做第一次產檢, 不過醫院產檢無得照超聲波o架, um...睇o黎隔多4個星期要去私家見o下bb先得喇, 我怕隔太耐我會掛住bb呀!!!

生日禮物 & 第一次健康院檢查 (回顧第11W)

2/11/2010 (11W)

今日生日,雖然照樣番工, 放工都只係簡簡單單番屋企同家人切蛋榚慶祝, 老公子又無買任何禮物表示, 但今個生日, 依然係一個特別o既生日, 因為我肚入面有o左你呀, 我o既乖豬!!!!

先前post 過o既兩條托腹牛仔褲!!

依件靚靚rabbit大肚衫都係淘寶買o既!!!我, 我媽同我老公子都覺得呢條大肚裙好靚!!!買佢, 當然係因為隻閃石兔仔啦(不過都唔平呢, 要二百幾蚊!!)!!

今年好似係少有一年生日一張相都唔影...haha, 咁又點得呢, 於是就影o左呢張'一家三口'相留念, hehe!!!

===========================================================

3/11/2010 (11W1D)

尋日無請假, 今日卻請o左成日sick leave, 因為今日第一次去健康院產檢!!!

我媽陪我10點鐘去到, 一去到就驗尿, 點知驗到我有少少蛋白尿喎...姑娘叫我隔一陣睇完講座再驗!!!噢...蛋白尿唔方好野啦, 不自覺有點擔心....

之後度高磅重量血壓,血壓正常, 身高162, 重54.6kg,  ...嘩, 慘囉, 即120磅...成世女未試過咁重...比未有之前重大約5磅, 但其實2星期前仲係重o左2磅左右o架咋...原來不知不覺呢兩星期重o左咁多...再咁重法,真係不敢想像...實變大肥婆lu...

量完身高, 入o左間房聽講座...正確d講, 係睇電視影帶!!!睇完先知, 原來我留小便驗尿o既方法做錯晒...

睇完, 再用番正確方法留小便, good, 今次無蛋白尿喇, 放心晒!!!

之後等多十幾分鐘, 見姑娘, 姑娘都幾好人, 但其實都係問下對上一次m到, 父母病歷之類, 無咩特別!!! 見完姑娘再等多10分鐘, 見醫生!!!女醫生幾後生, 仲好好人, 幫我檢查乳房同模肚, 佢話好勉強好勉強模到少少脹起o既子宮, 話我因為11wk子宮未夠12wk大,所以未必可以用胎心機聽到bb心跳!!!不過, 醫生都好努力咁幫我用個機碌下腹,碌o左好耐, 可惜都係搵唔到bb心跳...噢, 始終都聽唔到bb, 有少少失望!!!

另外, 我仲問o左醫生其實bb係邊,原來o係d毛毛對上少少o架咋!!!咁...我個肚突出o黎o個d係咩?哦~~~原來係個子宮頂o左d腸上去, 所以, 我小腹突出o黎摸落硬硬o地o既其實係腸, 而我成日feel到間唔中彈一彈o既唔係bb, 只係d腸o者!!!!

最後, 就係抽血, 我之前試過捐血因為血管收縮捐好耐, 點知今次姑娘話我左手血管靚,抽左手, 快到baba聲就抽完, 真係未試過抽血咁順利, 我見隔離位準媽媽抽唔到,要兩個護士幫手, 好似好慘咁呢...

終於, 12點15分先搞掂, 估唔到唔使點等都要搞2個幾鐘, 真係耐!!!

臨走, 撞到係健康院做姑娘o既中學同學, 佢恭喜我仲問我幾時預產期

我: 5月24
姑娘: 同jodi差唔多喎!!
我: o下, 佢12月頭生得喇喎...
姑娘: 哦, 差半年o者...

haha, 原來係姑娘心目中, 差半年係好少, 但o係我呢個新手媽媽心目中, 唔好話半年, 我個好朋友戰友個肚大我5wk, 我己經覺得我同佢經歷緊o既大肚stage都好唔同喇....hahahhaa!!!!

檢查完, 約o左1月生得o既小學好朋友percy lunch兼shopping, 佢介紹o左間大肚衫舖頭俾我, 我買即買o左條大肚西褲同兩條底底, haha, 其實間o野一直都係度, 但可能唔係大肚婆啦, 我真係完全唔知成日行o既商場有間咁o既舖頭!!!!

今日同percy傾o左好多計, 又一齊買大肚o野同做師奶去超巿買食送,hehe,呢d生活好正呀, 如果真係可以唔使do就好喇!!!

===========================================================

5/11/2010 (11W3D)

早幾日'迫'老公子同我上網睇johnson's homepage個講座video, 學o左少少孕婦按摸, 於是連續幾日叫老公幫我按, 有時間就做晒全套, 無時間就就咁鍊下手、手指、背部, 唔知係咪呢d按摸真係有效, 定純綷因為老公透過按摸俾到安全感我, 我呢幾晚訓得出奇地好, 直頭係有左以o黎訓得最好o既幾晚, 唔似之前咁只能'淺睡'同成日無啦啦醒o左醒o左勁精神訓唔番, 亦無再夜尿頻頻 (可能進入深層睡眠, 都唔覺得急lu!!), 總之, 真係訓得好o左好多, 真係要多謝老公子!!!

老公子, 你要勤力d幫我按摸喇!!!勞煩晒!!!