10/5/2011 (38W)
肚圍: 39寸, 體重: 139磅 (咦, 個肚無再脹大喇喎, 生得前唔知過唔過40寸呢!!)
======================================================
尋日傍晚下腹好低好低位置有d怪痛, 種痛之前未試過o架, 似係乖豬己經移得好低好低然後郁到我痛咁呢!! 由於之前未試過咁痛, 所以我都有諗係咪生得, haha, 不過種怪痛只係一下一下咁, 同埋個肚皮無硬晒, 所以只係流料...
唔知真正o既陣痛會係點o既呢...希望我withstand到啦!!!
======================================================
11/5/2011 (38W1D)
老公子忽然問我放一個星期假係咪都夠, 我梗係覺得唔夠啦, 原來老公子話好難handover喎...但老公子又唔係無假, 又一早同老細講o左嘛, 所以我唔會讓步o架, 老公子一定要最少放2星期...乖豬大晒o架嘛!!!
======================================================
12/5/2011 (38W2D)
考慮o左一排, 最終都係決定買部高清dv機拍乖豬, 因為手頭上部相機唔可以拍高清呢!!!
大家都知我老公子一向唔鍾意影/被影相, 所以之前其中一個好大考慮, 就係怕買o左老公子唔幫我同乖豬拍片!!! 雖然老公子之後用唔用仲係未知之數, 不過, 睇番我爸當年係我一歲幾時就用自己幾倍人工買部攝錄機, 等我而家都可以睇番我歲幾時o既片段, 我同老公子都覺得呢樣投資應該係值得o既, 更何況而家買部dv機根本就唔使幾個月人工, 可以拍得清d靚d等阿女大個睇番, 相信大家都開心o既!!!
仲未拆盒, 我想迫老公子試機, 唔想佢又依賴我去試, 變o左又係得我識用佢唔識用...
乖豬仲未有聲氣...雖然都真係想佢早d同我o地見面, 不過我都開始意識到乖豬o係我肚入面o既日子買少見少喇, 要好好記住乖豬係我肚入面同我心連心o既感覺!!!
乖豬, 你出o左世就係一個獨立個體喇, 我再唔可能去到邊都同你一齊o架喇!!!
肚皮大特寫, 好彩個肚臍都無突到出o黎, hehe, 仲見得o下人o架!!
======================================================
今日又約o左cindy同rebec lunch, hehe, 好開心, 唔知今次係咪生B前最後一次同佢o地食lunch呢???
lunch後去健康院, 第7次健康院檢查喇, 如果好彩, 應該係最後一次 (下次仲要去o既話己經40w2d o架喇!!!), 其實佢cut o左資源36周後都係2wk檢查一次都未嘗唔係好事, 因為無事無幹, 下下都成個鐘例排check o個幾樣, 的確有少少麻煩!!
今日都一樣, 驗尿血壓磅重正常, 腳只係少少腫, 摸肚時姑娘話bb己經落o左好多, 我問係咪即係唔使等到40周就生得, 佢無正面答呀, 亦好似上兩次咁, 問我仲有無去私家照, 我話無喇, 但32周時係掉o左頭, 我問佢係咪好難摸佢個頭, 佢話都係, 唔多明顯!! 不過依佢所摸, 似係落o左好多, 只差在宮口幾時開咁解呢!!! 係就好喇, 我唔想等到40周呢!!! 最後見埋姑娘, 今次我無o野想問(其實都真係無咩好問喇), 結果1個鐘左右終於走得!!!
希望下次去健康院唔係產檢, 而係抱住乖豬去啦!!!
======================================================
13/5/2011 (38W3D)
今日落雨, 媽咪叫我唔好出街...嗚...被困在家, 好悶呢!!!好彩今日天氣唔太熱咋...
講番尋晚, 約凌晨5點我都唔肯定係急尿定肚痛醒o左, 於是去toilet, 忽然一下好似攪肚痛o既感覺出現, 持續2妙左右啦, 係咪陣痛o黎o架???由於太緊張, 之後我就訓唔著喇...之後好穩約有d攪肚痛感覺, 但都無之前o個下咁強, 後尾仲無埋添, 結果我7點幾再訓到9點幾先起身...
之後都係少少肚痛, 其實可能係我尋晚食o左龜靈膏, 所以清腸胃吧???...anyway, 總之又係流料, 成日自己嚇自己添...似乎我唔應該咁緊張呢...hahahhaa!!
======================================================
14/5/2011 (38W4D)
蔡少芬生o左個9磅幾巨b女, 好勁呀!!! 唔知我乖豬出世又會幾重呢??? 話晒我32周之後都無再照過乖豬喇, 唔知佢係咪仲係中碼size呢??
另外, 呢幾日等到好悶呢, 有d似等運到咁, 究竟乖豬幾時會出世呢???
======================================================
15/5/2011 (38W5D)
繼續疑神疑鬼...話說尋晚5點肚痛醒o左, 同假宮縮o既感覺差唔多, 但係就似m痛, 心諗, 仲唔係??但去toilet又唔見紅喎, 番上床囉囉戀係度check時間, 發現差唔多10分鐘假宮縮一次, keep住個半鐘都係咁, 仲差d想叫醒老公子叫佢今日唔好踼波...正打算唔再訓, 去toilet坐o下, 點知d宮縮就咁就停晒, 之後番上床由朝早7點幾醒到10點都無再痛醒...嗚...點解又係流料???
雖然又係流料, 但o個種有m痛感覺o既假宮縮都頗痛, 如果感覺再強烈d相信都真係幾痛苦...真係要有心理準備先得!!
======================================================
16/5/2011 (38W6D)
似乎乖豬想住到第39周喇...hahaha!!
倒數階段啦
回覆刪除[SkyBlue回覆05/10/2011 15:33:00]係呀, 唔知乖豬想邊日生日呢, hehe!
緊唔緊張呀~~~~ 聽聞有人臨生前幾個星期可能會開始假宮縮, 因為子宮開始practise收縮, 不過我當時就未試過~~~ Btw你就生都keep到39真係好fit, 我諗你實好快修身成功!!!
回覆刪除[SkyBlue回覆05/10/2011 17:10:00]我有假宮縮呀, 2X周開始間中都有o架, 呢排都多o左少少, 但都唔算太密囉!!原來你未試過假宮縮...我以為個個都會添!!
承你貴言, 希望修身成功啦!!(不過到時要餵b, 可能進補再肥d???hahhaa)
雖然我生過b, 但都唔知係點呢....(因為我39w2d 開刀).
回覆刪除預祝你生產順利呀!
[SkyBlue回覆05/11/2011 10:18:00]雖然怕好痛, 但又好期待呢!!
如果開始痛得有規律既就係堅料呀,如20分鐘痛一次。 假宮縮我都未試過呀,一來就堅料啦! 你老公最好放兩星期啦,初初真係要多點人協助呀!
回覆刪除[SkyBlue回覆05/11/2011 16:57:00]但o個種痛有幾痛o架?? d 人話似m 痛, 但其實我一向m痛都唔多痛...
文可以拎大假真係好...... hong當時好似只係放左一日半 (半日接我出院, 一日公司父親產假)..... 呢單野我由BB出世講到而家
回覆刪除[SkyBlue回覆05/11/2011 16:59:00]haha, 但你有媽咪/奶奶陪你???我用電磁爐, 奶奶/媽咪我估都唔會陪我坐月, 因為佢o地上o黎陪我就變o左照顧唔到我三餐呢...所以老公一定要放假!!!!
係好強勁既m痛加埋臨尾個野有急屎既痛...haha
回覆刪除好想快d見到你乖豬呀
[SkyBlue回覆05/11/2011 18:40:00]haha, 我都想佢早d出o黎...而家天氣咁熱, 我一個人係屋企熱到傻但又唔想開冷氣...乖豬出o黎後就大條道理開冷氣...hahahahaha!
我的肚呢家都唔見得人，仲好大同好多紋
回覆刪除[SkyBlue回覆05/12/2011 16:41:00]你生之前有紋未?定生完個肚收縮d紋先現o架???
個肚好大呀
回覆刪除種感覺一定好奇妙
[SkyBlue回覆05/12/2011 16:42:00]hehe, 係呀, 一生人無咩機會接近40寸肚呢!!!!
FEON, 你好靚呀~ KEEP到好好呀..D 手仲好幼TIM! 勁呀~ 加油, 祝你順順利利生到乖豬出黎啦~
回覆刪除[SkyBlue回覆05/12/2011 19:36:00]thanks mandy!!!! 希望承你貴言, 一切要順利呢!!
加油呢~
回覆刪除[SkyBlue回覆05/13/2011 10:40:00]大家咁話呀!!!
加油, 我都替你好緊張呀!!!!
回覆刪除媽媽真係好偉大, 好勇敢, 想起乖豬, 痛都唔怕啦... 好快就過啦 (我聽新 mama 抱起 BB 時講的)....
[SkyBlue回覆05/13/2011 10:47:00]希望希望, 而家日留意住自己身體有無咩特別感覺呢!!好期待呢!!
日日睇住你update, 我都戥你緊張呀...呢個重要時刻好快就到喇!!
回覆刪除[SkyBlue回覆05/13/2011 10:39:00]我都好期待呀, 而家成日留意住自己身體有無咩特別感覺呢!!!
好緊張呀...希望你一切順利
回覆刪除[SkyBlue回覆05/14/2011 20:12:00]thanks thanks, 希望唔使咁咁多日...haha
咁快38W4D, 希望你的乖豬快D出黎, 同我B一齊玩啦~~~~~
回覆刪除[SkyBlue回覆05/14/2011 20:13:00]yes yes, haha, 仲要等我坐月, 有排都未可以見到你bb女一面呢!!
放心啦！乖豬好快出來見你ga la，預祝你地母女平安，bb肥肥白白 !等你好消息呀！
回覆刪除[SkyBlue回覆05/15/2011 10:25:00]thanks thanks!!!希望唔使等好耐, haha!!
快啦快啦! 好 exciting 呢!!!
回覆刪除[SkyBlue回覆05/15/2011 10:26:00]希望真係'快'啦, hehe!!
我諗你既乖豬係你個肚到住得好舒服,唔願出來住呀...比乖豬住多幾日, 過多幾日要出來啦, 唔係媽媽就辛苦啦.
回覆刪除[SkyBlue回覆05/16/2011 11:26:00]係囉, 搞到我成日囉囉戀, haha!!
已經３９Ｗ啦，隨時都可以見到ＢＢ啦！！
回覆刪除[SkyBlue回覆05/16/2011 14:43:00]等到我好悶喇, hahaha!!!
我個囡都住到41weeks~~~ 女仔可能多數都遲d~~haha
回覆刪除[SkyBlue回覆05/16/2011 18:17:00]haha, 希望佢唔好咁留戀我肚皮啦!!!